Աշուղ Ղարիբը (ֆիլմ)
| Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
Աշուղ Ղարիբը Սերգեյ Փարաջանովի նշանավոր ֆիլմն է։ Այն թողարկվել է 1988 թվականին և արժանացել մի շարք մրցանակների։ Ֆիլմը նվիրված է Անդրեյ Տարկովսկու հիշատակին։ Հիմնված է Միխայիլ Լերմոնտովի համանուն հեքիաթի մշակման վրա։
.png) | |
| Երկիր |  ԽՍՀՄ[1][2] |
| Ժանր | արտհաուս և դրամա |
| Թեմա | երաժիշտ[3], սոցիալական դիրք[3], սոցիալական ներառականություն[3], թափառաշրջիկ[3], Ադրբեջանի մշակույթ, ռոմանտիկ սեր[4] և սիրահետում[4] |
| Հիմք | Ashik Kerib? |
| Թվական | 1988 |
| Լեզու | ռուսերեն, վրացերեն և ադրբեջաներեն |
| Ռեժիսոր | Սերգեյ Փարաջանով[5][1] և Դավիթ Աբաշիձե[5] |
| Սցենարի հեղինակ | Գիա Բադրիձե[1] |
| Դերակատարներ | Սոֆիկո Ճիաուրելի[1], Կոնստանտին Ստեպանկով[6], Դավիթ Աբաշիձե, Յուրի Մգոյան[6] և Ռամազ Չխիկվաձե[6] |
| Օպերատոր | Ալբերտ Յավուրյան |
| Երաժշտություն | Ջավանշիր Կուլիև |
| Պատմվածքի վայր | Ադրբեջան |
| Կինոընկերություն | Վրացֆիլմ |
| Տևողություն | 73 րոպե |
| IMDb | ID 0094681 |
| Պաշտոնական կայքէջ | |
Սյուժեն
խմբագրելԱղքատ Աշուղ Ղարիբը հարսանիքների ժամանակ սազ է նվագում։ Նա սիրում է հարուստի դուստր Մագուլ-Մեղերին։ Աշուղ Ղարիբը խոստանում է թափառել յոթ տարի և դառնալ հարուստ, կամ մեռնել։
Նրա մրցակիցը գողանում Աշուղ Ղարիբի հագուստը։ Բոլորը կարծում են, որ Աշուղ Ղարիբը խեղդվել է։ Աշուղ Ղարիբի մայրը լաց լինելուց կորցնում է տեսողությունը։ Նրա հակառակորդը պահանջում է Մագուլ-Մեղերի ձեռքը։
Աղքատ երաժիշտը ընկնում է Սուլթանի մոտ, և երգում է նրան իր սիրո մասին։ Սուլթանին դուր է գալիս նրա երգը, և նա ոսկի է պարգևում Աշուղ Ղարիբին։ Արդեն յոթ տարի նա վայելում է կյանքը սուլթանի պալատում և սկսում է մոռանալ իր հարսնացուին։
Հանդիպելով մի խորհրդավոր ձիավորի սպիտակ ձիու վրա՝ Աշուղ Ղարիբը հնարավորություն է ստանում կախարդանքի միջոցով կատարել յուրաքանչյուր ցանկություն։ Նա տեղափոխվում է իր հայրենի գյուղ՝ հայտնվելով իր կորցրած սիրեցյալի և իր դժբախտությունների մեջ մեղավոր տղամարդու հարսանիքին։
Լսելով նրա հավաստիացնումները՝ մեծահարուստի տանը Աշուղ Ղարիբին ծաղրում են, թե իբր ինքը մեկ ակնթարթում երկար ճանապարհ է անցել, որի համար սովորաբար պահանջում է ավելի քան մեկ օր։
Զայրացած փեսացուն սպառնում է սպանել Աշուղ Ղարիբին։ Որպեսզի ապացուցի իր ճշմարտացիությունը, Աշուղ Ղարիբը հարսանիք է բերում իր կույր մորը՝ սրտաբեկ կնոջը, որը հավատացել էր իր որդու մահվանը։ Աշուղ Ղարիբը անց է կացնում սպիտակ թաշկինակը մոր չտեսնող աչքերի մոտով և նրան վերադարձնում տեսողությունը։
Վարկաբեկված հակառակորդը փախչում է, իսկ Աշուղ Ղարիբը սպիտակ հագուստով հաղթանակն է նշում՝ պատրաստվելով իր հարսանիքին վերագտած հարսնացուի հետ։
Դերերում
խմբագրել- Յուրի Մգոյան - Աշուղ ղարիբ
- Սոֆիկո Ճիաուրելի - մայր
- Ռամազ Չխիկվաձե - Ալի-աղա
- Կոնստանտին Ստեպանկով - ուսուցիչ
- Վարվարա Դվալիշվիլի - քույր
- Վերոնիկա Մետոնիձե
- Դավիթ Աբաշիձե
- Թտամազ Վաշակիձե
- Դավիթ Դովլաթյան
- Նոդար Դուքլաձե
- Լևան Նատրոշվիլի
- Գևորգ Հովակիմյան
- Վյաչեսլսվ Ստեփանյան
Ստեղծագործական խումբը
խմբագրել- նկարիչներ - Շոթա Գոգոլասշվիլի, Գեորգի Ալեքսի-Մեշիշվիլի, Նիկոլայ Սանդուկելի
- հնչյունային օպերատոր - Գառի Կունցեվ
- Երգերի կատարումը - Ալիմ Գասըմով
- Խորեոգրաֆիա - Ս. Ալեքսիձե
Մրցանակներ
խմբագրել- 1988 - Մրցանակ "Felix-88» - ֆիլմի նկարիչներ Գ. Ալեքսի-Մեշիշվիլի, Ն. Սանդուկելի, Շ. Գոգոլասշվիլի
- 1989 - Ստամբուլի միջազգային կինոփառատոն - Ժյուրիի հատուկ մրցանակը (Ս. Փարաջանովին)
- 1990 - Մրցանակ «Նիկա-89» - լավագույն խաղարկային ֆիլմի ռեժիսոր, օպերատոր, զգեստները ձևավորող (Ս. Փարաջանով)։ «Աշուղ ղարիբը» երկու ոչ-ռուսերեն ֆիլմերից մեկն էր, որը ստացել «Լավագույն ֆիլմ» գլխավոր մրցանակը։
Ծանոթագրություններ
խմբագրել- ↑ 1,0 1,1 1,2 1,3 https://web.archive.org/web/20200323153805/https://europeanfilmawards.eu/en_EN/film/the-lovelorn-minstrel.4977
- ↑ https://web.archive.org/web/20190713152711/https://www.europeanfilmacademy.org/European-Film-Awards-Winners-1988.85.0.html
- ↑ 3,0 3,1 3,2 3,3 europeanfilmawards.eu
- ↑ 4,0 4,1 Cakarel E. MUBI — 2007.
- ↑ 5,0 5,1 http://www.imdb.com/title/tt0094681/
- ↑ 6,0 6,1 6,2 The Lovelorn Minstrel / Ashik Kerib