Բերձորի ճակատամարտ (հոկտեմբեր, 1992)

Բերձորի ճակատամարտ, ռազմական գործողություն Արցախյան պատերազմի ընթացքում՝ 1992 թվականի հոկտեմբերի 1-19։ Նախաձեռնվել էր Ադրբեջանի ազգային բանակի կողմից Լաչինի միջանցքի վերահսկումը վերադարձնելու նպատակով։ Մինչ այդ հայկական կողմը ազատագրել է Բերձորը և մարդասիրական միջանցք բացել 1992 թվականի մայիսի 18-ին։

Բերձորի ճակատամարտ
Թվական	1992 թվականի հոկտեմբերի 1-19
Մասն է	Արցախյան հակամարտություն
Վայր	Բերձոր և Քաշունիք
Արդյունք	Հայկական ուժերի հաղթանակ
Հակառակորդներ
Արցախ Արցախի ՊԲ	Ադրբեջան Ադրբեջանի ԶՈւ
Հրամանատարներ
Հրաչյա Անդրեասյան	Դադաշ Ռզաև
Կողմերի ուժեր
Ռազմական կորուստներ
հայտնի չէ	հայտնի չէ
Ընդհանուր կորուստներ

Թոփաղաջ լեռան վրա տեղակայված հենակետերով ադրբեջանական զինուժը վերահսկում էր Բերձորի (Լաչին) և Քաշունիքի (Կուբաթլու) տարածքները և ուներ դիրքային առավելություն Արցախի հայկական զինված ուժերի նկատմամբ։ Հոկտեմբերի 12-ի առավոտյան ՊԲ ջոկատները սկսել են ադրբեջանական զինուժի ճնշման գործընթացը, որը ավարտվել է նույն օրը ուշ գիշեր։ Թեժ մարտերի ընթացքում ՊԲ ուժերին հաջողվում է ազատագրել կարևորագույն դիրքեր և ադրբեջանցիներին ստիպել նահանջել Կուբաթլուի շրջանի խորքը։ Ռազմական գործողության ժամանակ Ադրբեջանի Զինված ուժերը ունեցել են զինտեխնիկայի և մարդկային զգալի կորուստներ, իսկ հայկական կողմը Հադրութ-Գորիս ուղղությամբ բացել է ՀՀ-ն ԼՂՀ-ին կապող ճանապարհ։

Տես նաև

• Բերձորի մարդասիրական միջանցքի բացում