Եկատերինա Բլավատսկայա

Եկատերինա Դմիտրևնա Բլավատսկայա (ռուս.՝ Екатерина Блаватская Дмитриевна, նոյեմբերի 20, 1911(1911-11-20), Արդահան, Կարսի մարզ, Կովկասյան երկրամաս, Ռուսական կայսրություն), ռուս խորհրդային ակնաբան։ Բժշկական գիտությունների դոկտոր (1969), պրոֆեսոր (1969), ՀԽՍՀ գիտությունների վաստակավոր գործիչ (1963)։

Եկատերինա Բլավատսկայա
Ծնվել է	նոյեմբերի 20, 1911(1911-11-20) (113 տարեկան)
Ծննդավայր	Արդահան, Կարսի մարզ, Կովկասյան երկրամաս, Ռուսական կայսրություն
Մասնագիտություն	ակնաբույժ

1933 թվականին ավարտել է Կուբանի բժշկական ինստիտուտը։ 1943 թվականից աշխատում է Երևանում։ 1945 թվականից դասավանդում է Երևանի բժշկական ինստիտուտում։ 1962 թվականից՝ Երևանի բժիշկների կատարելագործման ինստիտուտի ակնաբանության ամբիոնի վարիչ։ Բոգոտայի Բարակերի ինստիտուտի ակնաբանների ընկերության թղթակից անդամ (1967)։ Բլավատսկայայի աշխատանքները նվիրված են աչքի տուբերկուլոզի ախտորոշման և բուժման, եղջերաթաղանթի պատվաստման հարցերին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 2, էջ 452)։