Ամրան

Ամրան կամ արմատուրա, իրար հետ միացված տարրերի ամբողջություն, որոնք երկաթբետոնե կառուցվածքներում բետոնի հետ միասնական աշխատանքի ժամանակ իրենց վրա են վերցնում ձգող լարումները (հեծաններ), ինչպես նաև կիրառվում են սյուներում սեղմման գոտիներում բետոնն ուժեղացնելու համար։

Ծածկի սալի ամրանային կարկասը բետոնը լցնելուց առաջ։

Ամրանի տարրերը լինում են կոշտ (ձուլված երկտավրներ, շվելերներ, անկյունակներ) և ճկուն (հարթ կամ պարբերական պրոֆիլներով առանձին ձողեր, ինչպես նաև զոդված կամ գործված ցանցեր ու կարկասներ)։ Ամրանային ձողերը կարող է լինի պատրաստված պողպատից, ապակեպլաստիկից, բազալտից, փայտից (բամբուկից) և այլն։

Երկաթբետոնե կոնստրուկցիաներում հիմնականում կիրառվում են իրենցից իրար հետ միացված ամրանային ձողեր ներկայացնող ամրանային շինվածքներ։ Ձողերի միացման հիմնական եղանակներն են՝ էլեկտրաեռակցումը և լարով կապելը։ Գազաեռակցում, որպես կանոն, չի կիրառվում։

Ամրանային շինվածքների հիմնական տեսակներն են՝ հարթ ցանցերը և տարածական ամրանային կարկասները։շ

Այն ոչ միայն օգտագործվում է շինարարության համար այլ նաև տարբեր Համայնքներում տարբեր նպատակներով, օրինակ սպորտային պարապմունքների համար որպես ձգաձող{տուռնիկ}: ԵՎ այլնի հանար։

Ամրալար

Ամրալարերը մինչև 12 մմ տրամագծով հատվածք ունեցող հարթ մակերևույթով ամրանային ձողերն են։

Ամրանային ձողերի պարամետրերը

Ձողի տրամաչափը	Միավոր երկարության քաշը (կգ/մ)	Անվանական տրամագիծը (մմ)	Հատվածքի մակերեսը (մմ²)
6,0	0.222	6	28.3
8,0	0.395	8	50.3
10,0	0.617	10	78.5
12,0	0.888	12	113
14,0	1.21	14	154
16,0	1.579	16	201
20,0	2.467	20	314
25,0	3.855	25	491
28,0	4.83	28	616
32,0	6.316	32	804
40,0	9.868	40	1257
50,0	15.413	50	1963

Վիքիպահեստն ունի նյութեր, որոնք վերաբերում են «Ամրան» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 332)։