Լևոն Շահվերդյան
քաղաքական գործիչ
- Վիքիպեդիայում կան հոդվածներ Շահվերդյան ազգանունով այլ մարդկանց մասին։
Լևոն Դավիթի Շահվերդյան (հոկտեմբերի 17, 1950, Թբիլիսի, Վրացական ԽՍՀ, ԽՍՀՄ), Հայաստանի պետական գործիչ, Հայաստանի էներգետիկայի և բնական պաշարների նախարարի տեղակալ։
| Լևոն Շահվերդյան | |
|---|---|
| Ծնվել է | հոկտեմբերի 17, 1950 (74 տարեկան) |
| Ծննդավայր | Թբիլիսի, Վրացական ԽՍՀ, ԽՍՀՄ |
| Քաղաքացիություն |  ԽՍՀՄ և  Հայաստան |
| Կրթություն | ՀԱՊՀ |
| Գիտական աստիճան | գիտությունների թեկնածու |
| Մասնագիտություն | քաղաքական գործիչ |
| Կուսակցություն | Հայաստանի Հանրապետական կուսակցություն |
| Պարգևներ և մրցանակներ |  |
Կրթություն
խմբագրել- 1967-1972 թթ. - սովորել և ավարտել է Հայաստանի ազգային պոլիտեխնիկական համալսարանի արդյունաբերական և քաղաքացիական շինարարության ֆակուլտետը՝ ինժեներ-շինարարի որակավորմամբ։
- 1981 թ. ավարտել է Մոսկվայի Պլեխանովի անվան ժողովրդական տնտեսության ինստիտուտի ասպիրանտուրան։
Աշխատանքային գործունեությունը
խմբագրել- 1972-1974 թթ. - աշխատել է «Աբովյանշին» տրեստում որպես աշխատակազմի ավագ ճարտարագետ։
- 1974-1980 թթ. - աշխատել է Երևանի Կ. Մարքսի անվան պոլիտեխնիկական ինստիտուտում որպես շինարարության ամբիոնի ասիստենտ։
- 1980-1984 թթ. - ՀԿԿ Շահումյանի շրջկոմի արդյունաբերության և տրանսպորտի բաժնի հրահանգիչ։
- 1984-1985 թթ. - «Երևանշին» արտադրական շինմոնտաժային միավորման պետի տեղակալ։
- 1985-1987 թթ. - ՀԿԿ Մաշտոցի շրջկոմի արդյունաբերության և տրանսպորտի բաժնի պետ։
- 1987-1988 թթ. - ՀԿԿ կենտկոմի շինարարության բաժնի հրահանգիչ։
- 1988-1989 թթ. - ՀԽՍՀ Պետշինի գլխավոր վարչության պետի տեղակալ։
- 1989-1990 թթ. - ՀԿԿ կենտկոմի ագրարային բաժնի հրահանգիչ։
- 1990-1991 թթ. - «Պրոմեթևս» բաժնետիրական ընկերության նախագահի տեղակալ։
- 1991-1992 թթ. - «Արմինէկս» ասոցիացիայի փոխնախագահ։
- 1992-1996 թթ. - Երքաղխորհրդի գործկոմի կապիտալ շինարարության գլխավոր վարչության պետի տեղակալ, ապա՝ պետ։
- 1996-1997 թթ. - Երևանի քաղաքապետարանի շինարարության բաժնի վարիչ։
- 1997 թ. - «Գյուղատնտեսական մեծածախ շուկա» ՓԲԸ գործադիր տնօրենի տեղակալ։
- 1997-1998 թթ. - «Երևանի էլեկտրացանց» ՓԲԸ փոխտնօրեն։
- 1998-1999 թթ. - «Երևանգազ» ՊՓԲԸ տնօրեն։
- 1999 թ. - Էներգապետհսկողության գլխավոր վարչության պետի տեղակալ։
- 1999-2001 թթ. - «ՀայՌուսգազարդ» ՓԲԸ «Գազաբաշխիչ» ՍՊԸ-ի տնօրեն, ապա՝ կապիտալ շինարարության վարչության պետ։
- 2001 թ. - Երևանի քաղաքապետարանի քարտուղար։
- 2001 թ. Հայաստանի վարչապետի որոշմամբ նշանակվել է Հայաստանի էներգետիկայի նախարարի տեղակալ։
- 2004-2005 թթ. - համատեղությամբ եղել է «Պետպոլիմեր» ՍՊԸ գլխավոր տնօրեն, «Նաիրիտ գործարան» ՓԲԸ կառավարիչ։
- 2008 թ. հուլիսի 17-ին Հայաստանի վարչապետի որոշմամբ նշանակվել է Հայաստանի էներգետիկայի և բնական պաշարների նախարարի տեղակալ՝ ազատվելով Հայաստանի էներգետիկայի նախարարի տեղակալի պաշտոնից[1]։
Պարգևներ
խմբագրել- Անանիա Շիրակացու մեդալ։
- Հայաստանի վարչապետի շնորհակալագիր։
Հայաստանի Հանրապետական կուսակցության անդամ։ Ամուսնացած է, ունի երկու զավակ։