Դառը գիհի
«Դառը գիհի» (ռուս.՝ «Горький можжевельник»), ռեժիսոր Բարաս Խալզանովի խորհրդային ֆիլմը, որը նկարահանվել է Սվերդլովսկի կինոստուդիայում 1985 թվականին։ Ֆիլմի պրեմիերան տեղի է ունեցել 1986 թվականի մայիսի 15-ին։
 ռուս.՝ Горький можжевельник | |
|---|---|
| Երկիր |  ԽՍՀՄ |
| Ժանր | պատմական ֆիլմ |
| Թվական | 1985 |
| Լեզու | ռուսերեն |
| Ռեժիսոր | Բարաս Խալզանով |
| Սցենարի հեղինակ | Բարաս Խալզանով |
| Երաժշտություն | Ալեքսեյ Մաժուկով |
| Կինոընկերություն | Սվերդլովսկի կինոընկերություն |
Սյուժե
խմբագրելՖիլմի գործողությունները տեղի են ունենում 1943 թվականին։ Ընթանում է Հայրենական մեծ պատերազմը։ Ռազմաճակատից մի քանի հազար կիլոմետր հեռավորության վրա՝ հեռու Արևելքում գտնվող բուրյաթական գյուղում, աշխատանքային օրերը շարունակվում են։ Բոլոր տղամարդիկ գնացել են պատերազմելու հիտլերականների դեմ, և գյուղացիական դժվարին աշխատանքի ողջ ծանրությունն ընկել է ծերերի, կանանց և երեխաների ուսերին։
Ֆիլմը պատմում է պատերազմական տարիների երեխաների ու դեռահասների մասին, որոնք իրենց մեծ աշխատանքով անգնահատելի օգնություն են ցուցաբերում ավագ սերնդին։ Փոքր հասակից աշխատելով ֆերմերային տնտեսություններում և դաշտերում սառնամանիքին ու շոգին, հաճախ թերսնվելով, այդ պատանիները նույնպես իրենց ներդրումն են ունեցել համաժողովրդական հաղթանակում։
Դերերում
խմբագրել- Պյոտր Աբաշեև – Իրինչին, ջրաղացպան
- Մայդարի Ժապհանդաև – Տուբչին Պուրբուևիչ, գյուղխորհրդի նախագահ
- Բելիգտո Դաշիև – Աբդայ
- Ալեքսանդր Բարլուկով – Թումեր
- Մարինա Ստեպանովա – Օյունա
- Բայարտո Դամբաև – Տուդուպկա
- Սոդնոմ Բուդաժապով – Լհամա
- Բազար-Հանդա Ռաբդանովա – Խանդամա
- Ցիրեն-Դուլմա Դոնդոկովա – Դոլսոն
Նկարահանող խումբ
խմբագրել- Ռեժիսոր և սցենարիստ՝ Բարաս Հալզանով
- Օպերատոր՝ Իգոր Լուկշին
- Կոմպոզիտոր՝ Ալեքսեյ Մաժուկով
Նկարահանման վայր ՝
խմբագրելՖիլմի նկարահանումները տեղի են ունեցել Բուրյաթիայում։ Որոշ կադրեր նկարահանվել են Խուժիր կայարանում՝ զինվորների էշելոնի մեկնումի տեսարանում[1]։ Նկարահանող խմբի բազան տեղակայված էր Ջիդինսկի շրջանի կենտրոնում՝ Պետրոպավլովկա գյուղում։