Ամերիկահայ ճարտարագետների և գիտնականների ընկերակցություն
Ամերիկահայ ճարտարագետների և գիտնականների ընկերակցությունը հիմնվել է Հակոբ Փանոսյանի գլխավորությամբ 1983 թվականին, Լոս Անջելեսում՝ ԱՄՆ-ում, Հայաստանում և այլ երկրներում բնակվող հայ ճարտարագետներին համախմբելու և նրանց միջև համագործակցություն ստեղծելու նպատակով։ Ընկերակցությունը կազմակերպում է համահայկական գիտաժողովներ՝ Հայաստանի գիտությունների ազգային ակադեմիայի, մասնագիտական այլ հաստատությունների մասնակցությամբ։
| Ամերիկահայ ճարտարագետների և գիտնականների ընկերակցություն | |
|---|---|
| Տեսակ | հասարակական կազմակերպություն |
| Երկիր |  ԱՄՆ |
| Հիմնադրված | 1983 |
| Նպատակներ | Հայ ճարտարագետներին համախմբել և նրանց միջև համագործակցություն ստեղծել |
| Գլխադասային գրասենյակ | ԱՄՆ, Լոս Անջելես ԱՄՆ |
| Ստորադաս կազմակերպություն(ներ) | Բոստոնում, Նյու Յորքում, Սան Ֆրանցիսկոյում |
| Կամավորներ | 700 |
Հայաստանի տնտեսական հարցերի լուծման վերաբերյալ հետազոտություններ կատարելու նպատակով իրականացնում է մասնագետների փոխանակություն։ Օժանդակություն է ցույց տալիս Հայաստանի գիտնականներին և գիտական հիմնարկներին։ Մասնաճյուղեր ունի Բոստոնում, Նյու Յորքում, Սան Ֆրանցիսկոյում։ Հրատարակում է եռամսյա տեղեկատու։ Ունի շուրջ 700 անդամ։
Այս հոդվածի կամ նրա բաժնի որոշակի հատվածի սկզբանական տարբերակը վերցված է «Հայ Սփյուռք» հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ 
|