Բոլեխով

Բոլեխով
Քաղաք
	Բոլեխով
	Болехів Church of the Assumption, Bolekhiv (1).jpg
Դրոշ	Զինանշան
Երկիր	Ուկրաինա
Ենթարկում	մարզային նշանակության քաղաք
Մարզ	Իվանո-Ֆրանկովսկի մարզ
Համայնք	Kalush Raion?
Հիմնադրված է	1612 թ.
Մակերես	300,36 կմ²
ԲԾՄ	365 մետր
Բնակչություն	21 541 (1 ապրիլի, 2013 թ․) մարդ
Տեղաբնականուն	բոլեխովցի, բոլեխովցիներ (боле́ховец, боле́ховцы)
Ժամային գոտի	UTC+2, ամառը UTC+3
Հեռախոսային կոդ	3437
Փոստային դասիչ	77200 — 77204
Ավտոմոբիլային կոդ	AT / 09
Պաշտոնական կայք	ww2.gov.if.ua/bolehivskiy/
	Բոլեխով (Ուկրաինա)
	Բոլեխով (Իվանո-Ֆրանկովսկի մարզ)
	Բոլեխով Վիքիպահեստում

Այս հոդվածը Ուկրաինայի Բոլեխով քաղաքի մասին է։ Լեհաստանում գտնվող գյուղի մասին կարդալու համար տե՛ս Բոլեխով (Լեհաստան)

Բոլեխով (ուկրաիներեն՝ Боле́хів, գերմ. Bolechau, լեհ.՝ Bolechów), մարզային նշանակության քաղաք Ուկրաինայի Իվանո-Ֆրանկովսկի մարզում, Բոլեխովի քաղաքային խորհրդի կենտրոն։

Աշխարհագրություն

Քաղաքի մակերեսը 3669 հա է։ Տեղակայված է Դնեստրի ջրավազան հանդիսացող Սուկիլի գետի Կարպատների նախալեռներում, Լվով-Չերնովցի մայրուղու վրա։

Պատմություն

Բոլեխովը գրավոր ձևով առաջին անգամ հիշատակել է 1371 թվականին։ 1546 թ.–ին կառուցվել է առաջին աղի գործարանը։ 1603 թվականին քաղաքը ստացել է Մագդեբուգյան իրավունք։ Լեհաստանի բաժանումից հետո 1772 թ.–ին Բոլեխովը մտնում է Ավստրիական կայսրության կազմի մեջ։ Այդ ժամանակահատվածի ընթացքում քաղաքը դատարկվում է։

1918 թ.–ին Բոլեխովը նորից դառնում է Լեհաստանի մի մասը և միայն 1939 թ.–ին է մտնում ՈւԽՍՀ–ի կազմի մեջ^[1]։

Քաղաքի զինանշանները

Բոլեխովի զինանշանը (XVII-XIX դարեր)
Բոլեխովի զինանշանը (1603 թվական)
Բոլեխովի զինանշանը (1991 թվական)

Բոլեխովի առաջին հայտնի զինանշանը, Ա. Գրեչիլոյի, Յու. Սավչուկի և Ի. Սվարնիկի հեղինակած «Ուկրաինայի քաղաքների զինանշանները» (ուկրաիներեն՝ Герби міст Украіни (XIV-Іпол.XX ст.) գրքի համաձայն, եղել է արծաթագույն խորապատկերի վրա Սուրբ Հովհաննեսի նկարը, ով աջ ձեռքով բռնել է մանուկ Հիսուսին, իսկ ձախ ձեռքով՝ արմավենու ճյուղեր։

Վլադիմիր Պանչենկոյի «Ուկրաինայի քաղաքների և ավանների զինանշանները» (ուկրաիներեն՝ Міські та містечкові герби Украіни) գրքում ասվում է, որ 1603 թ. Բոլեխովայի զինանշանը ունեցել է հետևյալ տեսքը՝ զինանշանի ընդհանուր խորապատկերը կարմիր։ Հերալդիկ վահանը ուղղահայաց գծով բաժանվում է երկու հավասար մասերը։ Ձախ մասում պատկերված է քաղաքային պատի քարե շարվածք, որի վրա առյուծ է առաջանում։ Աջ կողմում շուշան է պատկերված^[2]։ Այս տարբերակը անուղղակիորեն հաստատվում է նաև այլ աղբյուրների կողմից, որոնցում ներկայացված են վաղ ժամանակներում թողարկված Բլոխեվի 1603 թ. զինանշանի տեսքով հուշանվերներ հանդիսացող պիտակների լուսանկարները։

1991 թվականին Բոլեխովի քաղաքային Խորհուրդի կողմից հաստատվեց քաղաքի նոր, առ այսօր գործածվող զինանշանը։ Նոր զինանշանը իրենից նորկայացնում է շագանակագույն մարտական վահան՝ զարդարված կաղնու վառ կանաչ տերևներով, որոնք վերին մասում ձևավորում են թագ։ Թագի երկու կողմերում պատկերված են աղավնիներ՝ երկնային արքայության խորհրդանիշերը։ Վահանը բաժանվում է 4 մասի։