Գառնառիճ

Գառնառիճ (նախկին անվանումը՝ Կուզիքենդ), գյուղ Հայաստանի Շիրակի մարզի Ամասիայի տարածաշրջանում, մարզկենտրոն Գյումրիից մոտ 32 կմ հյուսիս-արևմուտք՝ Արփի լճի հյուսիսարևմտյան ափին։ Հարևան Եղնաջուր գյուղի հետ կազմում էր Գառնառիճ համայնքը։ Գառնառիճ է վերանվանվել 1991 թ. օգոստոսի 8-ին։Գառնառիճը Աղբաբայի շրջանի կազմում եղել է Կարսի մարզում։ Կարսի մարզը Ռուսաստանին է միացվել 1877-78 թթ. ռուս-թուրքական պատերազմից հետո։ 1919 թ. ապրիլից մինչև 1920 թ. հոկտեմբեր Կարսի մարզը եղել է Հայաստանի Առաջին Հանրապետության մաս։ Երբ 1920-21 թթ. Կարսի մարզը անցավ Թուրքիային, մարզից միայն Աղբաբայի շրջանը մնաց Խորհրդային Հայաստանի մաս։

Գյուղ
Գառնառիճ
Երկիր	Հայաստան
Մարզ	ՇիրակիՇիրակի մարզ|Շիրակի
Համայնք	Շիրակի մարզ և Ամասիայի շրջան
Այլ անվանումներ	Կուզիքենդ
Մակերես	37.6 կմ²
ԲԾՄ	2050 մ
Պաշտոնական լեզու	Հայերեն
Բնակչություն	262 մարդ (2012)
Ազգային կազմ	Հայեր
Ժամային գոտի	UTC+4
Գառնառիճ (Հայաստան)

Բնակչություն

Ըստ Հայաստանի 2011 թ. մարդահամարի արդյունքների՝ Գառնառիճի մշտական բնակչությունը կազմել է 210, առկա բնակչությունը՝ 223 մարդ։ Մինչև 1989 թ. բնակեցված է եղել ադրբեջանցիներով։

Գառնառիճի բնակչության փոփոխությունը ժամանակի ընթացքում՝ ստորև.

Տարի	1886	1897	1926	1939	1959	1970	1979	1989	2001	2011
Բնակիչ	222	382	463	577	546	856	996	700	260	237

Տնտեսություն

Բնակչությունը զբաղվում է անասնապահությամբ, դաշտավարությամբ և կերային կուլտուրաների մշակությամբ։

Պատմամշակութային կառույցներ

Գառնառիճի տարածքում գտնվում է VI-X դարերի կիսավեր եկեղեցի։ Գյուղի մոտակայքում են գտնվում “Սեպ” ամրոցը և “Կարմրաշեն” գյուղատեղին։

Տես նաև

• Գառնառիճի պատմության և մշակույթի անշարժ հուշարձանների ցանկ (Շիրակի մարզ)