Երկուսը և մեկը
«Երկուսը և մեկը» (ռուս.՝ «Двое и одна»), խորհրդային գեղարվեստական ֆիլմ, որը նկարահանել է ռեժիսոր Էդուարդ Գավրիլովը[1] Գալինա Շչերբակովայի «Քեռի Խլորը և Կորյակինը» պատմվածքի հիման վրա։
 | |
|---|---|
| Երկիր |  ԽՍՀՄ |
| Ժանր | մելոդրամա |
| Թվական | 1988 |
| Լեզու | ռուսերեն |
| Ռեժիսոր | Էդուարդ Գավրիլով |
| Սցենարի հեղինակ | Գալինա Շչերբակովա |
| Կինոընկերություն | Մաքսիմ Գորկու անվան կինոստուդիա |
| Տևողություն | 85 րոպե |
Սյուժե
խմբագրելԳնացքի տակ ընկած կնոջ անհեթեթ մահը միավորում է ֆիլմի երեք հերոսներին՝ նրա որբ մնացած դուստր Օլգային, փոքր կոոպերատիվ թերթի լուսանկարիչ Վսեվոլոդ Ֆրոլովին, որի հետ Վալենտինան ծանոթացել էր մահից մի քանի շաբաթ առաջ, և Անդրեյ Կորյակինին՝ աղջկա հորը և Վալենտինայի նախկին ամուսնուն, որը երբեք չի տեսել իր դստերը, այլ միայն ալիմենտ է վճարել և ընդհանրապես չի հետաքրքրվել նրա կյանքով։
Վեցամյա խելամիտ և ինքնուրույն Օլյան համաձայն է «Խլորին» (թլվատության պատճառով նա այդպես աղավաղված է արտասանում Վսեվոլոդի ազգանունը) համարել իր հայրը, քանի որ նա և Վալենտինան արդեն որոշել էին ամուսնանալ և խանութում նոր բազմոց էին պատվիրել։ Մոր հուղարկավորության ժամանակ Օլյային տանում են ապրելու Վսեվոլոդի մոտ՝ ասելով, որ մայրը գործուղման մեջ է։ Այնուամենայնիվ, Ֆրոլովի հարևանը պատմում է, թե իրականում ինչ է պատահել մոր հետ՝ հավատալով, որ սխալ է ճշմարտությունը թաքցնել երեխայից։
«Չհասցրիք ամուսնանալ, բայց արդեն այրի եք դարձել…»
Շուտով գալիս է Օլյայի հայրը՝ Անդրեյ Կորյակինը։ Աղջիկը կարծում է, որ անծանոթ տղամարդը իրեն կտանի իր մոտ և խնդրում է հեռանալ։ Բայց Ֆրոլովի հանկարծակի ուղևորությունը մեկ այլ քաղաք օգնում է Օլային և Կորյակինին ընկերանալ, և Վսեվոլոդի վերադարձից հետո նա այլևս չի թողնում հեռանալ իր երկու հայրերից ոչ մեկին։
Դերերում
խմբագրել- Գեորգի Բուրկով – Վսեվոլոդ Իվանովիչ Ֆրոլով (Քեռի Խլոր), «Вперёд» թերթի ֆոտոլրագրող
- Մաշա Կոմարինսկայա – Օլյա Կորյակինա
- Ելենա Մայորովա – Վալենտինա, Օլյայի մայրը
- Յուրի Աստաֆիև – Անդրեյ Կորյակին, Օլյայի հայրը
- Նադեժդա Ֆեդոսովա – պառավ Մաշա
- Վադիմ Զախարչենկո – Լապկին, թերթի խմբագիր
- Յուրի Բելով – գերեզմանատան աշխատող
- Աննա Ֆրոլովցևա – Ֆրոլովի գործընկերը
- Մարիա Վինոգրադովա – Ֆրոլովի հարևանուհին
- Յուրի Սարանցև – Վալենտինայի ազգականը
- Վերա Պետրովա – ազգական
- Նատալյա Խորոխորինա – Ռիտա, Կորյակինի հարևանը հանրակացարանում
- Վիկտոր Ֆիլիպով – էպիզոդ
Նկարահանող խումբ
խմբագրել- Սցենարի հեղինակ՝ Գալինա Շչերբակովա
- Ռեժիսոր՝ Էդուարդ Գավրիլով
- Օպերատոր՝ Իննա Զարաֆյան
- Նկարիչ՝ Եվգենի Շտապենկո
- Կոմպոզիտոր՝ Վլադիմիր Լվովսկի
- Հնչյունային օպերատոր՝ Ալեքսանդր Նեյման
- Դիրիժոր՝ Էմին Խաչատրյան
- Մոնտաժող՝ Թամարա Կրիվոշեինա[2]
Հետաքրքիր փաստեր
խմբագրել- Ֆիլմը նկարահանվել Է Մոսկվայի թաղամասերից մեկում և Սխոդնյա քաղաքում (ներկայում այն Խիմկի միկրոշրջանն Հոկտեմբերյան երկաթուղու մոտ)։
- Ֆիլմի սկզբում ցուցադրվում են «Բրեմենյան երաժիշտների հետքերով» և «Տուն ընձառյուծի համար» մուլտֆիլմերը։
Ծանոթագրություններ
խմբագրել- ↑ «Երկուսը և մեկը» ֆիլմը kino-teatr.ru կայքում
- ↑ «Երկուսը և մեկը» ֆիլմը kinopoisk.ru կայքում
Արտաքիի հղումներ
խմբագրել- «Երկուսը և մեկը»(անգլ.) ֆիլմը Internet Movie Database կայքում