Արմեն Չիլինգարյան

Արմեն Արշակի Չիլինգարյան (հունվարի 5, 1910(1910-01-05), Ալեքսանդրապոլ, Երևանի նահանգ, Կովկասի փոխարքայություն, Ռուսական կայսրություն - ապրիլի 5, 1986(1986-04-05), Երևան, Հայկական ԽՍՀ, ԽՍՀՄ), հայ նկարիչ, ՀԽՍՀ արվեստի վաստակավոր գործիչ (1960)։

Արմեն Չիլինգարյան
Ծնվել է	հունվարի 5, 1910(1910-01-05)
Ծննդավայր	Ալեքսանդրապոլ, Երևանի նահանգ, Կովկասի փոխարքայություն, Ռուսական կայսրություն
Վախճանվել է	ապրիլի 5, 1986(1986-04-05) (76 տարեկան)
Մահվան վայր	Երևան, Հայկական ԽՍՀ, ԽՍՀՄ
Քաղաքացիություն	ԽՍՀՄ
Կրթություն	Սանկտ Պետերբուրգի գեղարվեստի ակադեմիա (1931)
Մասնագիտություն	նկարիչ
Պարգևներ

Կենսագրություն

1927-1931 թվականներին սովորել է Լենինգրադի գեղարվեստի ակադեմիայում։ 1931-1937 թվականներին եղել է Հայաստանի առաջին պետթատրոնի (այժմ՝ Սունդուկյանի անվան) նկարիչ, ապա գլխավոր նկարիչ, 1962-1967 թվականներին` Հայաստանի ազգային պատկերասրահի տնօրեն, 1937 և 1966 թվականներին` ԵՌԹ գլխավոր նկարիչ։ Չիլինգարյանի ստեղծագործություններից գտնվում են Հայաստանի ազգային պատկերասրահում։

Ստեղծագործական ուղի

Ձևավորել է՝

• Ֆրիդրիխ Շիլլերի «Սեր և խարդավանք», 1935, Սունդուկյանի անվան թատրոն
• Ալեքսանդր Շիրվանզադեի «Պատվի համար», 1939, Սունդուկյանի անվան թատրոն
• Ա. Արբուզովի «Գիշերային խոստովանություն», 1967, ԵՌԹ
• Լոպե դե Վեգայի «Պարտիզպանի շունը», 1969, ԵՌԹ
• Բրանիսլավ Նուշիչի «Տիկին մինիստրուհին», 1981, ԵՌԹ

Չիլինգարյանի երփնագիր գործերից են՝

• «Ընթերցող աղջիկը», 1946, ՀԱՊ
• «Ավետ Գաբրիելյան», 1949, ՀԱՊ
• «Վահրամ Փափազյան», 1951, ՀԱՊ
• «Հարո Ստեփանյան», 1952, ՀԱՊ
• «Աշտարակի հին կամուրջը», 1960, ՀԱՊ
• «Բնակավայր անապատում», 1961, ՀԱՊ