ԲայԱլեքս

ԲայԱլեքս (անգլ.՝ ByeAlex, իրական անունը՝ Ալեքս Մարտա, հունիսի 6, 1984(1984-06-06), Կիշվարդա, Սաբոլճ-Սատմար-Բերեգ շրջան, Հունգարիա), հունգարացի երգիչ, ով 2013 թվականին «Kedvesem» երգով ներկայացրել է Հունգարիան Եվրատեսիլ 2013 երգի մրցույթում։

ԲայԱլեքս
Հիմնական տվյալներ
Ի ծնե անուն	Ալեքս Մարտա
Ծնվել է	հունիսի 6, 1984 (40 տարեկան) Կիշվարդա, Սաբոլճ-Սատմար-Բերեգ շրջան, Հունգարիա
Երկիր	Հունգարիա, Կիշվադ
Ժանրեր	Ինդի-փոփ
Մասնագիտություն	Երգիչ
Գործունեություն	2012-ից սկսած
Լեյբլ	CLS Music
Կայք	byealex.hu
ByeAlex Վիքիպահեստում

Կենսագրություն

Ալեքս Մարտան ծնվել է 1984 թվականի հունիսի 6-ին Կիշվարդում, Հունգարիա։ Նա իր նախնական կրթությունը ստացել է Ֆենեշլիտկե գյուղի միջնակարգ դպրոցում, որից հետո սովորել է Միշկոլցի համալսարանի փիլիսոփայության բաժնում։

Ալեքսը երաժշտությամբ սկսել է հետաքրքրվել երիտասարդ տարիքում ստեղծելով տարբեր երգերի ռեմիքսներ, սակայն իր երաժշտական գործնեությունը սկսել է 2012 թվականից՝ թողարկելով իր առաջին սինգլը, որը կոչվում է «Csókolom»: 2013 թվականի մարտին նա «Kedvesem» մասնակցում է Եվրատեսիլի Հունգարիայի ազգային ընտրությանը և ճանաչվում է հաղթող՝ հնարավորություն ստանալով ներկայացնելու Հունգարիան Եվրատեսիլ 2013 երգի մրցույթում։ Մայիսի 16-ին մասնակցելով Եվրատեսիլի երկրորդ կիսաեզրափակչին անցնում է եզրափակիչ և մայիսի 18-ին մրցույթի եզրափակչում զբաղեցնում է 10-րդ հորիզոնականը։

Սկավառակագրություն

Սինգլներ

• «Csókolom!» (2012)
• «Messziről» (2012)
• «Láttamoztam» (2012)
• «Kedvesem» (2012)

Դուետներ

• «Te vagy» - Ջոն դը Վալիանտ (2012)

Ծանոթագրություններ

Վիքիպահեստն ունի նյութեր, որոնք վերաբերում են «ԲայԱլեքս» հոդվածին։