Էլեանոր Հարվի
Էլեանոր Հարվի (անգլ.՝ Eleanor Harvey, հունվարի 14, 1995, Համիլտոն, Օնտարիո, Կանադա[1]), կանադացի սուսերամարտիկ, 2024 թվականի Ամառային օլիմպիական խաղերի բրոնզե մեդալակիր, Համաամերիկյան խաղերի չեմպիոն և մրցանակակիր, երեք Օլիմպիական խաղերի մասնակից (2016, 2020, 2024), Համաամերիկյան կրկնակի չեմպիոն և բազմակի մրցանակակիր։
| Էլեանոր Հարվի | |
|---|---|
 | |
| Անձնական տեղեկություն | |
| Սեռ՝ | իգական |
| Մասնագիտացում՝ | սուսերամարտիկ |
| Երկիր՝ | .svg){kind=small} Կանադա |
| Ծննդյան ամսաթիվ՝ | հունվարի 14, 1995 (29 տարեկան) |
| Ծննդավայր՝ | Համիլտոն, Օնտարիո, Կանադա[1] |
| Հասակ՝ | 172 սանտիմետր[2] |
| Քաշ՝ | 56 կիլոգրամ[2] |
Կարիերա
խմբագրելՊատանեկան և երիտասարդական մակարդակներում ունեցած հաջողությունների շնորհիվ 2015 թվականի ամռանը ընդգրկվել է Համաամերիկյան խաղերի հավաքականի կազմում, որտեղ նվաճել է ոսկե մեդալ թիմային մրցությունում։
Հաջորդ տարի մասնակցել է Օլիմպիական խաղերին, որտեղ հաջող է հանդես եկել՝ դուրս գալով 1/4 եզրափակիչ, որտեղ պարտվել է Ինես Բուբակրիին, որն այդ մրցաշարում դարձել է բրոնզե մեդալակիր, իսկ Հարվին դարձել է պատմության մեջ առաջին կանադացի սուսերամարտիկը, որ հասավ այդպիսի հաջողության[3]:
2019 թվականի ամռանը մասնակցել է Համաամերիկյան խաղերին, որոնցում նվաճել է երեք մեդալ՝ արծաթ (թիմային մարզասուսեր) և երկու բրոնզ (մարզասուսեր և թիմային սուսեր)[4]։
2021 թվականի ամռանը մասնակցել է Օլիմպիական խաղերին[5], որտեղ մարզասուսերի մրցումներում անցել է 1/8 եզրափակիչ, որտեղ պարտվել է ամերիկացի Լի Կիֆերին, ով դարձել է օլիմպիական չեմպիոն։ Հաջորդ տարի սուսերամարտի աշխարհի առաջնությունում Հարվին հասել է 1/8 եզրափակիչ՝ ցույց տալով իր լավագույն արդյունքը աշխարհի առաջնություններում:
2024 թվականի Ամառային օլիմպիական խաղերում Հարվին նվաճել է Կանադայի առաջին օլիմպիական մեդալը սուսերամարտում՝ հաղթելով Ալիս Վոլպիին բրոնզե մեդալի համար անհատական մրցավեճում[6][7][8]։ Նա նաև մասնակցել է կանանց թիմերի մրցումներին, որտեղ Կանադան զբաղեցրել է չորրորդ տեղը՝ բրոնզե մեդալների համար մրցավեճում պարտվելով Ճապոնիայի թիմին:
Ծանոթագրություններ
խմբագրել- ↑ 1,0 1,1 1,2 https://www.nbcolympics.com/athletes/eleanor-harvey-1030353
- ↑ 2,0 2,1 https://olympic.ca/team-canada/eleanor-harvey/
- ↑ «Harvey upsets world number one, achieves Canadian fencing best ever». Արխիվացված օրիգինալից 2023-04-10-ին. Վերցված է 2023-07-02-ին.
- ↑ Awad, Brandi (2021-05-20). «Nine fencers en garde for Team Canada at Tokyo 2020». Canadian Olympic Committee. Արխիվացված օրիգինալից 2021-05-20-ին. Վերցված է 2021-05-20-ին.
- ↑ Awad, Brandi (20 May 2021). «Nine fencers en garde for Team Canada at Tokyo 2020». Canadian Olympic Committee. Վերցված է 20 May 2021-ին.
- ↑ Fenton, Caela (25 April 2024). «Team Canada announces fencing team for Paris 2024». Canadian Olympic Committee. Վերցված է 11 May 2024-ին.
- ↑ Nerestant, Antoni (26 April 2024). «29 Olympics, no medals? No problem. Quebec-led fencing squad hungry for history». www.cbc.ca/sports/. CBC News. Վերցված է 11 May 2024-ին.
- ↑ «History made: Eleanor Harvey wins Canada's 1st-ever Olympic fencing medal with bronze». www.cbc.ca/sports/. CBC Sports. 28 July 2024. Վերցված է 28 July 2024-ին.