Բռնի մահ

Բռնի մահ, սոցիալ-իրավաբանական մահվան ծագումը բնութագրող մահվան կատեգորիաներից մեկը։ Բռնի մահ անվանում են մարդու վրա արտաքին միջավայրի գործոնների ազդեցությամբ առաջացած մահվան ձևը։ Միջավայրի գործոնները կարող են լինել՝ մեխանիկական (դանակ, զենք, քար, ավտոմեքենա և այլն), ֆիզիկական (բարձր կամ ցածր ջերմաստիճան, մթնոլորտային ճնշում, էլեկտրականություն, ռադիոակտիվ ճառագայթում և այլն) կամ քիմիական (թթուներ, հիմքեր, տարբեր թունավոր նյութեր)։ Տվյալ դեպքում մահվան կատեգորիայի որոշման համար կապ չունի թե ով է կիրառում այդ արտաքին գործոնը մարդու հանդեպ՝ ինչ-որ անձ, հենց ինքը մահացածը, թե ուղղակի դժբախտ պատահար է։ Գլխավորը, որ մահն առաջանում է արտաքին ազդեցությամբ, որը կապված չէ մարդու հիվանդությունների հետ։

Ձևեր

Բռնի մահը դասակարգում են՝

• մանկասպանություն
• սպանություն,
• ինքնասպանություն,
• դժբախտ պահատար։

Տեսակներ

Բռնի մահվան հիմնական պատճառներն են՝

• մեխանիկական վնասվածքից
• մեխանիկական ասֆիքսիայից
• թունավորումից
• բարձր ջերմաստիճանից
• էլեկտրականությունից
• մթնոլորտային ճնշման փոփոխությունից
• ճառագայթային էներգիայի ազդեցությունից