Լեմուել Ուիլմարթ
Լեմուել Ուիլմարթ (անգլ.՝ Lemuel Everett Wilmarth, նոյեմբերի 11, 1835[1][2], Էթլբորո, Բրիստոլ շրջան, Մասաչուսեթս, ԱՄՆ - հուլիսի 27, 1918, Բրուքլին, Նյու Յորք, Նյու Յորք, ԱՄՆ[3][4]), ամերիկացի նկարիչ և մանկավարժ։ Նյու Յորքի ուսանող նկարիչների լիգայի հիմնադիր և Դիզայնի ազգային ակադեմիայի անդամ, պրոֆեսոր, եղել է XIX դարի վերջի արվեստի ամենահարգված ուսուցիչներից մեկը, դասավանդել է շատ նկարիչների։
Լեմուել Ուիլմարթ | |
|---|---|
 | |
| Ծնվել է | նոյեմբերի 11, 1835[1][2] |
| Ծննդավայր | Էթլբորո, Բրիստոլ շրջան, Մասաչուսեթս, ԱՄՆ |
| Վախճանվել է | հուլիսի 27, 1918 (82 տարեկան) |
| Մահվան վայր | Բրուքլին, Նյու Յորք, Նյու Յորք, ԱՄՆ[3][4] |
| Քաղաքացիություն | .svg){kind=small} ԱՄՆ |
| Կրթություն | Պենսիլվանիայի գեղարվեստի ակադեմիա |
| Մասնագիտություն | նկարիչ և արվեստագետ |
| Թեմաներ | գեղանկարչություն |
| Ուսուցիչ | Wilhelm von Kaulbach? և Ժան Լեոն Ժերոմ |
| Աշակերտներ | Թոմալ Փոլոք Անշութց |
 Lemuel Wilmarth Վիքիպահեստում | |
Կենսագրություն
խմբագրելԾնվել է 1835 թվականի նոյեմբերի 11-ին, Մասաչուսեթս նահանգի Էտլբորո քաղաքում, Բենոն Ուիլմարթի և Ֆաննա Ֆուլերի ընտանիքում։ Մեծացել և նախնական կրթությունը ստացել է Բոստոնում, տիրապետել է ժամագործի մասնագիտությանը։
1854 թվականից Լեմուելը նկարչական կրթություն է ստացել Փենսիլվանիայի գեղեցիկ արվեստների ակադեմիայում (Ֆիլադելֆիա, Փենսիլվանիա նահանգ)։ Այնուհետև 1858 թվականին տեղափոխվել է Եվրոպա և այնտեղ շարունակել ուսումը Մյունխենի թագավորական ակադեմիայում` ուսանելով Վիլհելմ ֆոն Կաուլբախի մոտ (1859-1863 թթ.), ինչպես նաև սովորել է Փարիզի արվեստի դպրոցում` լինելով Ժան Լեոն Ժերոմի աշակերտը։
Ուիլմարթի մանկավարժական կարիերան սկսվել է 1867 թվականին, Նյու Յորքի Բրուքլինի դիզայնի ակադեմիայում։ 1870 թվականին նրան առաջարկում են գլխավորել Դիզայնի ազգային ակադեմիայի դպրոցը, որի անդամն էր 1871 թվականի մայիսից։ Նույն տարում Ուիլմարթը հրավիրվում է աշխատելու Եյլի համալսարանում` որպես արվեստի պրոֆեսոր, բայց նա նախընտրում է մնալ Դիզայնի ազգային ակադեմիայում, որտեղ 1873 թվականի մայիսին ընտրվել է ակադեմիկոս։ 1892 թվականին հիվանդությունը Ուիլմարթին ստիպում է հրաժարական տալ, նա կորցնում է տեսողությունը, սակայն շարունակում է զբաղվել հասարարական գործունեությամբ։ Նրա տունը` «Sunny Crest»-ը գտնվում էր Նյու Յորքում` Մարլբորոյի շրջանում, Հուդզոն գետի վրա։ Ուիլմարտի տան և նկարների մի մասը ոչնչացել են հրդեհից։
Լեմուել Ուիլմարթը մահացել է 1918 թվականի հուլիսի 27-ին, Բրուքլինում, թաղված է բրունքլինյան Գրին Վուդ գերեզմանատանը[5]։ 1872 թվականից ամուսնացած է եղել Էմմա Բարեթի հետ (անգլ.՝ Emma Belinda Barrett)[6], ով մահացել է 1895 թվականի մարտի 8-ին, 62 տարեկանում։ Երեխաներ չեն ունեցել։
Ծանոթագրություններ
խմբագրել- ↑ 1,0 1,1 RKDartists (նիդերլ.)
- ↑ 2,0 2,1 Benezit Dictionary of Artists — OUP, 2006. — ISBN 978-0-19-977378-7
- ↑ 3,0 3,1 3,2 https://rkd.nl/explore/artists/103033
- ↑ 4,0 4,1 4,2 Գերմանիայի ազգային գրադարանի կատալոգ (գերմ.)
- ↑ Lemuel Everett Wilmarth(անգլ.)
- ↑ Emma Wilmarth(անգլ.)
Արտաքին հղումներ
խմբագրել- Lemuel Everett Wilmarth(անգլ.)
- Wilmarth Lemuel Everett — The National Cyclopedia(անգլ.)
- Lemuel Everett Wilmarth Oil Paintings(անգլ.)
 | Վիքիպահեստն ունի նյութեր, որոնք վերաբերում են «Լեմուել Ուիլմարթ» հոդվածին։ |