Դյուլա Ագհազի
Դյուլա Ագհազի (հունգարերեն՝ Gyula Aggházy, մարտի 20, 1850[1][2], Dombóvár, Dombóvár District, Թոլնա, Հունգարիայի թագավորություն, Ավստրիական կայսրություն - մայիսի 13, 1919, Բուդապեշտ, Հունգարական Խորհրդային Հանրապետություն), հունգարացի նկարիչ և մանկավարժ
Դյուլա Ագհազի | |
|---|---|
 | |
| Ծնվել է | մարտի 20, 1850[1][2] |
| Ծննդավայր | Dombóvár, Dombóvár District, Թոլնա, Հունգարիայի թագավորություն, Ավստրիական կայսրություն |
| Վախճանվել է | մայիսի 13, 1919 (69 տարեկան) |
| Մահվան վայր | Բուդապեշտ, Հունգարական Խորհրդային Հանրապետություն |
| Քաղաքացիություն | .svg){kind=small} Հունգարիա |
| Մասնագիտություն | նկարիչ և համալսարանի դասախոս |
| Ոճ | նատուրալիզմ |
| Ուսուցիչ | Միխայ Մունկաչի |
| Զավակներ | Tibor Aggházy? |
 Gyula Aggházy Վիքիպահեստում | |
Կենսագրություն
խմբագրելՊատանության ու երիտասարդության տարիներին Դյուլան հավասարապես տարված է եղել նկարչությամբ ու երաժշտությամբ, այս երկու արվեստներն էլ ուսումնասիրել է, մինչև անգամ որոշ ժամանակ ջութակ է նվագել Բուդապեշտի Ժողովրդական թատրոնում։ 1869-ից 1874 թվականներին ապրել է Վիեննայում, հաճախել Ավստրիայի մայրաքաղաքի գեղարվեստի ակադեմիայում անցկացվող պարապմունքներին։ Այնուհետև կերպարվեստի գաղտնիքների մեջ խորամուխ է եղել և ավելի հմտացել ու կատարելագործվել՝ ուսումը շարունակելով Մյունխենի գեղարվեստի ակադեմիայում[3]։ Հայրենի Հունգարիա վերադառնալուց հետո մի կարճ ժամանակ անցկացրել է Սոլնոկում, որը հունգարացի նկարիչների սիրած հավաքավայրերից մեկն էր, ապա մեկնել է Փարիզ, որտեղ վարպետության դասեր է առել անվանի գեղանկարիչ Միհայ Մունկաչիից[3]։
Սկսած 1876 թվականից՝ նա իր ժամանակի մի մասն անցկացրել է Սոլնոկում, մյուս մասը՝ Բուդապեշտում. Հունգարիայի մայրաքաղաքում Դյուլա Ագհազին աշխատում էր նաև որպես արվեստների ու արհեստների թագավորական դպրոցի (ներկայումս՝ Միհայ Նագիի անվան արվեստի և դիզայնի համալսարան) ուսուցիչ[3] : 1897 թվականին նրան շնորհվել է Հունգարիայի գեղարվեստի համալսարանի պրոֆեսորի կոչում։
Անվանի նկարիչը սովորաբար չափազանց արագ է աշխատել, կարճ ժամանակում ստեղծել ժողովրդի կյանքից ժանրային տեսարաններ։ Իր ստեղծագործությունները պարբերաբար ներկայացրել է Հունգարիայի մայրաքաղաքի գեղարվեստի Műcsarnok սրահում կազմակերպված ցուցահանդեսներում։
Դյուլա Ագհազիի ժանրային նկարները, որոնք գլխավորապես արված են բնապաշտական (նատուրալիստական) ոճով, ինչպես նախկինում, ներկայումս ևս չափազանց սիրված են և գնահատված։ Դրանց զգալի մասը պահվում և ցուցադրվում է Հունգարիայի ազգային պատկերասրահում։
Պատկերասրահ
խմբագրել-
Ծաղկած խնձորենիներ (Virágzó almafák) -
Առագաստանավ՝ Բալատոն լճում (»Dodó«, a néhai Jánosi Ágoston püspök balatoni yachtja) -
Կովեր Բալատոնի ափին (Tehenek a Balaton-parton) -
Լույսի շողեր թավուտում (Fények a ligetben) -
Արևոտ դաշտում (Napfényes mezőn) -
Աղջիկը վառարանի առջև (Kislány tűzhely előtt) -
Խռովել են -
Ծառուղի -
Գյուղը գիշերով -
Ամռան այգաբաց
Ծանոթագրություններ
խմբագրել- ↑ 1,0 1,1 Aggházy Gyula (հունգ.) / K. Ágnes — Budapest: Akadémiai Kiadó, 1967.
- ↑ 2,0 2,1 Artists of the World Online, Allgemeines Künstlerlexikon Online, AKL Online (գերմ.) / Hrsg.: A. Beyer, B. Savoy — B: K. G. Saur Verlag, Verlag Walter de Gruyter, 2009. — ISSN 2750-6088 — doi:10.1515/AKL
- ↑ 3,0 3,1 3,2 Brief biography @ Magyar Elektronikus Könyvtár.
Արտաքին հղումներ
խմբագրել | Վիքիպահեստն ունի նյութեր, որոնք վերաբերում են «Դյուլա Ագհազի» հոդվածին։ |