Դավիթ Գ․ Գրիգորյան
- Վիքիպեդիայում կան հոդվածներ Գրիգորյան ազգանունով այլ մարդկանց մասին։
Դավիթ Գ․ Գրիգորյան (հուլիսի 17, 1989, Երևան, Հայկական ԽՍՀ, ԽՍՀՄ), հայ ֆուտբոլիստ, հենակետային կիսապաշտպան։ Հանդես է եկել Հայաստանի հավաքականում։
 | |||
|---|---|---|---|
| Քաղաքացիությունը |
 Հայաստան | ||
| Ծննդյան ամսաթիվ | հուլիսի 17, 1989 (35 տարեկան) | ||
| Ծննդավայր | Երևան, Հայկական ԽՍՀ, ԽՍՀՄ | ||
| Դիրք | կիսապաշտպան | ||
|
| |||
|
| |||
|
| |||
|
| |||
|
| |||
Կենսագրություն
խմբագրելՄեծահասակների մակարդակում հանդես է եկել 2007 թվականից «Արարատ-2»-ում (Երևան) Հայաստանի Առաջին լիգայում։ 2009 թվականին տեղափոխվել է բարձրագույն դիվիզիոնում հանդես եկող «Արարատի» կազմը և մրցաշրջանի ընթացքում 21 հանդիպում է անցկացրել առաջնությունում։ 2009 թվականին դարձել է Հայաստանի սուպերգավաթակիր, ընդ որում Սուպերգավաթի խաղում եղել է «Արարատի» ավագը։ Այնուհետև կրկին հանդես է եկել ակումբի երկրորդ կազմում։ 2012/13 մրցաշրջանի սկզբում խաղացել է Առաջին խմբի «Քինգ Դելյուքս» ակումբում (Երևան), սակայն արդեն 2012 թվականի սեպտեմբերին վերադարձել է «Արարատ», որտեղ հանդես է եկել հաջորդ երեք մրցաշրջաններում՝ խաղալով 50 հանդիպում։ Բարձրագույն խմբում իր միակ գոլը խփել է 2012 թվականի հոկտեմբերի 7-ին «Իմպուլսի» դարպասը՝ իր ակումբին բերելով 1-0 հաղթանակ[1].
2015/16 մրցաշրջանում խաղացել է «Միկայի» կազմում, սակայն չի կարողացել դառնալ հիմնական կազմի խաղացող՝ անցկացնելով ընդամենը 2 հանդիպում։ 2017 թվականի սկզբին կրկին վերադարձել է «Արարատ», բայց այնտեղ էլ չի կարողացել ամրապնդվել հիմնական կազմում։ Պրոֆեսիոնալ մակարդակում իր վերջին հանդիպումն անցկացրել է 2017 թվականի օգոստոսին։
Ընդհանուր առմամբ Հայաստանի Բարձրագույն խմբում անցկացրել է առնվազն 80 հանդիպում, խփել է մեկ գոլ։
Մեկ խաղ է անցկացրել Հայաստանի ազգային հավաքականի կազմում 2009 թվականի օգոստոսի 12-ին Մոլդովայի դեմ[2]։
Ձեռքբերումներ
խմբագրելԱկումբային նվաճումներ
խմբագրել«Արարատ» (Երևան)
- Հայաստանի Սուպերգավաթակիր – 2009