Արամ Տեր-Հովհաննիսյան (մանկավարժ)

Արամ Ավետիսի Տեր-Հովհաննիսյան (փետրվարի 27, 1906(1906-02-27) - փետրվարի 21, 1996(1996-02-21), Լվով, Ուկրաինա), հայ խորհրդային մանկավարժ, մարզիկ։ Մանկավարժական գիտությունների դոկտոր (1972), պրոֆեսոր (1972)։ ԽՍՀՄ սպորտի վաստակավոր վարպետ (1946), համամիութենական կարգի մրցավար (1947)։

Արամ Տեր-Հովհաննիսյան
Ծնվել է	փետրվարի 27, 1906(1906-02-27)
Մահացել է	փետրվարի 21, 1996(1996-02-21) (89 տարեկան)
Մահվան վայր	Լվով, Ուկրաինա
Գերեզման	Լիչակիվ գերեզմանատուն
Քաղաքացիություն	ԽՍՀՄ և  Ուկրաինա
Կրթություն	Ռուսաստանի ֆիզիկական մշակույթի, սպորտի, երիտասարդության և տուրազմի պետական համալսարան
Կոչում	պրոֆեսոր
Գիտական աստիճան	մանկավարժական գիտությունների դոկտոր
Մասնագիտություն	Սկավառականետորդ, մարզիչ և համալսարանի դասախոս
Կուսակցություն	ԽՄԿԿ
Պարգևներ և մրցանակներ

Անվան այլ կիրառումների համար տե՛ս՝ Արամ Տեր-Հովհաննիսյան (այլ կիրառումներ)

Ավարտել է Մոսկվայի ֆիզիկական կուլտուրայի կենտրոնական ինստիտուտը (1931), գործուղվել Երևան և աշխատանքի անցել ՀԱՄԽ-ում։ 1932 թվականին մեկնել է Ուկրաինա, անցել մանկավարժական աշխատանքի։

1941-1945 թվականներին ծառայել է կարմիր բանակում։ 1945-1948 թվականներին եղել է ֆիզիկական կուլտուրայի հայկական ինստիտուտի թեթև աթլետիկայի ամբիոնի վարիչ, 1948-1951 թվականներին՝ Մոսկվայի ֆիզիկական կուլտուրայի կենտրոնական ինստիտուտ թեթև աթլետիկայի ամբիոնի դոցենտ, 1951-1960 թվականներին՝ Լվովի ֆիզիկական կուլտուրայի ինստուտի տնօրենի տեղակալ, 1961-1977 թվականներին՝ տեսության և մեթոդիկայի ամբիոնի վարիչ, 1977 թվականից՝ թեթև աթլետիկայի ամբիոնի պրոֆեսոր։ Եղել է համամիութենական առաջին Սպարտակիադայի (1928) մրցանակակիր բարձրացատկից և սկավառակի նետումից, սկավառակի նետման ԽՍՀՄ ռեկորդակիր (1933)։

Երկեր

• Спорт. Обучение, тренировка, воспитание, М., 1967.

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 11, էջ 672)։