Թասոս

Թասոս; հուն․՝ Θάσος
Տեսակ	կղզի
Երկիր	Հունաստան
Վարչատարածքային միավոր	Thasos Municipality?
Մասն է	Thracian Sporades?
Մակերես	379 կմ²
Ամենաբարձր կետը	Ypsario?
Բնակչություն	13 770 մարդ (2011)
Անվանված է	Ֆասոս

Թասոս (հուն․՝ Θάσος), հունական կղզի Եգեյան ծովի հյուսիսային հատվածում, պատմականորեն՝ Թրակիայի մաս, գտնվում է Մեստայի հարավային գետաբերանում^[2]։ Ամենահյուսիսային հունական կղզին է, տարածքով՝ 12-րդ ամենամեծ կղզին։

Բնակչություն

2011 թվականին կղզու բնակչությունը կազմել է 13 770 մարդ։ Թասոս է կոչվում նաև կղզու ամենամեծ քաղաքը (պաշտոնական անվանումը՝ «Լիմենաս Տատոս», Թասոսի նավահանգիստ), որը տեղեկայված է կղզու հյուսիսում, Կերամոտիից 10 կմ հեռավորության վրա։ Ներկայիս Թասոսից ոչ հեռու գտնվում են հնագույն Թասոս քաղաքի ավերակները (պահպանվել են քաղաքի պատերը, սրբավայրը, շուկայի հրապարակը և այլն)։ Թասոսը հարուստ է փայտանյութով, մարմարով։ 1960 թվականից տնտեսության կարևոր ճյուղերից է նաև տուրիզմը։

Լիմենարիան երկրորդ ամենաբնակեցված նավահանգիստն է։ Բնակչությունը զբաղվում է գյուղատնտեսությամբ՝ խաղողագործություն, ձիթապտղի արտադրություն, ձկնորսություն, մեղվաբուծություն։

Տարի	Քաղաք	Համայնք
1981	2,312	-
1991	2,600	-
2001	3,140	13,765
2011	3,240	13,770

Տուրիզմ

Ինչպես Հունաստանի մյուս կղզիներում, Թասոսում ևս զարգացած է զբոսաշրջությունը։ Մայրցամաքի հետ կապվում է լաստանավերով։ Լաստանավերը կղզի գալիս են Կավալա և Կերամոտի քաղաքներից, Կավալայից՝ 1,5 ժամ, Կերամոտիից՝ 30 րոպե։ Հրաշալի ծովային օդը, փշատերև անտառների բույրը, պարզ զմրուխտ ծովն ապահովում են լիարժեք հանգիստ, այստեղ չկան աղմկոտ կառույցներ, գիշերային ակումբներ։ Զբոսաշրջիկների համար գործում են հյուրանոցներ, մասնավոր վիլաներ, որտեղ կա ավտոմեքենաների և հեծանիվների վարձույթ։

Հիմնական գյուղատնտեսական արտադրանքներն են մեղր, նուշ, ձիթապտուղ, ձիթայուղ, գինի, զբաղվում են ոչխարապահությամբ, այծաբուծությամբ, ձկնորսությամբ։ Արդյունաբերության զարգացած ճյուղերից է նաև հանքարդյունաբերությունը՝ ցինկ, մարմար։

Տեսարժան վայրեր

Թասոսի հնագիտական թանգարան
Պոտամիայի Polygnotos Vagis Municipal թանգարան
Լիմենարիայի ժողովրդական բանահյուսության թանգարան
Միքայել հրեշտակապետի վանքը
Սուրբ Պանտելեիմոնի վանք. կառուցվել է 1843 թվականին, վանք է դարձել 1987 թվականին
Վերափոխման վանք
Կաստրո գյուղը
Կրամբուսա կղզին

Հայտնի մարդիկ

Արքիլոքոս, (7-րդ դար, մ. թ. ա.)
Ագլաոֆոն, (6-5դարեր, մ. թ. ա.)^[3]
Հեգեմոն Թասոսցի
Լեոդամաս Թասոսցի, (4-րդ դար, մ. թ. ա.) mathematician
Նեսեուս Թասոսցի, նկարիչ
Պոլիգնոտոս Վագիս, (1892-1965) Թասոսում ծնված ամերիկացի քանդակագործ
Պոլիգնոտոս, (5-րդ դարի կեսեր, մ. թ. ա.) նկարիչ
Ստեսիմբրոտոս Տասիսցի, (470-420, մ. թ. ա.) սոփեստ
Տեագնեսե Թասոսցի, օլիմպիական բռնցքամարտիկ (480 մ. թ. ա.)^[4]
Վասիլիս Վասիլիկոս, (1934) բանաստեղծ և գրող
Դեմետրիոս Վասիլիադես, (1958), գիտնական, գրող

Ծանոթագրություններ

↑ GEOnet Names Server — 2018.
↑ «Kallikratis reform law text» (PDF). Արխիվացված է օրիգինալից (PDF) 2017 թ․ ապրիլի 27-ին. Վերցված է 2015 թ․ նոյեմբերի 22-ին.
↑ «Dictionary of Greek and Roman Biography and Mythology, page 74 (v. 1)». Ancientlibrary.com. Արխիվացված է օրիգինալից 2012 թ․ հոկտեմբերի 7-ին. Վերցված է 2012 թ․ հոկտեմբերի 26-ին.
↑ «Theagenes of Thasos». Perseus.tufts.edu. Վերցված է 2011 թ․ դեկտեմբերի 4-ին.

Արտաքին հղումներ

Thassos Island Nature Sites

Վիքիպահեստն ունի նյութեր, որոնք վերաբերում են «Թասոս» հոդվածին։

[_787c9d76d3b78380-1] GEOnet Names Server — 2018.

[Kallikratis-2] «Kallikratis reform law text» (PDF). Արխիվացված է օրիգինալից (PDF) 2017 թ․ ապրիլի 27-ին. Վերցված է 2015 թ․ նոյեմբերի 22-ին.

[3] «Dictionary of Greek and Roman Biography and Mythology, page 74 (v. 1)». Ancientlibrary.com. Արխիվացված է օրիգինալից 2012 թ․ հոկտեմբերի 7-ին. Վերցված է 2012 թ․ հոկտեմբերի 26-ին.

[4] «Theagenes of Thasos». Perseus.tufts.edu. Վերցված է 2011 թ․ դեկտեմբերի 4-ին.

[2]

[1]

[3]

[4]