Արսեն Դարբինյան

Արսեն Ռազմիկի Դարբինյան (ապրիլի 26, 1958(1958-04-26), Կիրովական, Հայկական ԽՍՀ, ԽՍՀՄ), ՀՀ պետական գործիչ, Հայաստանի Հանրապետության Լոռու մարզպետի տեղակալ։

Արսեն Դարբինյան
Ծնվել է	ապրիլի 26, 1958(1958-04-26) (66 տարեկան)
Ծննդավայր	Կիրովական, Հայկական ԽՍՀ, ԽՍՀՄ
Կրթություն	ՎՊՀ (1980) և ՀԱՊՀ (1989)
Մասնագիտություն	քաղաքական գործիչ
Կուսակցություն	Հայաստանի Հանրապետական կուսակցություն

Կրթություն

• 1965-1975 թթ. - սովորել և ավարտել է Կիրովականի թիվ 17 միջնակարգ դպրոցը։
• 1975-1980 թթ. - սովորել և ավարտել է Կիրովականի պետական մանկավարժական ինստիտուտի ֆիզիկամաթեմատիկական ֆակուլտետը։
• 1989 թ. - ավարտել է Երևանի Կ. Մարքսի անվան պոլիտեխնիկական ինստիտուտի Կիրովականի մասնաճյուղի մեխանիկական ֆակուլտետը։

Աշխատանքային գործունեությունը

• 1980-1982 թթ. - եղել է Ստեփանավանի շրջանի Վարդաբլուր գյուղի միջնակարգ դպրոցի մեքենագիտության ուսուցիչ։
• 1983-1984 թթ. - աշխատել է Կիրովականի թիվ 2985 ավտոշարսյունում՝ որպես տեխնիկական վերահսկողության բաժնի պետ։
• 1985-1988 թթ. - աշխատել է ՀԽՍՀ առևտրի մինիստրության շինվերանորոգման տրեստի շինիրերի կոմբինատի Կիրովականի մասնաճյուղում՝ որպես արտադրամասի պետի տեղակալ։
• 1988-1994 թթ. - «Ույուտ» արտադրական կոոպերատիվի նախագահի տեղակալ, այնուհետև՝ նախագահ։
• 1994-2000 թթ. - ՀՀ տրանսպորտի և հաղորդակցության նախարարության Սպիտակի ճանապարհային շինարարության ու շահագործման պետական ձեռնարկության տնօրեն։
• 2000-2001 թթ. - «Ճանապարհ» ՓԲԸ-ի գործադիր տնօրեն։
• 2001 թ. մայիսի 21-ին լրացուցիչ ընտրություններով ընտրվել է ՀՀ Ազգային ժողովի երկրորդ գումարման պատգամավոր թիվ 49 ընտրատարածքից։ Ազգային ժողովի ֆինանսավարկային, բյուջետային և տնտեսական հարցերի մշտական հանձնաժողովի անդամ։ «Միասնություն» խմբակցության անդամ։
• 2003 թ. - ՀՀ վարչապետի որոշմամբ նշանակվել է Հայաստանի Հանրապետության բնապահպանության նախարարի տեղակալ։
• 2007 թ. - ՀՀ վարչապետի որոշմամբ նշանակվել է Հայաստանի Հանրապետության Լոռու մարզպետի տեղակալ։

Ամուսնացած է, ունի երկու զավակ։ Հայաստանի հանրապետական կուսակցության անդամ է։