Վիքիպեդիա

Թոմաս Քոուլ

ամերիկացի նկարիչ

Թոմաս Քոուլ (անգլ.՝ Thomas Cole,փետրվարի 1, 1801(1801-02-01)[1][2][3][…], Բոլթոն, Մեծ Մանչեսթեր, Միացյալ Թագավորություն[1][4] և Bolton le Moors, Միացյալ Թագավորություն[5] - փետրվարի 11, 1848(1848-02-11)[1][3][6][…], Նյու Յորք, Նյու Յորք, ԱՄՆ և Catskill, Գրին շրջան, Նյու Յորք, ԱՄՆ[5][1][4]), ամերիկացի բնանկարիչ, 19-րդ դարի ԱՄՆ ամենաազդեցիկ գեղանկարչական դպրոցներից մեկի՝ Հուդզոն գետի դպրոցի հիմնադիր[7][8]։

Թոմաս Քոուլ
անգլ.՝ Thomas Cole
Ծնվել էփետրվարի 1, 1801(1801-02-01)[1][2][3][…]
ԾննդավայրԲոլթոն, Մեծ Մանչեսթեր, Միացյալ Թագավորություն[1][4] և Bolton le Moors, Միացյալ Թագավորություն[5]
Վախճանվել էփետրվարի 11, 1848(1848-02-11)[1][3][6][…] (47 տարեկան)
Մահվան վայրՆյու Յորք, Նյու Յորք, ԱՄՆ և Catskill, Գրին շրջան, Նյու Յորք, ԱՄՆ[5][1][4]
Քաղաքացիություն ԱՄՆ և  Մեծ Բրիտանիայի և Իռլանդիայի միացյալ թագավորություն
Մասնագիտություննկարիչ և նկարազարդող
ՈճՀուդզոն գետի դպրոց[5]
Ժանրբնանկար[5]
Թեմաներգեղանկարչություն
Ուշագրավ աշխատանքներThe Oxbow?, The Voyage of Life?, The Subsiding of the Waters of the Deluge? և The Course of Empire?
ԱշակերտներՖրեդերիկ Էդվին Չըրչ[5]
 Thomas Cole Վիքիպահեստում

Կենսագրություն

խմբագրել

Թոմաս Քոուլը ծնվել է 1801 թվականին Անգլիայի Բոլթոն քաղաքում։ 1818 թվականին նրա ընտանիքը գաղթել է Միացյալ Նահանգներ և բնակություն հաստատել Օհայո նահանգի Սթյուբենվիլ քաղաքում, որտեղ Քոուլն սկսել է թափառական դիմանկարիչ Սթեյնից սովորել իր մասնագիտության հիմունքները։ Նա առանձնապես հաջողություն չի ունեցել դիմանկարներ նկարելիս, ուստի շուտով սկսել է ուշադրություն դարձնել բնանկաների ստեղծման վրա։

1825 թվականին Քոուլը տեղափոխվել է Նյու Յորք, որտեղ նա կարողացել է իր գործերից մի քանիսը վաճառել հարուստ գործարար Ջորջ Բրուենին, որը շուտով ֆինանսավորել է Քոուլիի ամառային ուղևորությունը դեպի Հուդզոնի հովիտ, որտեղ նա նկարել է այնպիսի հայտնի գործեր, ինչպիսիք են «Կաատերսքիլ ջրվեժը» և «Փաթնեմ նավահանգստի տեսարան»։ Վերադառնալով Նյու Յորք՝ նկարիչը գրախանութի պատուհանին ներկայացրել ուղևորության ընթացքում ստեղծված բնանկարները, որոնք արժանացել են Ջոն Թրամբալի, Էշեր Դյուրանի և Ուիլյամ Դանլեպի ուշադրությանը[9]։ Երիտասարդի բնանկարներով հատկապես տպավորվել է նկարիչ Ջոն Թրամբալը, որը, գտնելով Քոուլին, գնել է նրա գործերից մեկը և ծանոթացրել նրան Ռոբերտ Գիլմորի և Դանիել Ուոդսվորթի հետ, որոնք դարձել են նկարչի հովանավորները։

Բնանկարներից բացի, Քոուլն զբաղվել է այլաբանական գործերի ստեղծմամբ։ Դրանցից ամենահայտնին հինգ նկարների շարքն է՝ «Կայսրության ուղին» (անգլ.՝ «Course of Empire»), ինչպես նաև «Կյանքի ճանապարհոդորությունը» (անգլ.՝ «The Voyage of Life») շարքը, որը բաղկացած է մարդու կյանքի չորս ժամանակահատվածներին նվիրված նկարներից՝ մանկություն, պատանեկություն, հասունություն և ծերություն։

Քոուլը դարձել է Հուդզոն գետի դպրոցի հիմնադիրը, որն ընդգրկել է հիսունից ավելի բնանկարիչներ։ Դպրոցը փառաբանել է Ամերիկայի վայրի բնությունը և կասկածի տակ առել տեխնոլոգիական առաջընթացի նպատակահարմարությունը։ Դպրոցի նկարիչների գործերում բնությունը նկարագրվել է որպես կուսության և մաքրության չափանիշ՝ դրանով իսկ ընդգծելով դրա ծագման աստվածային բնույթը[10]։

Թոմաս Քոուլն ամուսնացած է եղել, ունեցել է 5 երեխա[11]։ Մահացել է 1848 թվականի փետրվարի 11-ին Քեթսկիլում։

Պատկերասրահ

խմբագրել
  •  
    Կաատերսկիլ ջրվեժը (1826)
  •  
    Վերադարձ (1837)
  •  
    Էթնա լեռը Թաորմինայից (1844)

Ծանոթագրություններ

խմբագրել
  1. ↑ 1,00 1,01 1,02 1,03 1,04 1,05 1,06 1,07 1,08 1,09 1,10 Bibliothèque nationale de France data.bnf.fr (ֆր.): տվյալների բաց շտեմարան — 2011.
  2. ↑ 2,0 2,1 Thomas Cole (նիդերլ.)
  3. ↑ 3,0 3,1 3,2 3,3 3,4 Thomas Cole — OUP, 2006. — ISBN 978-0-19-977378-7
  4. ↑ 4,0 4,1 4,2 4,3 4,4 4,5 RKDartists (նիդերլ.)
  5. ↑ 5,0 5,1 5,2 5,3 5,4 5,5 5,6 5,7 5,8 Smithsonian American Art Museum person/institution ID
  6. ↑ 6,0 6,1 6,2 Encyclopædia Britannica
  7. ↑ Hanc, John (2017 թ․ հոկտեմբերի 23). «'Scenes of Solitude' From Hudson River School Artists». The New York Times. Արխիվացված օրիգինալից 2018 թ․ նոյեմբերի 28-ին. Վերցված է 2018 թ․ նոյեմբերի 28-ին.
  8. ↑ Avery, Kevin J. (2004 թ․ հոկտեմբեր). «The Hudson River School». Metropolitan Museum of Art. Արխիվացված օրիգինալից 2018 թ․ նոյեմբերի 28-ին. Վերցված է 2018 թ․ նոյեմբերի 28-ին.
  9. ↑ «Thomas Cole. The dawn of the Hudson River School» (անգլերեն). Արխիվացված է օրիգինալից 2012 թ․ մարտի 31-ին.
  10. ↑ «Школа реки Гудзон». Արխիվացված է օրիգինալից 2007 թ․ նոյեմբերի 3-ին. {{cite web}}: Invalid |url-status=404 (օգնություն)
  11. ↑ «A Guide to the Thomas Cole Collection» (PDF). Albany Institute of History and Art. էջ 9. Արխիվացված է օրիգինալից (PDF) 2008 թ․ նոյեմբերի 20-ին. Վերցված է 2009 թ․ հունվարի 6-ին.

Արտաքին հղումներ

խմբագրել
 Վիքիպահեստն ունի նյութեր, որոնք վերաբերում են «Թոմաս Քոուլ» հոդվածին։
Ստացված է «https://hy.wiki.x.io/w/index.php?title=Թոմաս_Քոուլ&oldid=10113851» էջից