Էյտոր Վիլա-Լոբոս
Վիլա Լոբոս-Էյտոր (իսպ.՝ Heitor Vila-Lobos) (մարտի 5, 1887[5][6][7][…], Ռիո դե Ժանեյրո, Բրազիլիայի կայսրություն[1][2] - նոյեմբերի 17, 1959[5][6][7][…], Ռիո դե Ժանեյրո, Բրազիլիա[1][2]), բրազիլացի կոմպոզիտոր, դիրիժոր, բանահավաք, մանկավարժ, երաժշտական-հասարակական գործիչ։ Հավաքել և գրի է առել բրազիլական երաժշտական բանահյուսությունը։ Վաղ շրջանի երկերից ազգային բնորոշությամբ առանձնանում է «Սերտանի երգերը» նվագախմբային սյուիտը (1909)։ 1922 թվականին որպես կառավարական կրթաթոշակառու Վիլա Լոբոսը կատարելագործվել է Փարիզում։ 1931 թվականից Վիլա Լոբոսը եղել է երաժշտական կրթության հարցերով բրազիլական կառավարության լիազորը։ Հիմնադրել է երաժշտական դպրոցներ և երգչախմբային կոլեկտիվներ, 1942 թվականին՝ խմբակային երգեցողության ազգական կոնսերվատորիան, ստեղծել երաժշտական դաստիարակության կուռ համակարգ։ Նրա նախաձեռնությամբ 1945 թվականին Ռիո դե ժանեյրոյում բացվել է Բրազիլական երաժշտական ակադեմիան (Վիլա Լոբոսը եղել է նրա անփոփոխ պրեզիդենտը)։ Որպես դիրիժոր համերգային լայն գործունեություն է ծավալել հայրենիքում և արտասահմանում։ Վիլա Լոբոսի ստեղծագործությունը խորապես ազգային է։ Երաժշտական բանահյուսության հիման վրա են ստեղծված նրա 14 «Շոռո»-ները (1920-1929)։ Վիլա Լոբոսը օպերաների, բալետների, 12 սիմֆոնիայի, սիմֆոնիկ պոեմների, 9 սյուիտից բաղկացած «Բրազիլական բախիանաներ» շարքի (1930- 1945), 17 կվարտետի, դաշնամուրի, թավջութակի, կիթառի, տավղի կոնցերտների և այլ երկերի հեղինակ է։
| Էյտոր Վիլա-Լոբոս | |
|---|---|
.jpg) | |
| Հիմնական տվյալներ | |
| Բնօրինակ անուն | Heitor Vila-Lobos |
| Ի ծնե անուն | պորտ.՝ Heitor Villa-Lobos |
| Ծնվել է | մարտի 5, 1887 Ռիո դե Ժանեյրո |
| Երկիր |  Բրազիլիա |
| Մահացել է | նոյեմբերի 17, 1959 Ռիո դե Ժանեյրո, Բրազիլիա[1][2] |
| Ժանրեր | օպերա և սիմֆոնիա |
| Մասնագիտություն | կոմպոզիտոր, դիրիժոր, բանահավաք, մանկավարժ |
| Գործիքներ | կիթառ |
| Անդամակցություն | Արգենտինայի գեղարվեստի ազգային ակադեմիա և Academia Brasileira de Música?[3] |
| Ամուսին | Arminda Villa-Lobos? |
| Պարգևներ | |
 Heitor Villa-Lobos Վիքիպահեստում | |
Ծանոթագրություններ
խմբագրել- ↑ 1,0 1,1 1,2 1,3 1,4 Archivio Storico Ricordi — 1808.
- ↑ 2,0 2,1 2,2 2,3 2,4 Musica Brasilis Project
- ↑ http://www.abmusica.org.br/academico.php?id=2
- ↑ https://commencement.miami.edu/about-us/archives/honorary-degree-recipients/index.html
- ↑ 5,0 5,1 5,2 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 6,0 6,1 6,2 Encyclopædia Britannica
- ↑ 7,0 7,1 7,2 Internet Broadway Database — 2000.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 11, էջ 439)։ 
|
 | Վիքիպահեստն ունի նյութեր, որոնք վերաբերում են «Էյտոր Վիլա-Լոբոս» հոդվածին։ |