Արմեն Դանիելյան (պետական գործիչ)

Անվան այլ կիրառումների համար տե՛ս՝ Արմեն Դանիելյան (այլ կիրառումներ)

Վիքիպեդիայում կան հոդվածներ Դանիելյան ազգանունով այլ մարդկանց մասին։

Արմեն Սերյոժայի Դանիելյան (ապրիլի 12, 1975(1975-04-12), Երևան, Հայկական ԽՍՀ, ԽՍՀՄ), հայ իրավաբան, ՀՀ պետական գործիչ, Արդարադատության երրորդ դասի պետական խորհրդական։

Արմեն Դանիելյան
Ծնվել է	ապրիլի 12, 1975(1975-04-12) (49 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	Հայաստան
Կրթություն	ԵՊՀ իրավաբանական ֆակուլտետ
Գիտական աստիճան	իրավաբանական գիտությունների թեկնածու
Մասնագիտություն	քաղաքական գործիչ
Աշխատավայր	Երևանի պետական համալսարան
Զբաղեցրած պաշտոններ	Հայաստանի Ազգային ժողովի պատգամավոր
Կուսակցություն	Հայաստանի Հանրապետական կուսակցություն

Կրթություն

• 1998 թ. գերազանցությամբ ավարտել է ԵՊՀ իրավաբանական ֆակուլտետը։
• 2001 թ. ավարտել է ԵՊՀ իրավաբանական ֆակուլտետի ասպիրանտուրան։
• 1998-1999 թթ. վերապատրաստվել է Հունգարիայի սահմանադրական և օրենսդրական քաղաքականության ինստիտուտում՝ «Կոմերցիոն արբիտրաժ» և «Համեմատական վարչական իրավունք» ծրագրերով։

Մանկավարժական գործունեությունը

• 1999 թվականից - ԵՊՀ իրավաբանական ֆակուլտետում «Մաքսային իրավունք» և «Քաղաքացիական իրավունք» առարկաների դասախոս։
• 2002-2004 թթ. - ԵՊՀ միջազգային հարաբերությունների ֆակուլտետում դասախոսել է «Արտաքին տնտեսական գործունեության մաքսային կարգավորում» հատուկ դասընթացը։
• 2003 թվականից - ԵՊՀ իրավաբանական ֆակուլտետի գիտական խորհրդի անդամ։

Քաղաքական գործունեությունը

• 1999, 2002 և 2005 թթ. ընտրվել է Երևանի Էրեբունի համայնքի ավագանու անդամ։
• 2002 և 2005 թթ. ընտրվել է համայնքի ավագանու խորհրդի նախագահ։
• 2000 թվականից «Երևանի ավագանիներ», ապա «Հայաստանի ավագանիների ասոցիացիա» հասարակական կազմակերպության խորհրդի անդամ։
• 2003 թ. ընտրվել է ՀՀ Ազգային ժողովի պատգամավոր (թիվ 17 ընտրատարածք)։ ՀՀ Ազգային ժողովի պետական-իրավական հարցերի մշտական հանձնաժողովի անդամ, քաղաքացիա-իրավական հարցերի ենթահանձնաժողովի նախագահ։ ՀՀԿ խմբակցության անդամ։ Ազգային ժողովի նախագահին կից քաղաքացիների իրավունքների պաշտպանության խորհրդի անդամ։
• 2006 թ. հունվարի 9-ին ՀՀ վարչապետի որոշմամբ նշանակվել է ԵՊՀ կառավարման խորհրդի անդամ։
• 2007 թ. մայիսի 12-ին Ազգային ժողովի պատգամավոր է ընտրվել համամասնական ընտրակարգով Հայաստանի Հանրապետական կուսակցությունից մինչև 2008 թ. մայիսի 7-ը։
• «Նիգ-Ապարան» հայրենակցական միության խորհրդի և նախագահության անդամ։
• ՀՀ հակակոռուպցիոն ռազմավարության իրականացման և մոնիտորինգի հանձնաժողովի անդամ։
• Անկուսակցական է։

Դատախազության համակարգում

• 2007 թ. մայիսի 31-ին ՀՀ գլխավոր դատախազի հրամանով նշանակվել է ՀՀ գլխավոր դատախազին առընթեր որակավորման հանձնաժողովի անդամ։
• 2008 թ. մայիսի 7-ին ՀՀ Նախագահի հրամանագրով նշանակվել է ՀՀ գլխավոր դատախազի տեղակալ։
• 2013 թ. հոկտեմբերի 15-ին ՀՀ Նախագահի հրամանագրով ազատվել է ՀՀ գլխավոր դատախազի տեղակալի պաշտոնից։

Պարգևներ, կոչումներ և դասային աստիճան

• Արդարադատության երրորդ դասի պետական խորհրդական (2008)։
• Իրավաբանական գիտությունների թեկնածու, դոցենտ։
• 1998 թվականից ՀՀ իրավաբանների միության անդամ է։
• «Ավագանի +» թերթի խմբագրական խորհրդի անդամ։
• 2005 թ. նոյեմբերի 14-ին Հայաստանի երրորդ հանրապետության խորհրդարանի 15-ամյակին նվիրված «Պառլամենտարիզմը Հայաստանում» թեմայով ուսանողական գիտական մրցույթին աջակցելու համար Ազգային ժողովի նախագահի կողմից պարգևատրվել է շնորհակալագրով։

Ազգային ժողովի նախագահի կողմից պարգևատրվել է Ազգային ժողովի պատվո մեդալով, ՀՀ վարչապետի հուշամեդալով (2009), ՀՀ և ԼՂՀ գլխավոր դատախազների կողմից շնորհակալագրերով, ՌԴ գլխավոր դատախազի կողմից հուշամեդալով, ԻԻ և ՉԺՀ գլխավոր դատախազների կողմից հուշանվերներով և այլ պարգևներով։

Հեղինակել է է մեկ տասնյակից ավելի գիտական հոդվածներ և երկու մենագրություն։

Ամուսնացած է, ունի երկու երեխա։