Ամբողջ կյանքն աչքի առաջ
«Ամբողջ կյանքն աչքի առաջ» (անգլ.՝ The Life Before Her Eyes, Կյանքը նրա աչքերի առաջ, այլընտրանքային թարգմանություն՝ «Կյանքի ակնթարթներ»), Լաուրա Կասիշկեի վեպի հիման վրա 2017 թվականին ռեժիսոր Վադիմ Պերելմանի նկարահանած դրամա ֆիլմը։ Գլխավոր դերերում հանդես են եկել Ումա Թուրմանը և Էվան Ռեյչել Վուդը։
 անգլ.՝ The Life Before Her Eyes | |
|---|---|
| Երկիր |  ԱՄՆ |
| Ժանր | թրիլեր, դրամա և վեպի էկրանավորում |
| Թվական | 2007 |
| Լեզու | անգլերեն |
| Ռեժիսոր | Վադիմ Փերելման |
| Դերակատարներ | Ումա Թուրման, Էվըն Ռէյչըլ Ուուտ, Էվա Ամուրի, Բրեթ Քալեն, Մոլլի Փրայս և Օսկար Այզեկ |
| Օպերատոր | Պավել Էդելման |
| Երաժշտություն | Ջեյմս Հորներ |
| Նկարահանման վայր | Կոնեկտիկուտ |
| Կինոընկերություն | 2929 Entertainment |
| Տևողություն | 86 րոպե |
| Պաշտոնական կայքէջ | |
Դիպաշար
խմբագրելԴիանան և Մորինը ընկերուհիներ են, թեև բնավորությամբ ու հայացքներով լրիվ հակադիր են։ Դիանան փորձում է կյանքից վերցնել ամեն ինչ, նա երիտասարդ է, գեղեցիկ, նրան թվում է, թե կյանքը չափազանց կարճ է, և այն պետք է ապրել ոչ թե արժանապատիվ, այլ «լիարժեք» (սեքս, թմրանյութեր, ուսման մեջ նվազագույն լարում)։
Մորինը ամաչկոտ է, սիրալիր, աշխատասեր, և նույնիսկ ստելը նրա համար դժվար է։ Ամեն ինչ փոխվում է այն պահին, երբ աղջիկները բախվում են «էքստրեմալին». տղաներից մեկը հրաձգության է սկսում նրանց դպրոցում՝ սպանելով բազմաթիվ աշակերտների և ուսուցիչների։ Հոգեխախտված, մարդասպան այդ տղան աղջիկներին տալիս է ընտրելու հնարավորություն, թե իրենց երկուսից ում պետք է սպանի և... Ֆիլմում ցուցադրվում են սպանված մարդկանց դիակներով լի դասասենյակներ, սպանված մարզչի դիակը մարզադահլիճում, տնօրենի դիակը իր իսկ աշխատասենյակում, լսվում են ինքնաձիգի կրակահերթի ձայներ։
Անցնում է 15 տարի։ Դիանան ապրում է նույն քաղաքում, ունի ընտանիք (ամուսին և դուստր)։ Նրա երեխան շատ նման է իրեն (քմահաճ է)։ Բայց Դիանային հետապնդում է անցյալը։ Նա անհանգստացած է դստեր ապագայով, կարծում է, թե ամուսինը խաբում, դավաճանում է իրեն։ Դիանային տարօրինակ տեսիլքներ են այցելում. այն արտակարգ դեպքից 15 տարի անց՝ զոհվածների հիշատակի օրվան մոտ, Դիանային տանջում է մեղքի զգացումը, նա հիշում է, թե ինչպես է այդ ամենը տեղի ունեցել։
Եզրափակիչ հատվածում բացահայտվում է ֆիլմի բուն իմաստը։ Ամբողջ ֆիլմի ընթացքում կինոդիտողը կարծում է, որ Դիանան սխալ ընտրություն է կատարել և տանջվում է սեփական մեղքի գիտակցումից ու խղճի խայթերից։ Սակայն հանգուցալուծումը չափազանց անկանխատեսելի է։
Դերերում
խմբագրել| Դերակատար | Դեր |
|---|---|
| Ումա Թուրման | Դիանա Մաքֆի |
| Էվան Ռեյչել Վուդ | ջահել Դիանա |
| Եվա Ամուռի | Մորին |
| Գեբրիել Բրենան | Էմմա |
| Բրեթ Քալլեն | Փոլ Մաքֆի |
| Մեգի Լեյսի | Ամանդա |
| Ջոն Մագարո | Մայքլ Պատրիկ |
| Թեններ Քոեն | Նայթ Ուիթ |
| Օսկար Այզեք | Մարկուս |
| Լին Քոեն | քույր Բեաթրիս |
Քննադատություն
խմբագրելՖիլմն արժանացել է կինոքննադատների անբարենպաստ արձագանքներին։ Rotten Tomatoes- ում ֆիլմն ունի 24% վարկանիշ՝ հիմնված 96 գրախոսականների վրա, միջին գնահատականը 4,4/10[1]։ Metacritic- ում ֆիլմն ունի 100-ից 38 միավոր՝ հիմնված 25 քննադատների ակնարկների վրա, ինչը համապատասխանում է «ընդհանուր առմամբ անբարենպաստ արձագանքներ» կարգավիճակին[2]։
Ծանոթագրություններ
խմբագրել- ↑ «The Life Before Her Eyes (2007)» (անգլերեն). Rotten Tomatoes. Արխիվացված օրիգինալից 2017 թ․ նոյեմբերի 29-ին. Վերցված է 2019 թ․ հուլիսի 5-ին.
- ↑ «The Life Before Her Eyes». Rotten Tomatoes. Արխիվացված օրիգինալից 2010 թ․ օգոստոսի 4-ին. Վերցված է 2019 թ․ հուլիսի 5-ին.
Արտաքին հղումներ
խմբագրել- Ֆիլմի պաշտոնական կայքը(անգլերեն) )
- «Ամբողջ կյանքն աչքի առաջ»(անգլ.) ֆիլմը Internet Movie Database կայքում
- «Ամբողջ կյանքն աչքի առաջ»(անգլ.) ֆիլմը Box Office Mojo կայքում
- Ամբողջ կյանքն աչքի առաջ(անգլ.) ֆիլմը Rotten Tomatoes կայքում
- «Ամբողջ կյանքն աչքի առաջ»(անգլ.) ֆիլմը Metacritic կայքում: