Ալեքսանդր Բյուխներ
Ալեքսանդր Կարլ Լյուդվիգ Բյուխներ (գերմ.՝ Alexander Karl Ludwig Büchner, հոկտեմբերի 25, 1827[1], Դարմշտադտ, Հեսսենի մեծ դքսություն - մարտի 7, 1904[1], Հաննովեր, Պրուսիայի թագավորություն, Գերմանական ռայխ), գերմանացի և ֆրանսիացի գրող, մանկավարժ, պրոֆեսոր, գրականության պատմաբան[2]։
Ալեքսանդր Բյուխներ ֆր.՝ Alexander Büchner | |
|---|---|
 | |
| Ծնվել է | հոկտեմբերի 25, 1827[1] |
| Ծննդավայր | Դարմշտադտ, Հեսսենի մեծ դքսություն |
| Վախճանվել է | մարտի 7, 1904[1] (76 տարեկան) |
| Վախճանի վայր | Հաննովեր, Պրուսիայի թագավորություն, Գերմանական ռայխ |
| Մասնագիտություն | դպրոցի ուսուցիչ, պրոֆեսոր, թարգմանիչ, գրականության պատմաբան, գրող և համալսարանի դասախոս |
| Քաղաքացիություն | .svg){kind=small} Ֆրանսիա և  Հեսսենի մեծ դքսություն |
| Աշխատավայր | Ցյուրիխի համալսարան |
 Alexander Büchner Վիքիպահեստում | |
Կենսագրություն
խմբագրելԾնվել է 1827 թվականի հոկտեմբերի 25-ին Դարմշտադտում՝ բժշկի ընտանիքում։ Գրող Լուիզա, բանաստեղծ և դրամատուրգ Գեորգ և փիլիսոփա Լյուդվիգ Բյուխների կրտսեր եղբայրն է։
Բյուխների գրեթե բոլոր եղբայրներն ու քույրերը աչքի են ընկել ոչ սովորական ունակություններով ու տաղանդներով։ Նրա եղբորորդին է եղել գյուտարար քիմիկոս Էռնստ Բյուխները (1850-1924)։
Սովորել է իրավունք Գիսենի համալսարանում։ Իր եղբոր՝ Լյուդվիգի հետ մասնակցել է 1848 թվականի հեղափոխական իրադարձություններին։ Խմբագրել է «Jüngste Tag» թերթը։
Ավելի ուշ ոստիկանության կողմից հետախուզվել է, ապա ձերբակալվել և հարցաքննվել, սակայն ազատ է արձակվել։
Ուսումն ավարտելուց հետո աշխատել է որպես ասեսոր Լանգենում (Հեսսեն)։ 1851 թվականին մասնակցել է Լոնդոնի համաշխարհային ցուցահանդեսին, որտեղ հանդիպել է գերմանացի էմիգրանտ հեղափոխականների հետ, մասնակցել Գերմանիայում ԱՄՆ-ի օրինակով մի քանի հանրապետությունների ստեղծման և դրանք միավորելու դավադրությանը, որի նպատակն էր ստեղծել միավորված գերմանական պետություն։ Դավադրության մասին մատնել են։
1852 թվականից աշխատել է Ցյուրիխի փիլիսոփայության ֆակուլտետում որպես դասախոս։ 1855 թվականից ապրել է Ֆրանսիայում, դասավանդել է ժամանակակից լեզուներ Վալանսյենի Նոտր Դամի կաթոլիկ քոլեջում։ Ավելի ուշ եղել է գրականության պրոֆեսոր Կաննում (Նորմանդիա)։
1870 թվականին ընդունել է Ֆրանսիայի քաղաքացիություն։
Ընտրյալ մատենագիտություն
խմբագրել- Գերմաներեն
- Geschichte der englischen Poesie (Անգլիական պոեզիայի պատմություն, 2 հատորով, Դարմշտադտ, 1855)
- Französische Litteraturbilder (Ֆրանսիական գրականություն, 2 հատորով, Մայնի Ֆրանկֆուրտ, 1858)
- Lautverschiebung und Lautverwechselung, (1863)
- Jean Paul in Frankreich։ (Շտուգտարտ, 1863)
- Der Wunderknabe von Bristol. (Լայպցիգ, 1861)
- Lord Byrons letzte Liebe։ (2 հատորով, Լայպցիգ, 1862)
- Das «tolle» Jahr։ (1900)
- Ֆրանսերեն
- La jeune Allemagne et l’école romantique։ (1863)
- Le roman réaliste en Allemagne։ (Ռեալիստական վեպը Գերմանիայում, 1864)
- Les comédies de Shakespeare։ (Շեքսպիրի կատակերգությունը, Կան, 1864)
- Considérations sur le roman moderne։ (1868)
- Hamlet le Danois։ (Փարիզ, 1878)
Ծանոթագրություններ
խմբագրել- ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ Alexander Büchner
Արտաքին հղումներ
խմբագրել- Alexander Büchner (գերմ.)
 | Վիքիպահեստն ունի նյութեր, որոնք վերաբերում են «Ալեքսանդր Բյուխներ» հոդվածին։ |