Գևորգ Թահմիզյան
- Վիքիպեդիայում կան հոդվածներ Թահմիզյան ազգանունով այլ մարդկանց մասին։
Գևորգ Արամի Թահմիզյան (բուլղար․՝ Кеворк Арам Тахмисян, մարտի 31, 1949, Վառնա, Բուլղարիայի Ժողովրդական Հանրապետություն), բուլղարահայ ֆուտբոլիստ, հարձակողական ոճի կիսապաշտպան։ Իր կարիերայի ընթացքում նա խաղացել է «Չեռնո մորե» (Վառնա), ԲԿՄԱ (Սոֆիա), «Սպարտակ» (Վառնա), «Դորոստոլ» (Սիլիստրա) և «Բելոսլավ» թիմերում[1], ինչպես նաև 4 խաղ է անցկացրել Բուլղարիայի ազգային հավաքականում[2]։ ԲԿՄԱ-ի կազմում դարձել է երկրի չեմպիոն ու գավաթակիր։
 բուլղար․՝ Кеворк Тахмисян | |||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|
| Քաղաքացիությունը |
 Բուլղարիա | ||||||||||||||||||||
| Ծննդյան ամսաթիվ | մարտի 31, 1949 (75 տարեկան) | ||||||||||||||||||||
| Ծննդավայր | Վառնա, Բուլղարիայի Ժողովրդական Հանրապետություն | ||||||||||||||||||||
| Դիրք | կիսապաշտպան | ||||||||||||||||||||
|
| |||||||||||||||||||||
| Մասնագիտական կարիերա* | |||||||||||||||||||||
| Տարի | Ակումբ | Խաղ | (Գոլ) | ||||||||||||||||||
| |||||||||||||||||||||
| Ազգային հավաքական | |||||||||||||||||||||
| |||||||||||||||||||||
| Մարզչական կարիերա | |||||||||||||||||||||
| |||||||||||||||||||||
| * Մասնագիտական կարիերայում ընդգրկված են միայն առաջնության խաղերը և գոլերը: | |||||||||||||||||||||
Կենսագրություն
խմբագրելԽաղացողի կարիերա
խմբագրելՖուտբոլիստի 15-ամյա կարիերայի ընթացքում, որը տևել է 1969-1984 թվականներին, Թահմիզյանն ընդհանուր առմամբ անցկացրել է 200 հանդիպում՝ 41 գոլով «A» խմբում և 136 հանդիպում՝ 16 գոլով «B» խմբում։
Գևորգ Թահմիզյանը ծնունդով Վառնայից է, «Չեռնո մորե» թիմի սան։ Բուլղարիայի առաջնության բարձրագույն լիգայում առաջին անգամ ելույթ է ունեցել 20 տարեկանում՝ 1969/70 մրցաշրջանում։ «Նավաստիների» կազմում խաղալով 5 տարի՝ նա 126 խաղ է անցկացրել «A» խմբում և դարձել 27 գոլի հեղինակ։ 1973 թվականի սկզբին նա ընդգրկվել է երկրի ազգային հավաքականի կազմում՝ Ասիայում և Ավստրալիայում շրջագայության ժամանակ մասնակցելով 4 հանդիպման[2]։
1974 թվականի ամռանը Թահմիզյանը տեղափոխվել է ԲԿՄԱ (Սոֆիա)[3], որի կազմում իր նորամուտը նշել է 1974 թվականի օգոստոսի 5-ին՝ 1973/74 մրցաշրջանի ազգային գավաթի «Ակադեմիկ» (Սոֆիա) ակումբի դեմ կիսաեզրափակիչ խաղում, որն ավարտվել է 1:0 հաշվով հաղթանակով։ Մրցաշարն ավարտվել է սովորականից ուշ՝ Գերմանիայում կայացած աշխարհի առաջնության պատճառով։ Հինգ օր անց նա ամբողջական հանդիպում է անցկացրել եզրափակիչ փուլում, որում «բանակայինները» լրացուցիչ ժամանակում 2:1 հաշվով հաղթել են «Լևսկիին», և նվաճել է իր առաջին գավաթը ակումբի հետ։ 1974/75 մրցաշրջանում նա ԲԿՄԱ-ի հետ դարձել է նաև Բուլղարիայի չեմպիոն՝ մրցաշրջանի ընթացքում մասնակցելով 15 հանդիպման և խփելով 1 գոլ։ Թահմիզյանը երկու հանդիպում է անցկացրել նաև ՈՒԵՖԱ-ի Գավաթակիրների գավաթի խաղարկությունում Կիևի «Դինամոյի» դեմ[4]։
1975 թվականին Թահմիզյանը վերադարձել է «Չեռնո մորե»։ 1975/76 մրցաշրջանում նա եղել է թիմի հիմնական խաղացող, սակայն մրցաշրջանի վերջում թիմը դուրս է մնացել «A» խմբից, և նա տեղափոխվել է «Սպարտակ» (Վառնա)։ «Բազեների» կազմում Թահմիզյանը հանդես է եկել 4 տարի (2-ը՝ «A» խմբում, 2-ը՝ «B» խմբում)։ 1980 թվականին նա տեղափոխվել է «Դորոստոլ» (Սիլիստրա), իսկ կարիերան ավարտել է 35 տարեկանում՝ «Բելոսլավ» թիմում։
Մարզչական կարիերա
խմբագրել1991/92 մրցաշրջանում Գևորգ Թահմիզյանը որոշ ժամանակ զբաղեցրել է «Չեռմո մորեի» գլխավոր մարզչի պաշտոնը[5]։
Կրթություն
խմբագրելԳևորգ Թահմիզյանն ավարտել է Տնտեսագիտական համալսարանը «Հաշվապահական հաշվառում» մասնագիտությամբ և աշխատել է հանրային սննդի ձեռնարկություններից մեկում որպես տնտեսական բաժնի վերահսկիչ։ 1990-ական թվականների սկզբին նա ավարտել է նաև Սոֆիայի մարզական ակադեմիան[5]։
Նվաճումներ
խմբագրել- ԲԿՄԱ Սոֆիա
- «A» Խումբ
Չեմպիոն՝ 1974/75
- Ազգային գավաթ
- Գավաթակիր՝ 1973/74
Ծանոթագրություններ
խմբագրել- ↑ Наградиха Кеворк Тахмисян за 70-годишния му юбилей petel.bg 8 април 2019 г.
- ↑ 2,0 2,1 Статистика на Кеворк Тахмисян в националния отбор eu-football.info
- ↑ Профил на Кеворк Тахмисян fccska.com
- ↑ Статистика на Тахмисян в евротурнирите worldfootball.net
- ↑ 5,0 5,1 Кеворк Арам Тахмисян
Արտաքին հղումներ
խմբագրել- Թահմիզյանի պրոֆիլը chernomorefc.com կայքում