Երևանի բանտում բոլշևիկների կողմից կացնահարվածների հիշատակի խաչքար
1921 թ. փետրվարի 18-ին Երևանի բանտում բոլշևիկների կողմից կացնահարվածների հիշատակին խաչքար-հուշարձան, գտնվում է Երևանի կենտրոնում` Սունդուկյանի անվան թատրոնի հարակից Անգլիական այգում։
| Երևանի բանտում բոլշևիկների կողմից կացնահարվածների հիշատակի խաչքար | |
|---|---|
.JPG) Խաչքար՝ 1921 թ. փետրվարի 18-ին Երևանի բանտում բոլշևիկների կողմից կացնահարվածների հիշատակին | |
| Ընդհանուր տեղեկություններ | |
| Համայնք | Կենտրոն |
| Գտնվում է | Անգլիական այգի |
| Քանդակագործ(ներ) | Վաչե Պետրոսյան |
| Նյութ | տուֆ |
| Շինարարության ավարտ | 2008 |
| Ներկա վիճակ | կանգուն
|
Պատմություն
խմբագրելՀաղորդավարուհի Աիդա Ներսիսյանի նախաձեռնությամբ 1993 թվականին տեղադրվում է հուշաքար Անգլիական այգում, իսկ Ռազմիկ Մարկոսյանի ջանքերով՝ 2008 թվականին կանգնեցվում խաչքար-հուշարձան ի հիշատակ 1921 թվականի փետրվարին բոլշևիկ դահիճների ձեռքով սպանված 21 հայ ազգային գործիչների[1]։ Ամեն տարի փետրվարի 18-ին հուշարձանի մոտ կազմակերպվում է հիշատակի մոմավառություն[2]։
Խաչքարի վայրը պատահականորեն չէ ընտրված։ Ժամանակակիցների վկայությամբ՝ այնտեղ են հանգչում բոլշևիկյան Հայաստանի ղեկավարության կողմից բանտարկված և 1921 թվականի փետրվարի 17-ի, լույս 18-ի գիշերը նրանց ձեռքով կյանքից զրկված 21 հայ ազգային գործիչների, այդ թվում` Սարդարապատի հերոսների, Հայաստանի առաջին հանրապետության հիմնադիրների մասունքները։
Խաչքարի ներքևում հիշված են նահատակված գործիչներից հինգի անունները՝ Խմբապետ Համազասպ, Նիկոլայ Ղորղանյան, Հրանտ Տեր-Մարգարյան, Երանոս Թարվերդյան և Լևոն Ենգիբարյան։