Լուիզիանա նահանգի Կապիտոլիում
Լուիզիանա նահանգի Կապիտոլիում (անգլ.՝ Louisiana State Capitol, ֆր.՝ Capitole de l'Etat de Louisiane), Լուիզիանա նահանգի օրենսդիր ժողովի շենք, որը գտնվում է Բաթոն Ռուժում։ Կառույցում գտնվում է նահանգի օրենսդիր մարմինը, մարզպետարանը, ինչպես նաև ծառայությունների մի մասը։
 | |
| Տեսակ | երկնաքեր և կապիտոլիում |
| Երկիր | ԱՄՆ |
| Տեղագրություն | Բաթոն Ռուժ |
| Ճարտարապետական ոճ | Art Deco architecture?[1] |
| Հարկեր | 34 |
| Սեփականատեր | Լուիզիանա |
| Հիմնադիր | Հյուի Լոնգ |
| Ճարտարապետ | Leon C. Weiss? |
| Ժառանգության կարգավիճակ | ԱՄՆ-ի ազգային պատմական հուշարձաններ և Վայր՝ ԱՄՆ պատմական վայրերի ազգային ցանկից[1] |
 | |
 | |
Կապիտոլիումի բարձրությունը 137 մետր է, իսկ հարկերի քանակը՝ 34: Շինարարության ժամանակ դա ԱՄՆ-ի օրենսդիր ժողովի ամենաբարձր շենքն էր, ամենաբարձր շենքը Բաթոն Ռուժում և բարձրությամբ յոթերորդն էր Լուիզիանայում։ Կապիտոլիումը զբաղեցնում է 110 000 մ² տարածք, շուրջը ձգվում է զբոսայգի։
Կառույց
խմբագրելԼուիզիանայի կապիտոլիումը ճանաչվել է ԱՄՆ-ի ազգային պատմական հուշարձան։
Շենքը զարդարված է Լուիզիանայի և ԱՄՆ-ի պատմական քանդակներով։ Կենտրոնական մուտքի մոտ, քարի վրա փորագրված են Ռոբերտ Լիվինգսթոնի բառերը, «Մենք ապրում էինք երկար ժամանակ, բայց սա մեր ամբողջ կյանքի ամենաազնիվ աշխատանքն է։ Միացյալ նահանգները դասվում է աշխարհի առաջին տերությունների շարքում»:[2]
Կապիտոլիումի մուտքի մոտ գտնվում է ԱՄՆ-ի բոլոր նահանգների անվանումներով սանդուղքը։ Առաջին 13 աստիճանները 13 նահանգներն են, որոնք ստեղծում են պետությունը և առանձնացված են մի փոքր հարթակով։ Դրա հետևում աստիճանն է, որը խորհրդանշում է ԱՄՆ-ի մնացած 48 նահանգները։ 49-րդ և 50-րդ նահանգները՝ Ալյասկան և Հավային, նահանգի կարգավիճակ ստացան 1959 թվականին, այդ ժամանակ Կապիտոլիումի շինարարաությունն արդեն ավարտվել էր։
Նախագծի պատմություն
խմբագրելԿապիտոլիումի շինարարության նախաձեռնությունը պատկանում էր Հյուի Լոնգին։ Նախընտրական քարոզարշավի ժամանակ, 1928 թվականին Լոնգը առաջարկել է մոդեռն ոճով նոր շենք կառուցել նահանգի օրենսդիր ժողովների համար հին` 1847 թվականից գործող շենքի փոխարեն։
Շինարարությունը սկսվել է 1930 թվականին և ավարտվել է 1932 թվականին, 27 ամիս հետո, ընդ որում ծախսելով 5 մլն $:
1935 թվականի սեպտեմբերին սենատոր Լոնգը Կապիտոլիումի վրա հարձակման հետևանքով մահացու հրազենային վնասվածք է ստանում։ Կապիտոլիումի պատերին մինչ այսօր պահպանվել են փամփուշտի հետքերը։ Սենատոր Լոնգը վիրավորվելուց երկու օր անց մահացել է, իսկ նրա մարմինը թաղված է Կապիտոլիումի այգում։
Կապիտոլիումի նախագծի մշակման համար Լոնգը պայմանագիր էր կնքել Նոր Օռլեանի ճարտարապետական ընկերությունների հետ՝ Վեյս (անգլ.՝ Weiss), Դրեյֆուս և Սեյֆերս (անգլ.՝ Dreyfous and Seiferth): Նրանք որպես մոդել վերցրել էին Նեբրասկա նահանգի Կապիտոլիումը` Բերտրամո Գուդհյուի նախագիծը (անգլ.՝ Bertram Goodhue), սակայն այն ավելի ժամանակակից դարձրեցին և ամենին հաղորդեցին դինամիկա և հզորություն։
Կապիտոլիումի շենքը կարելի է տեսնել «Թագավորի ողջ թիկնազորը» ֆիլմում, որը նկարահանվել է Ռոբերտ Փեն Ուորենի վեպի մոտիվներով։
Ծանոթագրություններ
խմբագրել- ↑ 1,0 1,1 ԱՄՆ-ի պատմական վայրերի ազգային գրանցիչ — 1966.
- ↑ «The Louisiana State Capitol Building». Արխիվացված է օրիգինալից 2013 թ․ նոյեմբերի 23-ին. Վերցված է 2017 թ․ սեպտեմբերի 12-ին.
Արտաքին հղումներ
խմբագրել- Капитолий штата Луизиана Արխիվացված 2013-11-23 Wayback Machine
- Национальный регистр исторических памятников США Արխիվացված 2014-04-13 Wayback Machine
- История строительства Արխիվացված 2008-10-23 Wayback Machine Капитолия штата Луизиана
- Мемориал губерантора Хью Лонга
- Baton-Rouge-Guide.com Արխիվացված 2009-10-14 Wayback Machine photos and a review of a visit to the state captiol
- Additional Louisiana State Capitol Information
Տես նաև
խմբագրել | Վիքիպահեստն ունի նյութեր, որոնք վերաբերում են «Լուիզիանա նահանգի Կապիտոլիում» հոդվածին։ |