Ագելաուս
Ագելաուս (հուն․՝ Ἀγέλαος) —
- ըստ հունական առասպելների, ըստ Ապոլոդորի, Հերկուլեսի և Օմֆալայի որդին, Կրեզի նախնին։
- Կալեդոնիայի արքա Էնեյի և Ալթեայի որդին, Մելագրի եղբայրը, սպանվել է կալեդոնցիների և կուրետների պատերազմի ժամանակ։
- Դամաստորի որդին, Պենելոպեի փեսացուներինց մեկը (Հոմերոսի «Ոդիսական»-ում)։ Չնայած այն բանին, որ նա փեսացուներից ամենախիզախն էր, այնուամենայնիվ, սպանվում է Ոդիսևսի նիզակից։
- Թեմենի որդին, Հերկուլեսի հեռավոր ազգականը։
- Տրոյական արքա Պրիամոսի գլխավոր հովիվը։ Արքան Ագելաուսին հանձնարարում է սպանել նորածին Պարիսին, որը, ըստ մարգարեների կանխագուշակումների, պետք է դառնար Տրոյաի կործանման մեղավորը։ Ագելաուսի փափկասրտությունը թույլ չի տալիս իրեն օգտագործել պարան կամ սուր, նա երեխային ուղղակի թողնում է Իդա լեռան վրա, որտեղ նրան կերակրում է արջը։ Հինգ օր անց (ըստ այլ վարկածի՝ մեկ տարի անց) վերադառնալով լեռան վրա և տեսնելով կենդանի նորածնին, Ագելաուսը այնպես է ցնցվում, որ որոշում է վերցնել լխված երեխային և նրան բերում է տուն, որպեսզի նրան մեծացնի իր նոր ծնված որդու հետ։ Ի ապացույց այն բանի, որ նա կատարել է Պրիամոսի կամխը, Ագելաուսը արքային է տանում շան կտրված լեզուն։ Որոշները ասում են, որ Հեկուբան՝ Պարիսի մայրը, կաշառել է Արգելաուսին, որպեսզի վերջինս չսպանի իր որդուն։ Երբ մեծացած Պարիսը առաջ է բերում Պրիամոսի որդիների զայրույթը՝ նրանց հաղթելով մարզական մրցումների ժամանակ և վերջիններս, մերկացնելով սրերը հարձակվում են նրա վրա, Ագելաուսը Պրիամոսին հայտնում է, որ Պարիսը նրա որդին է[1]։
| Ագելաուս | |
|---|---|
| Տեսակ | հունական դիցաբանության կերպարների դաս |
| Դիցաբանություն | հին հունական |
| Հունական գրաձև | Ἀγέλαος |
| Զբաղմունք | հովիվ |
| Հայր | Էնեյ կամ Դամաստոր կամ Թեմեն կամ Հերկուլես |
| Մայր | Ալթեյա կամ Օմֆալա |
| Եղբայր | Մելագր |
Ծանոթագրություններ
խմբագրել- ↑ А. П. Кондрашов, Боги и герои древней Греции и Рима, 13