Լեոն Ջեքսոն

Լեոն Ջեքսոն (անգլ.՝ Leon Jackson, դեկտեմբերի 30, 1988(1988-12-30), Ուիթբըրն, Ուեսթ Լոտիան, Լոթիան, Շոտլանդիա, Միացյալ Թագավորություն), շոտլանդացի երգիչ, երգերի հեղինակ։ Հայտնի որպես «Իքս Ֆակտոր» տաղանդների շոուի չորրորդ սեզոնի հաղթող։

Լեոն Ջեքսոն
Ծնվել է	դեկտեմբերի 30, 1988(1988-12-30) (35 տարեկան) Ուիթբըրն, Ուեսթ Լոտիան, Լոթիան, Շոտլանդիա, Միացյալ Թագավորություն
Երկիր	Շոտլանդիա և  Միացյալ Թագավորություն
Ժանրեր	փոփ և ջազ
Մասնագիտություն	երգիչ, ջազ երաժիշտ և ստուդիական երաժիշտ
Գործիքներ	վոկալ
Լեյբլ	Sony Music և Sony-BMG?
Կայք	leonjacksonmusic.com
Leon Jackson Վիքիպահեստում

Կենսագրություն

Լեոն Ջեքսոնը դարձել է "The X-Factor" շոուի հաղթողը 2007 թվականին, նրա ուսուցիչն է եղել հայտնի երգչուհի Դաննի Մինոուգը։ Այդ սեզոնը Դաննի համար որպես ժյուրի առաջին էր, և նա եղել է առաջին կին ժյուրին "The X-Factor" հաղորդումում, ում աշակերտը հաղթել է մրցույթում։

Ջեքսոնի համար մրցանակը եղավ Sony BMG ձայնագրման լեյբլի հետ պայմանագիրը։ Վերջինիս գործման ընթացքում Լեոնը հասցրել է թողարկել երեք սինգլ, որոնցից առաջինը գլխավորել է Բրիտանիայի և Իռլանդիայի ազգային հիթ֊շքերթները։ Առաջնաելույթային ալբոմը "Right Now" անվանումով ստացել է «Ոսկե» կարգավիճակ Մեծ Բրիտանիայում և «Պլատինե»՝ Իռլանդիայում։ Միայն թե 2009 թվականի մարտին Sony BMG դադարեցրել է համագործակցությունը Ջեքսոնի հետ։ ՆԵրկա պահին երիտասարդ երաժիշտը գտնվում է նոր պայմանագրի փնտրտուքներով և պատրաստվում է թողարկել նոր սկավառակ։

Կյանքը մինչ X-Factor

Լեոն Ջեքսոնը ծնվել է Ուիտբուրնում՝ Արևմտյան Լոտիանայում գտնվող փոքր քաղաքում։ Մինչ կսկսեր իր երգչի կարիերան նա աշխատել է Gap ռետեյլերի տարբեր առևտրային ընկերություններում։ Նրա այդոլն է եղել ջազ երգիչ Մայքլ Բուբլեն։ Մինչ X-Factor-ի առաջնաելույթը, Լեոնը պատրաստվում էր ընդունվել Էդինբուրգի համալսարանի ճարտարապետության ֆակուլտետ։

The X-Factor (2007)

2007 թվականին Լեոն Ջեկոսոնը մասնակցել է հայտնի "The X-Factor" տաղանդների շոուի նախընտրական լսումներին։ Ջեքսոնին ժպտաց հաջողությունը, բոլոր չորս ժյուրիները հավանություն տվեցին նրան։ Շոուի ընթացքում նրա ուսուցիչն է եղել Դաննի Մինոուգը։ Երիտասարդը հաջողությամբ հասնում է մինչև եզրափակից փուլ, որտեղ զուգերգ է կատարել Դաննի քրոջ՝ Քայլի Մինոուգի հետ։ Դիտողների քվեարկության արդյունքում նա դարձել է չորրորդ եթերաշրջանի հաղթողը և ստացել է գլխավոր մրցանակը՝ միլիոնանոց պայմանագիր Syco ձայնագրման ընկերության հետ։

Ըստ մի շարք կարծիքների՝ Ջեքսոնի հաղթանակը եղել է ամենազարմանալի հաղթանակներից մեկը հեռուստատեսության պատմության մեջ։ Ավելի ուշ X-Factor-ի ժյուրիներից մեկը՝ Լուիս Վոլշը նշել է, որ երիտասարդը հաղթել է ձայների 10 % բեկումով։

2008 թվականի փետրվարի 11-ին Լեոնը չորրորդ սեզոնի այլ մասնակիցների հետ միասին մեկնել է շրջագայության Մեծ Բրիտանիայով։

Ինքնուրույն կարիերա

Լեոն Ջեքսոնը որպես հյուր հայտնվել է The X-Factor-ի հինգերորդ սեզոնի առաջին շոուում։ Բեմի վրա նա կատարել է "Don't Call This Love" երգը, իր առաջնաելույթային "Right Now" ալբոմից։ Երրորդ և վերջին սինգլն է դարձել "Stargazing"-ը։

2009 թվականի մարտին Sony BMG ընկերությունը հայտնել է, որ դադարեցնում է համագործակցությունը երիտասարդ երգչի հետ։ Լեոնը ցանկություն է հայտնել թողարկել նոր սկավառակ, որը կցանկանար, որ լիներ ավելի ակուստիկ, ոչ այնքան ջազային, որքան նրա առաջին "Right Now" ալբոմն էր։ 2010 թվականի մայիսին նա այց է կատարել Լոս Անջելես, որտեղ հանդիպել է պրոդյուսերների և կոմպոզիտորների հետ, ովքեր պետք է նրան օգնեն երգերը ձայնագրելու հարցում։

Սկավառակագրություն

Ալբոմներ

Թվական	Ալբոմ	Ամենաբարձր հորիզոնականը		Ստատուս	Վաճառքներ
		UK	IRE
2008	Right Now Թողարկվել է՝ 20 հոկտեմբերի 2008 Ժանր ՝ Փոփ երաժշտություն, Ջազ, Սոուլ Լեյբլ՝ Sony BMG Ձևաչափ՝ CD, թվային	4	7	UK-Ոսկե IRE- Պլատինե	UK- 130,000+ IRE- 15,000+

Սինգլներ

Թվական	Սինգլ	Ամենաբարձր հորիզոնական			Ալբոմ
		UK	IRL	EU
2007	"When You Believe"	1	1	4	Right Now
2008	"Don't Call This Love"	3	8	10
	"Creative"	94	—	—
2009	"Stargazing"	—	—	—

Արտաքին հղումներ

• Official Website Արխիվացված 2014-10-24 Wayback Machine
• Լեոն Ջեքսոն Internet Movie Database կայքում

Վիքիպահեստն ունի նյութեր, որոնք վերաբերում են «Լեոն Ջեքսոն» հոդվածին։