Աթենքի ազգային պատկերասրահ

Աթենքի ազգային պատկերասրահ (հուն․՝ Εθνική Πινακοθήκη), գեղարվեստի թանգարան Աթենքում։ Հիմնադրվել է 1900 թվականին և ներկայացնում է 14-րդ դարից մինչև մեր օրերի հունական և եվրոպական արվեստի նմուշները։ Կոչվում է նաև Ալեքսանդրոս Սուցոսի թանգարան (հուն․՝ Μουσείο Αλεξάνδρου Σούτζου), Հունաստանի ազգային թանգարան։ Հետպատերազմյա շրջանում քանդակների հավաքածուն առանձնացել է թանգարանից և ներկայացվում է Ազգային գլիպտիկայի թանգարանում։

Աթենքի ազգային պատկերասրահ
Տեսակ	պատկերասրահ, ազգային թանգարան և պինակոտեկ
Երկիր	Հունաստան
Տեղագրություն	Աթենքի մունիցիպալիտետ
Կազմված է	Nafplio national gallery?, Koumantareios gallery? և Kapralos museum?
Հասցե	50 av. Vassileos Konstantinou11610
Հիմնադրվել է	ապրիլի 10, 1900
Տնօրեն	Marina Lampraki-Plaka?
Կայք	nationalgallery.gr և nationalgallery.gr/en/​(անգլ.)

Պատմություն

Թանգարան հիմնադրելու միտքը հղացել է 1878 թվականին, երբ Աթենքի համալսարանն իր հավաքածուի մի մասը տվել է թանգարանին։ 1896 թվականին իրավաբան, արվեստի սիրահար Ալեքսանդրոս Սուցոսը իր մասնավոր հավաքածուն նվիրել է հունական պետությանը։ Թանգարանը բացվել է 1900 թվականին և ունեցել է շուրջ 258 նմուշ Աթենքի համալսարանից, Աթենքի պոլիտեխնիկական համալսարանից և Ալեքսանդրուս Սուցոսի հավաքածուից։ Թանգարանի առաջին համադրողն է եղել հույն նկարիչ Գեորգիոս Իակովիդիսը։ Գործունեության հետագա տարիներին թանգարանի հավաքածուն համալրվել է հույն նկարիչների, շարքային քաղաքացիների նվիրատվություններով։ Թանգարանի հավաքածուն էականորեն համալրվել է Էվրիպիդես Կուտլիդիսի կողմից 19-20-րդ դարերի հունական գեղանկարչության գործերի նվիրատվությամբ։

1964 թվականին սկսվել է թանգարանի նոր շենքի շինարարությունը ճարտարապետներ Ֆատուրիսի, Միլոնասի, Մուվոպուլոսի նախագծով։, որն իրենից ներկայացնում է ոչ մեծ, երկթևյա շինություն։ Թանգարանն այս շենքում է գործում 1976 թվականից՝ ունենալով ավելի քան 9,5 հազար ցուցանմուշ։

Ցուցադրություն

Ցուցասրահներ

Թանգարանի մշտական հավաքածուն տեղավորված է առաջին և երկրորդ հարկերում և ներկայացնում է 19-20-րդ դարերի գեղարվեստի աշխատանքներ։ Կտավները ներկայացված են ժամանակագրական կարգով և թեմատիկ խմբավորմամբ։ Հիմնական սրահը նվիրված է հետբյուզանդական գեղանկարչությանը, որտեղ հիմնականում ներկայացված է Դոմենիկոս Տեոտոկոպուլոսի կամ ինչպես հայտնի է իր իսպանական անվանումով Էլ Գրեկոյի աշխատանքները։ Ներկայացված են նաև Յակոբ Յորդանսի, Լուկա Ջորդանոյի, Ջովաննի Բատիստա Տիեպոլոյի, Ավագ և կրտսեր Յան Բրեյգելների, Լորենցո Վենեցիանոյի, Ալբրեխտ Դյուրերի և այլոց աշխատանքներ։

Պատկերասրահ

• 
  «Էլիզարն ու Ռեբեկան», Ջովաննի Բատիստա Տիեպոլո
• 
  «Նշանդրեք», Նիկոլաս Գիզիս
• 
  «Մանկական համերգ», Գեորգիոս Յակովիդիս
• 
  Հրեշտակների համերգ, Էլ Գրեկո
• 
  Լեոնիդաս Դրոսիս, Պենելոպե

Արտաքին հղումներ

• Պաշտոնական կայքը
• Աթենքի ազգային պատկերասրահ, Աթենքի տեղեկատու

Վիքիպահեստն ունի նյութեր, որոնք վերաբերում են «Աթենքի ազգային պատկերասրահ» հոդվածին։