Գուրամ Սաղարաձե
Գուրամ Սաղարաձե (վրաց.՝ გურამ საღარაძე, 12 հունվարի, 1929, Թբիլիսի, Վրացական ԽՍՀ, ԽՍՀՄ - 17 հունվարի, 2013, Թբիլիսի, Վրաստան), կինոյի և թատրոնի վրացի դերասան, ասմունքող։ Վրացական ԽՍՀ ժողովրդական արտիստ (1973)։
 վրաց.՝ გურამ საღარაძე | |
|---|---|
| Ծնվել է | հունվարի 12, 1929 |
| Ծննդավայր | Թիֆլիս, Վրացական ԽՍՀ, ԽՍՀՄ |
| Մահացել է | հունվարի 17, 2013 (84 տարեկան) |
| Մահվան վայր | Թբիլիսի, Վրաստան |
| Գերեզման | Դիդուբեի պանթեոն |
| Քաղաքացիություն |  ԽՍՀՄ և  Վրաստան |
| Ազգություն | վրացի |
| Մասնագիտություն | դերասան |
| Աշխատավայր | Շոթա Ռուսթավելու անվան պետական ակադեմիական թատրոն |
| Ակտիվ շրջան | 1951—2013 |
| Ամուսին(ներ) | Իրինա Կեբաձե |
| Պարգևներ և մրցանակներ | |
Կենսագրություն
խմբագրելԳուրամ Սաղարաձեն ծնվել է 1929 թվականի հունվարի 12-ին Թբիլիսիում, դերասանի ընտանիքում։ Նրա հայրը՝ Գեորգի Սաղարաձեն, եղել է հայտնի դերասան։
Գուրամ Սաղարաձեն 1951 թվականին ավարտել է Թբիլիսիի Շոթա Ռուսթավելու անվան թատերական ինստիտուտը և նույն թվականին դարձել է Թբիլիսիի Շոթա Ռուսթավելու անվան պետական ակադեմիական թատրոնի դերասան, որտեղ խաղացել է իր ամբողջ կյանքում։ Խաղացել է ավելի քան 100 բեմադրություններում[1]։
Կինոյում առաջին անգամ նկարահանվել է 1956 թվականին՝ Լեո Էսակիայի «Բաշի Աչուկ» պատմական ֆիլմում խաղալով Փեիքար Միրզայի դերը։ Առավել հայտնի են նրա դերերը «Մամլուք» և «Դաթա Թութաշխիա» ֆիլմրում (ըստ Ճաբուա Ամիրեջիբիի «Դաթա Թութաշխիա» վեպի) ֆիլմերում։
2006 թվականի նոյեմբերի 13-ին Թբիլիսիի Շոթա Ռուսթավելու անվան թատրոնի դիմաց տեղադրվել է Գուրամ Սաղարաձեի աստղը։
Գուրամ Սաղարաձեն մահացել է 2013 թվականի հունվարի 17-ին Թբիլիսիում. քնած ժամանակ նրա սիրտը կանգ է առել[2]։ Դա տեղի է ունեցել ընկերոջ՝ Մարջանիշվիլու անվան թատրոնի ռեժիսոր Ռևազ Միրցխուլավի թաղման արարողությունից վերադառնալուց հետո[3]։
Ընտանիք
խմբագրել- Հայրը՝ Գեորգի Սաղարաձե (1906-1986), դերասան, Վրացական ԽՍՀ ժողովրդական արտիստ
- Կինը՝ Իրինա Կեբաձե, բալետի պարուհի (ամուսնալուծվել են, 1965 թվականին ամուսնացել է Վախթանգ Կիկաբիձեի հետ)
- Դուստր՝ Մարիա Սաղարաձե (ծնվել է 1956 թվականին), Թբիլիսիի Շոթա Ռուսթավելու անվան պետական ակադեմիական թատրոնի դերասանուհի
- Թոռ՝ Գեորգի Արեշիձե (ծնվել է 1979 թվականին)
Պարգևներ
խմբագրել- Վրացական ԽՍՀ ժողովրդական արտիստ (1973)
- Վրացական ԽՍՀ Շոթա Ռուսթավելու անվան պետական մրցանակի դափնեկիր
- ԽՍՀՄ պետական մրցանակի դափնեկիր
Արվեստ
խմբագրելԴերերը թատրոնում
խմբագրել- «Միջամառնային գիշերվա երազ» (Վիլյամ Շեքսպիր) - Տեզեյ
- «Հուլիոս Կեսար» (Վիլյամ Շեքսպիր) - Հուլիոս Կեսար
- «Կովկասի կավճե շրջան»
- «Արքա Լիր» (Վիլյամ Շեքսպիր) - ծաղրածու
Ֆիլմագրություն
խմբագրել- 1956 – Բաշի Աչուկ (Վրացֆիլմ) – Փեյքար Միրզա
- 1956 – Էթերիի երգը (Վրացֆիլմ) – Պետրե
- 1958 – Մամլուք (Վրացֆիլմ) – Իբրահիմ
- 1963 – Պալիաստոմի (Վրացֆիլմ)
- 1965 – Արտակարգ հանձնարարություն (Հայֆիլմ) – էպիզոդ
- 1966 – Ինչպես զինվորը հետ մնաց զորքից (Վրացֆիլմ) – էպիզոդ (տիտրերում նշված չէ)
- 1971 – Շատ վաղուց (նովել «Նուցա», Վրացֆիլմ)
- 1973 – Կամոյի վերջին սխրանքը (Վրացֆիլմ) – դեսպան
- 1977 – Դաթա Թութաշխիա (4-րդ սերիա, Վրացֆիլմ) – Իրակլի Խուրցիձե, փաստաբան, իշխան
- 1982 – Դիմիտրի Երկրորդ (Վրացֆիլմ) – Բուգա Նոին
- 1987 – Արքա Լիր – Բուրգունդիայի հերցոգ
- 1990 – Պարույր (Վրացֆիլմ) – ռեկտոր
- 1992 – Ոսկե սարդ (Վրացֆիլմ) – պրոֆեսոր Զուբաշվիլի
- 1996 – Մակբեթ (Վրաստան) – առաջին կախարդ
- 2004 – Կովկասի կավճե շրջան – Ղազբեգի/ եֆրեյտոր/ հարբեցող վանական Նիկիֆոր
- 2005 – Եվ գնում է գնացքը (Վրաստան, Ռուսաստան) – ուղևոր
Ծանոթագրություններ
խմբագրել- ↑ «Грузинский театр». Արխիվացված է օրիգինալից 2013 թ․ հոկտեմբերի 10-ին. Վերցված է 2021 թ․ հունվարի 23-ին.
- ↑ Скончался известный грузинский актер Гурам Сагарадзе
- ↑ На 84-м году жизни скончался актер театра Руставели - Гурам Сагарадзе(չաշխատող հղում)
Արտաքին հղումներ
խմբագրել- Գուրամ Սաղարաձեն Internet Movie Database կայքում
- Գուրամ Սաղարաձեն kino-teatr.ru կայքում
- Գուրամ Սաղարաձեն kinopoisk.ru կայքում