Վիոլետա Գևորգյան
Վիոլետա Գևորգյան (օգոստոսի 5, 1944, Թբիլիսի, Վրացական ԽՍՀ, ԽՍՀՄ - հունիսի 19, 2024[1], Լոս Անջելես, Կալիֆոռնիա, ԱՄՆ), հայ դերասանուհի, ՀԽՍՀ ժողովրդական արտիստուհի (1987)։
 | |
|---|---|
| Ծնվել է | օգոստոսի 5, 1944 |
| Ծննդավայր | Թբիլիսի, Վրացական ԽՍՀ, ԽՍՀՄ |
| Մահացել է | հունիսի 19, 2024[1] (79 տարեկան) |
| Մահվան վայր | Լոս Անջելես, Կալիֆոռնիա, ԱՄՆ |
| Քաղաքացիություն |  ԽՍՀՄ,  Հայաստան և  ԱՄՆ |
| Մասնագիտություն | թատրոնի դերասանուհի, կինոդերասանուհի և հեռուստատեսային դերասանուհի |
| Աշխատավայր | Հրաչյա Ղափլանյանի անվան դրամատիկական թատրոն |
| Ժանրեր | թատրոն, կինո |
| Ընտրանի | Աշնան արև, Ապրեցեք երկար և Վառած լամպեր |
| Երեխա(ներ) | Հրաչյա Մխիթարյան (Չուկո) |
| Պարգևներ և մրցանակներ |  |
Կենսագրություն
խմբագրելՎիոլետա Գևորգյանը ծնվել է Թբիլիսիում՝ զինվորականի ընտանիքում։ Մանկությունն ու պատանկությունն անցել է Թբիլիսիում։ 1966 թվականին հաստատվել են Երևանում, որտեղ ընդունվել է նորաբաց թատրոն-ստուդիա և Երևանի դրամատիկական թատրոն։ Վիոլետա Գևորգյանն ստեղծագործական գործունեությունն սկսել է 24 տարեկանում։ Շուրջ 20 դերեր է խաղացել Երևանի Հրաչյա Ղափլանյանի անվան պետական դրամատիկական թատրոնում[2]։ Առաջին գլխավոր դերը եղել է «Աննա Ֆրանկի օրագիրը» պիեսում։ Գևորգյանին ճանաչում է բերել Աղունի դերակատարումը Հրանտ Մաթևոսյանի «Աշնան արև» պիեսում։ 1980 թվականին առաջին անգամ բեմադրված այս ներկայացման մեջ խաղացել է շուրջ 700 անգամ[3]։
1988 թվականին մասնակցել է Բաքվի կինոփառատոնին և արժանացել արվեստագետ գործընկերների խիստ քննադատությանը։ Ըստ նրա՝ Բաքու էր մեկնել Սումգայիթում տեղի ունեցած վայրագությունների ու ջարդերի մասին այլ ազգերի ներկայացուցիչներին պատմելու համար, սակայն դերասանուհուն Հայաստանում համարեցին դավաճան, և նա 1991 թվականին տեղափոխվեց և բնակություն հաստատեց ԱՄՆ-ում։ Խաղացել է Տաթևիկ Ղափլանյանի բեմադրած «Իմ քաղցր տղան» ներկայացման մեջ՝ նվիրված Ղափլանյանի վաղամեռ որդուն[4][5]։
Ֆիլմեր
խմբագրել| Վառած լապտեր | 1983 |
| Այդքան սպասվող օրը | 1980 |
| Ապրեցեք երկար | 1979 |
| Տատիկի թոռնիկը | 1979 |
|
Ես սովոր էի շուրջ 22 տարի ապրել թատրոնի կյանքով, մի օր որ ներկայացում չէի ունենում, հիվանդանում էի։ Թատրոնը իմ կյանքն էր, որից զրկվեցի 1988 թվականին։ Ես չէի պատկերացում, որ կապրեմ, բայց ապրում եմ ու տեսքս էլ բավական լավն է, իսկ թե ինչ է կատարվում իմ ներսում, միայն Աստված գիտի[6]։ - Վիոլետա Գևորգյան
|
|
Ծանոթագրություններ
խմբագրել- ↑ 1,0 1,1 1,2 Մահացել է դերասանուհի Վիոլետա Գևորգյանը
- ↑ «Վիոլետա Գևորգյան». Արխիվացված է օրիգինալից 2015 թ․ օգոստոսի 16-ին. Վերցված է 2014 թ․ դեկտեմբերի 2-ին.
- ↑ Վիոլետա Գևորգյանի հոբելյանական երեկոն՝ Երևանում
- ↑ «Իմ անուշ տղա» հեղինակ՝ Տաթևիկ Ղափլանյան
- ↑ «Վիոլետա Գևորգյանի կենսագրությունը zarkfoundation.com կայքում».
- ↑ «Մահացել է դերասանուհի Վիոլետա Գևորգյանը». www.panorama.am (անգլերեն). Վերցված է 2024-09-10-ին.