Անդրանիկ Արամի Սիմոնյան (1989, հոկտեմբերի 10, Հոկտեմբերյան), հայ պետական գործիչ, իրավաբան, իրավաբանական գիտությունների թեկնածու։ ՀՀ Լոռու մարզի առաջին ատյանի ընդհանուր իրավասության դատարանի նախկին դատավոր, ՀՀ ազգային անվտանգության ծառայության տնօրենի տեղակալ[1], գեներալ-մայոր։
- 2009թ.- ՀՀ ոստիկանության ակադեմիա, իրավաբանական ֆակուլտետ, բակալավրիատ։
- 2013թ.- ՀՀ պետական կառավարման ակադեմիա, իրավաբանական ամբիոն, մագիստրատուրա, «Դատախազության դպրոց» ՊՈԱԿ, ուսումնառություն։
- 2019-2020թթ.- ՀՀ արդարադատության ակադեմիա, ունկնդիր։
- 2009-2012 - ՀՀ ոստիկանության իրավաբանական վարչություն, իրավական փորձաքննությունների բաժին, տեսուչ, ավագ տեսուչ։
- 2012-2013թթ. - ՀՀ ոստիկանության կազմակերպված հանցավորության դեմ պայքարի գլխավոր վարչություն, 1-ին վարչության 3-րդ բաժին, օպերլիազոր։
- 2014-2018թթ. Երևան քաղաքի դատախազություն, Կենտրոն և Նորք Մարաշ վարչական շրջանների դատախազություն, դատախազ։
- 2020-2021թթ. - ՀՀ Լոռու մարզի առաջին ատյանի ընդհանուր իրավասության դատարան, դատավոր։
- 2021թ. մարտի 26-31- ՀՀ քննչական կոմիտեի նախագահի տեղակալ[2]
- 2021թ. մարտի 31 - ՀՀ վարչապետի առաջարկությամբ և նախագահի հրամանագրով նշանակվել է ՀՀ ազգային անվտանգության ծառայության տնօրենի տեղակալ։
- 2024թ. հունվարի 12- ՀՀ նախագահի հրամանագրով ազատվել, և վարչապետի որոշմամբ վերանշանակվել է ՀՀ ազգային անվտանգության ծառայության փոխտնօրեն։
- 2023թ. - «Հայրենիքին մատուցած ծառայությունների համար» 2-րդ աստիճանի մեդալ, գեներալ-մայորի զինվորական կոչում[3]։