Անդրուշևսկի աստղադիտարան

Անդրուշևսկի աստղադիտարան (ուկրաիներեն՝ Андрушівська астрономічна обсерваторія, աստղադիտարանի կոդը` — «A50»), մասնավոր աստղադիտարան Ուկրաինայի Ժիտոմիրի մարզի Անդրուշյովկա քաղաքից 3 կմ հարավ արևմուտք, Գալչին գյուղի մոտ։ Հիմնադրվել է 2001 թվականի ապրիլի 12-ին։ Հանդիսանում է «Ուկրաինական աստղագիտական միության» ասոցիացված անդամ։

Անդրուշևսկի աստղադիտարան
Տեսակ	աստղագիտական ​​աստղադիտարան
Աստղադիտարանի կոդ	A50
Երկիր	Ուկրաինա
Վայր	Ժիտոմիրի մարզ և Գալչին
ԲԾՄ	214 մետր
Կայք	aao.gluk.org
Andrushivka Astronomical Observatory Վիքիպահեստում

Աստղադիտարանը հիմնվել է Յուրի Իվաշչենկոյի կողմից, ով հանդիսանում է աստղադիտարանի տնօրենը։ Իվաշչենկոն ունի ֆիզիկա-մաթեմատիկական գիտությունների թեկնածուի կոչում աստղագիտության ոլորտում, սակայն զբաղվում է գործարարությամբ։ Աստղադիտարանը կառուցվել է նրա անձնական միջոցներով։

Աստերոիդների առաջին հետազոտությունները սկսել են կատարվել աստղադիտարանում 2002 թվականի ամռանը։ Սկզբում աստղադիտարանում աշխատում էին Կիևյան աստղադիտարանի աշխատակիցները։ Այժմ աստղադիտարանում աշխատում են 2-ից 5 աշխատակից։

2005 թվականին կառուցվեց աստղադիտարանի երկրորդ մասնաշենքը, որտեղ տեղակայված են երկու գմբեթ։ Դրանցից մեկում տեղադրված է նոր 60-սմ աստղադիտակ, որի հայելին պատրաստվել է Օդեսայի աստղադիտարանում։ Այս գործիքի վրա տեղադրված է FLI PL09000 ԼԿՍ-խցիկ։ Երկրորդ գմբեթի տակ կտեղադրվի ավելի փոքր գործիք։

Աստղադիտարանի գործիքներ

• Ցեյս-600 (D=600 մմ, F=2400 մմ) S1C-017 ԼԿՍ խցիկով (մինչև 2009 թվականի աշուն) և FLI PL09000 (դրանից հետո)
• 30-սմ Ռիչի-Կրետյեն աստղադիտակ (D=300 մմ, F=1200 մմ) (2009 թվական)
• Երկրորդ 60-սմ աստղադիտակ S-600 (D=600 մմ, F=1062 մմ) (2009 թվական) մինչև 2009 աշուն FLI PL09000 ԼԿՍ-խցիկով, 2009 թվականի նոյեմբերից Apogee AltaU9, իսկ 2009 դեկտեմբերից FLI PL16803 խցիկով։

Հետազոտությունների ուղղություններ

• Մերձերկրյա աստերոիդների աստղաչափություն
• Աստերոիդների որոնում
• Երկրի արհեստական արբանյակների հետևում

Հիմնական նվաճումները

• Հայտնաբերվել են 101 աստերոիդ մինչև 2008 թվականը և 223 աստերոիդ մինչև 2009 թվականի ավարտը։
• 2323 աստղաչափական դիտարկումներ հրապարակված մինչև 2010 թվականի հուլիս ամիսը

Արտաքին հղումներ

• Անդրուշևսկի «Հուլիսյան առավոտ» աստղադիտարան
• «Հուլիսյան առավոտ» աստղադիտարանի համար ԼԿՍ-խցիկ
• 2009 թվականի նոյեմբեր - լուսանկարներ
• Անդրուշևսկի աստղադիտարան

Փոքր մոլորակների կենտրոնի կայքում աստղադիտարանի կատարած դիտարկումները

• Աստերոիդների աստղաչափական դիտարկումները

NASA ADS տվյալների բազայում աստղադիտարանի ներդրումը

• Որոնում «Andrushivka» բառերով