Աքլորիկ, ոսկե կատարիկ (մուլտֆիլմ)
«Աքլորիկ, ոսկե կատարիկ» (ռուս.՝ Петушок — золотой гребешок), 1955 թվականին նկարված մուլտիպլիկացիոն ֆիլմ։ Նույնանուն ռուսական հեքիաթի էկրանավորումն է` ըստ Ա. Ն. Տոլստոյի վերամշակման։
 ռուս.՝ Петушок — золотой гребешок | |
|---|---|
| Տեսակ | կարճամետրաժ մուլտիպլիկացիոն ֆիլմ |
| Հիմնված է | The Cat, the Rooster, and the Fox? |
| Ռեժիսոր | Պյոտր Նոսով |
| Սցենարիստ | Պյոտր Նոսով |
| Երկիր | .svg){kind=small} ԽՍՀՄ |
| Ընկերություն | Սոյուզմուլտֆիլմ |
| Թվական | 1955 |
Սյուժե
խմբագրելՄուլտֆիլմը նկարահանվել է ըստ ռուսական նույնանուն ժողովրդական հեքիաթի մոտիվների, Ա. Ն. Տոլստոյի վերամշակումով (այս մասին նշված է մուլտֆիլմի լուսագրերում)[1]։
Անտառային խրճիթում ապրում էին Կատուն, Կեռնեխը և Աքլորը։ Ապրում էին նրանք հաշտ և ուրախ, քանի դեռ Աղվեսը չէր մտերմացել նրանց հետ. վերջինս ցանկանում էր աքաղաղին գողանալ։ Նա օգտագործում էր բոլոր հնարքները, որպեսզի Աքաղաղին տնից դուրս հաներ, երբ Կատուն և Կեռնեխը գործով գնում էին, բայց ամեն անգամ նրա ջանքերը չէին արդարացվում, Կատուն ու Կեռնեխը Աքաղաղին նրա ձեռքից խլում էին, իսկ Աղվեսին` լավ պատժում։ Բայց Աղվեսը չէր հանձնվում և իմանալով Աքաղաղի անուղղելի միամտության մասին, շարունակում էր հետևել նրան, մինչև խաբեության միջոցով կարողանում է նրան տանել հեռու և մութ անտառ` իր բույն։ Միայն իր ընկերների և բարի նապաստակի մեծ ջանքերի շնորհիվ Աքաղաղը վերադառնում է տուն, իսկ ընկերներն այլևս երբեք չեն շփվում Աղվեսի հետ։
Հեղինակներ
խմբագրել| Սցենարի հեղինակ | Պյոտոր Նոսով |
| Ռեժիսորներ | Պյոտոր Նոսով, Դմիտրի Անպիլով |
| Բեմադրող նկարիչներ | Վլադիմիր Արբեկով, Վասիլի Իգնատով |
| Կոմպոզիտոր | Ռոդիոն Շեդրին |
| Օպերատոր | Ա. Աստաֆև |
| Հնչյունային օպերատոր | Գեորգի Մարտինյուկ |
| Տեխնիկական օգնական | Ե. Տուրանովա |
| Մոնտաժողի օգնական | Ա. Ֆիրսովա |
| Նկարիչ-մուլտիպլիկատորներ | Ռոման Կաչանով, Մստիսլավ Կուպրաչ, Տատյանա Ֆյոդորովա, Վլադիմիր Կրումին, Ռենատա Միրենկովա, Ելենա Խլուդովա, Բորիս Բուտակով, Ռոման Դավիդով, Վիկտոր Լիխաչով |
| Նկարիչ-դեկորատորներ | Գալինա Նևզորովա, Իրինա Սվետլիցա, Իրինա Պրոկոֆևա, Ալլա Գորևա |
Վերաթողարկումը DVD ձևաչափով
խմբագրելՄուլտֆիլմը հաճախ վերաթողարկվել է DVD ձևաչափով, հետևյալ մուլտֆիլմերի ժողովածուներում.
«Հավիկ Րյաբա», Սոյուզմուլտֆիլմ, DVD ձևաչափ, սկավառակի վրա ներառված են եղել հետևյալ մուլտֆիլմերը. «Պապիկի, տատիկի և հավիկ Րյաբայի մասին»(1982), «Աքլորիկ, ոսկե կատարիկ»(1955), «Աքլորն ու ներկերը»(1964), «Ծուղ-րու-ղու՜»(1963), «Գյուղական զավեշտախաղ»(1993), «Հեքիաթ Գնդլիկ Բոքոնիկի մասին»(1969), «Ծղոտե ցլիկ»(1954), «Դեղնիկը» (1966), «Կար-չկար, մի հավիկ կար»(1977)[2]։