Իվիցա Վաստիչ

Իվիցա Վաստիչ
Անձնական տվյալներ
Ազգությունը	խորվաթ
Քաղաքացիությունը	Ավստրիա
Ծննդյան ամսաթիվ	սեպտեմբերի 29, 1969 (55 տարեկան)
Ծննդավայր	Սպլիտ, Խորվաթիա, ՀՍՖՀ
Հասակ	183 սմ
Քաշ	78 կգ
Դիրք	Կիսապաշտպան, հարձակվող
Ակումբային տեղեկություններ
Ներկա ակումբ	Մատտերսբուրգ
Համար	գլխավոր մարզիչ
Պատանեկան կարիերա
	Յուգովինիլ
Մասնագիտական կարիերա*
Ազգային հավաքական
Մարզչական կարիերա
2009-2010	Վալդհոֆեն/Իբս
2011-2012	Աուստրիա (Վիեննա)
2013	Գաֆլենց
2013-այժմ	Մատտերսբուրգ
	* Մասնագիտական կարիերայում ընդգրկված են միայն առաջնության խաղերը և գոլերը:

Իվիցա Վաստիչ (խորվ.՝ Ivica Vastić, սեպտեմբերի 29, 1969(1969-09-29)^[1]^[2], Սպլիտ, Խորվաթիա, ՀՍՖՀ), ավստրիացի (խորվաթական ծամամբ) ֆուտբոլիստ և ֆուտբոլային մարզիչ, հարձակվող։ 2009 թվականին ավարտել է խաղացողի կարիերան։ Որպես մարզիչ աշխատել է ավստրիական երրորդ լիգայի «Վալդհոֆեն/Իբս» ակումբում։ Ավելի ուշ գլխավորել է Վիեննայի «Աուստրիա» ակումբի պատանեկան թիմը, իսկ 2011 թվականի դեկտեմբերից մինչև 2012 թվականի հունիս եղել է «Աուստրիայի» առաջին թիմի գլխավոր մարզիչը։ Ներկայում գլխավորում է «Մատտերսբուրգ» ակումբը։

Ակումբային կարիերա

Իվիցա Վաստիչն իր ֆուտբոլային կարիերայի սկզբում հանդես է եկել «Յուգովինիլ» (ներկայում՝ «ԳՕՇԿ Ադրիախեմ») և «Սպլիտ» ակումբներում։ 1991 թվականին նա տեղափոխվել է Ավստրիա, որտեղ խաղացել է «Ֆյորստ Վիեննու», «Սանկտ Պյոլտեն», «Ադմիրու/Վակկեր» ակումբներում, կարճ ժամանակով մասնակցել է բունդեսլիգային՝ խաղալով «Դույսբուրգ» ակումբի կազմում։

Առավել մեծ հաջողության Իվիցա Վաստիչը հասել է «Շտուրմ» ակումբում, որի կազմում հանդես է եկել 1994-2002 թվականներին։ Այդ ընթացքում նա երկու անգամ հաղթել է Ավստրիայի առաջնությունում, երեք անգամ՝ երկրի գավաթի առաջնությունում։

Իվիցա Վաստիչը մեկ մրցաշրջան անցկացրել է Ճապոնիայում, այնուհետև երկու մրցաշրջան հանդես է եկել Վիեննայի «Աուստրիա» ակումբի կազմում։ Դրանից հետո նա տեղափոխվել է Ավստրիայի երկրորդ դիվիզիոնի «ԼԱՍԿ» ակումբ, որի կազմում խաղալու ընթացքում երկու անգամ անընդմեջ ճանաչվել է դիվիզիոնի լավագույն ռմբարկու, իսկ 2006/07 մրցաշրջանում ակումբի հետ շահել է Ավստրիայի բունդեսլիգայի ուղեգիր։ 2007/08 մրցաշրջանում Իվիցա Վաստիչը 32 խաղերում խփել է 13 գոլ և ճանաչվել ակումբի լավագույն ռմբարկու։ 2009 թվականի ամռանը նա 39 տարեկան հասակում ավարտել է խաղացողի կարիերան^[3]։

2011 թվականի դեկտեմբերին Իվիցա Վաստիչը դարձել է «Աուստրիա» ակումբի գլխավոր մարզիչ^[4]։

Կարիերան հավաքականում

1996 թվականին Իվիցա Վաստիչն ստացել է Ավստրիայի քաղաքացիություն և ընդգրկվել երկրի ազգային հավաքականի կազմում։ 1998 թվականի աշխարհի առաջնությունում նա հավաքականի կազմում մասնակցել է բոլոր երեք խաղերին և խփել մեկ գոլ։ Մինչ 2005 թվականը նա մասնակցել է 46 խաղի և խփել 12 գոլ, ինչից հետո հայտարարել է միջազգային կարիերան ավարտելու մասին։

2008 թվականին նա որոշել է կրկին միանալ Ավստրիայի հավաքականին և մասնակցել Եվրոպայի առաջնությանը, որ անցկացվելու էր Ավստրիայում։ Վաստիչը խփել է Ավստրիայի առաջին գոլը Եվրոպայի առաջնության վերջին փուլում. այն դարձել է «ամենածեր» մասնակցի գոլը տվյալ առաջնության պատմության մեջ (Իվիցա Վաստիչի տարիքն այդ ժամանակ կազմում էր 38 տարի և 257 օր)^[3]։ Ավստրիայի հավաքականի կազմում Իվիցա Վաստրիչն անցկացրել է ընդհանուր առմամբ 50 հանդիպում, որոնց ընթացքում խփել է 14 գոլ։

Անձնական կյանք

Իվիցա Վաստիչն ու նրա կինը՝ Աննան, ունեն երեք երեխա։ Նրանց ավագ որդին՝ Անտոնը, ֆուտբոլիստ է, հանդես է գալիս Ավստրիայի մինչև 21 տարեկանների հավաքականում։ Նա խփել է Ավստրիայի հավաքականի միակ և հաղթական գոլը Ուկրաինայի հավաքականի դեմ խաղում, որ անկացվում էր 2013 թվականին Վալերի Լոբանովսկու հիշատակին նվիրված առաջնության շրջանակներում։

Ձեռքբերումներ

Ավստրիայի չեմպիոն - 1997/98, 1998/99
Ավստրիայի գավաթի գավաթակիր - 1996, 1997, 1999, 2005
Ավստրիայի սուպերգավաթի գավաթակիր - 1996, 1998, 1999
Ավստրիայի տարվա ֆուտբոլիստ - 1995, 1998, 1999, 2007
Ավստրիայի բունդեսլիգայի լավագույն ռմբարկու - 1996, 2000
Ավստրիայի երկրորդ բունդեսլիգայի հաղթող - 2007
Ավստրիայի երկրորդ բունդեսլիգայի լավագույն ռմբարկու - 2006, 2007

Ելույթների վիճակագրություն

**Կարիերա**
Առաջնություն	Մրցաշրջան	Խաղեր	Գոլեր
Ավստրիայի հավաքական	1996-2008	50	14
Եվրագավաթներ	1995-2005	42	9
Բունդեսլիգա	1991-2002, 2003-2005, 2007-2009	453	188
Բունդեսլիգա	1993-1994	10	0
Ջեյ լիգա	2002-2003	27	13
Ավստրիայի գավաթ	1991-2002, 2003-2009	13	10
Առաջին լիգա	2005-2007	62	42
Երկրորդ լիգա	1989-1991	22	5
Ընդհանուր	1990-2009	679	281

Ծանոթագրություններ

↑ Transfermarkt.com(բազմ․) — 2000.
↑ FBref.com(բազմ․)
↑ ^3,0 ^3,1 Austrian Vastic to retire at 39
↑ ««Аустрию» возглавил Вастич». Футбол на Куличках. 2011 թ․ դեկտեմբերի 22. Արխիվացված օրիգինալից 2012 թ․ մարտի 15-ին. Վերցված է 2011 թ․ դեկտեմբերի 22-ին.

Արտաքին հղումներ

Վիքիպահեստն ունի նյութեր, որոնք վերաբերում են «Իվիցա Վաստիչ» հոդվածին։

[_3d4addcd0daafddd-1] Transfermarkt.com(բազմ․) — 2000.

[_bbcb1bb5bc5d0e61-2] FBref.com(բազմ․)

[Վաստիչ-3] 3,0 ^3,1 Austrian Vastic to retire at 39

[4] ««Аустрию» возглавил Вастич». Футбол на Куличках. 2011 թ․ դեկտեմբերի 22. Արխիվացված օրիգինալից 2012 թ․ մարտի 15-ին. Վերցված է 2011 թ․ դեկտեմբերի 22-ին.

[1]

[2]

[3]

[4]