Գենո Պետրիաշվիլի
Գենո Պետրիաշվիլի (վրաց.՝ გენო პეტრიაშვილი, ապրիլի 1, 1994, Գորի, Վրաստան), ազատ ոճի վրացի ըմբիշ, աշխարհի եռակի, Եվրոպայի կրկնակի չեմպիոն, աշխարհի, Եվրոպայի, եվրոպական և օլիմպիական առաջնությունների մրցանակակիր։
| Գենո Պետրիաշվիլի | |
|---|---|
 | |
| Ծնվել է | ապրիլի 1, 1994 (30 տարեկան) |
| Ծննդավայր | Գորի, Վրաստան |
| Քաղաքացիություն |  Վրաստան |
| Մասնագիտություն | ըմբիշ |
 Geno Petriashvili Վիքիպահեստում | |
Կենսագրություն
խմբագրելԾնվել է 1994 թվականին Ցխինվալի շրջանում։ 2005 թվականի օգոստոսի 19-ին Գենո Պետրիաշվիլուն առևանգել են, գերի է մնացել 3 ամիս։
2013 թվականին նվաճել է աշխարհի և Եվրոպայի առաջնությունների բրոնզե մեդալները։ 2015 թվականին դարձել է Եվրոպական խաղերի և աշխարհի առաջնության բրոնզե մեդալակիր։ 2016 թվականին դարձել Է Եվրոպայի չեմպիոն։ Ռիո դե Ժանեյրոյի օլիմպիական խաղերում 2016 թվականին նվաճել է բրոնզե մեդալ։ 2017 թվականին Փարիզում կայացած աշխարհի առաջնությունում նվաճել է մեծահասակների աշխարհի չեմպիոնի իր առաջին տիտղոսը` 10-8 հաշվով հաղթելով իր մրցակցին` Տահա Ակգյուլին (Թուրքիա)[1]։ 2018 թվականին Բուդապեշտում կայացած աշխարհի առաջնությունում Գենոն կարողացավ նվաճել աշխարհի չեմպիոնի տիտղոսը երկրորդ տարին անընդմեջ` եզրափակիչ գոտեմարտում հաղթելով չինացի ըմբիշ Դեն Չժիվեին։
2019 թվականին Բուխարեստում կայացած Եվրոպայի առաջնությունում Գենոն արծաթե մեդալ նվաճեց` զիջելով Թուրքիայի չեմպիոն Տահա Ակգյուլին։
2019 թվականին Ղազախստանում կայանալիք աշխարհի նախաօլիմպիական առաջնությունում մինչև 125 կգ քաշային կարգում Գենոն նվաճել է ոսկե մեդալ` դառնալով չեմպիոն, և ստացել օլիմպիական արտոնագիր իր ազգային օլիմպիական կոմիտեի համար։
2020 թվականի փետրվարին Իտալիայի մայրաքաղաքում ընթացող մայրցամաքի առաջնությունում մինչև 125 կգ քաշային Գենոն չեմպիոնական տիտղոսի համար գոտեմարտում հաղթեց լեհ Ռոբերտ Բառանին և նվաճեց Եվրոպայի առաջնության ոսկե մեդալը։
Ծանոթագրություններ
խմբագրել- ↑ «Petriashvili Stuns Akgul in Finale, Aliev Bags No.3 at Paris 2017 World C'ships | United World Wrestling». unitedworldwrestling.org. Վերցված է 2018 թ․ դեկտեմբերի 24-ին.
Արտաքին հղումներ
խմբագրել- Гено Петриашвили – օլիմպիական վիճակագրությունը Sports-Reference.com կայքում (անգլ.)
- Zeitungsbericht über Geno Petriaschwili(չաշխատող հղում)
- Kampf von Geno Petriaschwili gegen Taha Akgül bei der Europameisterschaft 2018 in Kaspijsk
- Website "www.geowrestling.com"
 | Վիքիպահեստն ունի նյութեր, որոնք վերաբերում են «Գենո Պետրիաշվիլի» հոդվածին։ |