Արքայադուստրը սիսեռահատիկի վրա

Արքայադուստրը սիսեռահատիկի վրա
Հեղինակ	Հանս Քրիստիան Անդերսեն
Տեսակ	գրական ստեղծագործություն
Ժանր	պատմազրույց և գրական հեքիաթ
Բնօրինակ լեզու	դանիերեն
Երկիր	Դանիա
Հրատարակման տարեթիվ	մայիսի 8, 1835
Վիքիդարան	Արքայադուստրը սիսեռահատիկի վրա
	The Princess and the Pea Վիքիպահեստում

Արքայադուստրը սիսեռահատիկի վրա (դան․՝ Prinsessen på Ærten), դանիացի հայտնի հեքիաթագիր Հանս Քրիստիան Անդերսենի հեքիաթը։ Գրվել է 1835 թվականին։ Թարգմանվել է աշխարհի մի շարք լեզուներով, այդ թվում և` հայերեն^[2]։

Սյուժե

Հեքիաթը պատմում է մի արքայազնի մասին։ Այս արքայազնն ուզում է ամուսնանալ մի արքայադստեր հետ։ Նա ցանկանում էր գտնել իսկական արքայադուստր։ Արքայազնը շատ էր փնտրել, բայց չէր գտել իր երազած արքայադստերը։ Նա շատ արքայադուստրերի էր տեսել, բայց չգիտեր, թե որն էր իրական արքայադուստրը։ Մի օր, երբ ուժեղ անձրև էր գալիս, հանկարծ թակեցին դարպասները։ Արքայազնը գնաց դարպասները բացելու։ Այնտեղ կանգնած էր մի արքայադուստր։ Արքայազնը նրան ներս հրավիրեց։ Ջուրը թափվում էր աղջկա մազերից և զգեստից։ Արքայադուստրն ասաց, որ ինքն ամենաիսկական արքայադուստրն է։ Ծեր թագուհին որոշում է ստուգել դա։ Արքայադստեր համար անկողին պատրաստելիս 12 վերմակի ու ներքնակի տակ դնում են մի սիսեռահատիկ։ Առավոտյան արքայադուստրն ասում է, որ ինքը վատ է քնել, քանի որ զգացել է կոշտ առարկան։ Բոլորը հասկանում են, որ նա արքայադուստրն է, քանի որ միայն իսկական արքայադուստրը կարող էր լինել այդքան նուրբ ու զգայուն^[3]։

Կերպարներ

Արքայազն
Արքայադուստր
Ծեր թագուհին

Էկրանավորում

«Արքայադուստրը սիսեռահատիկի վրա», խորհրդային ֆիլմ, 1976 թվական։
«Արքայադուստրը սիսեռահատիկի վրա», ամերիկյան մուլտֆիլմ, 2002 թվական։
«Արքայադուստրը սիսեռահատիկի վրա», Գ. Վասիլևի և Ա. Իվաշենկոյի երաժշտական ներկայացումը։