Դոկտոր Նոու (վեպ)

«Դոկտոր Նոու» (անգլ.՝ Dr. No)՝ Յան Ֆլեմինգի վեցերորդ վեպը բրիտանական գործակալ Ջեյմս Բոնդի մասին։

Դոկտոր Նոու անգլ.՝ Dr. No
«Դոկտոր Նոու» վեպի առաջին հրատարակության շապիկը
Հեղինակ	Յան Ֆլեմինգ
Տեսակ	գրական ստեղծագործություն
Ժանր	լրտեսական վեպ և քրեական
Բնօրինակ լեզու	անգլերեն
Կերպար(ներ)	Ջեյմս Բոնդ, Հանիչայլ Ռայդեր, Ջուլիուս Նոու, Մ և Բիլլ Թաններ
Նկարագրում է	Ճամայկա
Շարք	Ջեյմս Բոնդ
Նախորդ	Ռուսաստանից սիրով
Հաջորդ	Գոլդֆինգեր
Երկիր	Միացյալ Թագավորություն
Հրատարակիչ	Jonathan Cape
Հրատարակման տարեթիվ	1958
Սցենարի հեղինակ	Յան Ֆլեմինգ
Թվային տարբերակ	fadedpage.com/showbook.php?pid=20170725

Առաջին անգամ հրատարակվել է Մեծ Բրիտանիայում 1958 թվականի մարտի 31-ին։ ՄԻ-6-ը Ջեյմս Բոնդին ուղարկում է Ջամայկա՝ հետաքննելու հետախուզության երկու գործակալների խորհրդավոր անհետացումը։ Բոնդը կասկածում է չինացի Դոկտոր Նոուին, որը ղեկավարում է Քրէբ Քի անապատային կղզում թռչնաղբի հարստահարմամբ զբաղվող ընկերությունը։ Բոնդն ուղևորվում է կղզի, որտեղ հանդիպում է հմայիչ Հաննիչայլդ Ռիդերին, իսկ հետո՝ անձամբ չարագործ Դոկտոր Նոուի հետ։

Համառոտ բնութագիր (անոտացիա)

Ջամայկայում սպանվել են ՄԻ-6-ի գործակալ մայոր Սթրենջվեյզն ու նրա քարտուղարուհին։ Իմիջիայլոց, սպանությունն այնպես է դասավորվել, որ բոլորը կարծում են, որ այս զույգն ուղղակի որոշել է անհետանալ։ Առաջին հայացքից աննշան թվացող այս գործի հետաքննության համար Մ-ը որոշում է ուղարկել ՄԱՀԼ-ի (ռուս.՝ СМЕРШ -Смерть шпионам) հետ բախումից հրաշքով ողջ մնացած Ջեյմս Բոնդին։ Ենթադրվում է, որ 007 գործակալը գնում է համարյա ծովափ։ Բացի այդ գործը, որով վերջին ժամանակներում զբաղվել է ջամայկյան գործակալությունը, հետախուզության համար համարյա անհեթեթ է թվում Քրէբ Քի կզղում վարդագույն ֆլամինգոների գաղութի կրճատումը։ Բայց հենց այդ հետքն էլ Բոնդին կբերի անգլիական (ու ոչ միայն) անվտանգության համար մեկ այլ վտանգի։

Վեպի համանուն էկրանավորումը (1962)

«Դոկտոր Նոու» գիրքը պատիվ է ունեցել լինել 1962 թվականին նկարահանված «Բժիշկ Նոու» ֆիլմի սցենարը, որն առաջինն էր պաշտոնական բոնդերի շարքից։ Այստեղ Շոն Քոններին նաև առաջին անգամ հանդես եկավ 007 գործակալի դերում։

Կերպարներ

• Ջեյմս Բոնդ / Գործակալ 007 / Ջոն Բրյուս — գլխավոր հերոս
• Հանիչայլ Ռայդեր — Բոնդի սիրեցյալը
• Դոկտոր Ջուլիուս Նոու — գլխավոր չարագործը
• Քուորել — Բոնդի դաշնակիցը
• Մ — Բոնդի ղեկավարը
• Փլեյդեյլ-Սմիթ — Բոնդի դաշնակիցը
• Բիլլ Թաններ — Բոնդի աշխատակիցը
• Մայոր Բութրոյթ (Քվորթերմեյսթր) Զինագործ — Բոնդի աշխատակիցը

Կապը ֆիլմի հետ

Ջեյմս Բոնդի մասին առաջին ֆիլմը նկարահանվել է 1962 թվականին և բավականին ճշգրտորեն հետևում է սկզբնաղբյուրին։ Տարբերությունները հետևյալում են՝

• Գրքում Հանի Ռայդերը ծովից դուրս է գալիս ամբողջովին մերկ՝ նման Միլոսյան Վեներային։
• Դոկտոր Նոուն աշխատում է ոչ թե Խորհրդային Միության համար, այլ՝ ՍՊԵԿՏՐ-ի։
• Գրքում դոկտորը ձեռքից զրկվել է չինական մաֆիային դավաճանելու համար, ֆիլմում՝ ռադիացիայի հետ անհաջող գիտափորձի արդյունք է։
• Ֆիլմում հայտնվում է Ֆելիքս Լայթերը, որը գրքում չկա, և օրիգինալ կերպար Սիլվիա Թրենրչը, որը Ֆլեմինգի մոտ չկար։
• Բոնդի վերջնական մենամարտը հսկա կաղամարի հետ ֆիլմում տեղ չի գտել։
• Գրքում դոկտոր Նոուն դոկտոր (բժիշկ) է կոչվում, որովհետև «բժիշկներին ավելի շատ են վստահում»։ Ֆիլմում նա միջուկային ֆիզիկոս է։
• Գրքում Բոնդին օդանավակայանում դիմավորում է Քուորել, իսկ երբ գնում են օդանավակայանից, նրանց հետապնդում է դատարկ տաքսին։ Ֆիլմում Բոնդին դիմավորում է պարոն Ջոնսը (դոկտոր Նոուի գործակալը), իսկ Քուորելը և Ֆելիքս Լեյթերը օդանավակայանից հետապնդում են Բոնդին և Ջոնսին։
• Ֆիլմում Բոնդին թունավորված մրգեր չեն ուղարկում։ Ջոնսը ցիանիդ է ընդունում՝ Բոնդի հարցաքննությունից խուսափելու համար։
• Գրքում պրոֆեսոր Դենթ և Բոնդի այցը օրիորդ Թարոյին չկան։ Գրքում երեք մարդասպանները մահանում են վերջում՝ Ծովախեցգետնի կղզում։

Տես նաև

Բժիշկ Նոու ֆիլմը - 1962- Ջեյմս Բոնդի դերում՝ Շոն Քոնների

Արտաքին հղումներ

• Յան Ֆլեմինգի ստեղծագործությունները Արխիվացված 2012-03-23 Wayback Machine