Լև Կուլիջանով
Լև Ալեքսանդրի Կուլիջանով (Կուլիջանյան), (մարտի 19, 1924[1][2][3], Թիֆլիս, ԱԽՖՍՀ, ԽՍՀՄ[1] - փետրվարի 17, 2002, Մոսկվա, Ռուսաստան), ազգությամբ հայ խորհրդային կինոռեժիսոր, ԽՍՀՄ ժողովրդական արտիստ (1976 թ.)։
| Լև Կուլիջանով | |
|---|---|
| Ի ծնե անուն՝ | Лев Кулиджанов |
| Ծննդյան թիվ՝ | մարտի 19, 1924[1][2][3] |
| Ծննդավայր՝ | Թիֆլիս |
| Վախճանի թիվ՝ | փետրվարի 17, 2002 (77 տարեկան) |
| Վախճանի վայր՝ | Մոսկվա, Ռուսաստան |
| Երկիր՝ | ԽՍՀՄ |
| Ազգություն՝ | հայ |
| Քաղաքացիություն՝ |  ԽՍՀՄ,  Ռուսաստան |
| Մասնագիտություն՝ | Կինոռեժիսոր |
| Կարիերա՝ | 1955-1994 թթ. |
| Ուղղություն՝ | Սոցիալիստական ռեալիզմ |
| Պարգևներ՝ |          և  |
| IMDb։ | ID 0474528 |
Կենսագրություն
խմբագրելԱվարտել է Կինեմատոգրաֆիայի համամիութենական ինստիտուտի ռեժիսորական ֆակուլտետը (1955 թ., Սերգեյ Գերասիմովի արվեստանոց)։ Կինոյում առաջին աշխատանքը (Հենրիկ Հովհաննիսյանի հետ) «Տիկնայք» ֆիլմն է (1954, ըստ Անտոն Չեխովի)։ 1956 թվականին, ռեժիսոր Յակով Սեգելի համագործակցությամբ, ստեղծել է «Դա այսպես սկսվեց...», 1957 թվականին՝ «Տունը, որտեղ ես ապրում եմ» կինոնկարները։ Այնուհետև նկարահանել է «Հայրական տուն» (1959), «Երբ ծառերը մեծ էին» (1962)։ Կուլիջանովի կինոնկարներին հատուկ է քնարականությունը, հավաստիությունը, հերոսների բարոյական գեղեցկությունը, նուրբ հումորը։ Ռեժիսորի ստեղծագործության մեջ հատուկ տեղ է գրավում «Կապույտ տետրակ» ֆիլմը (1964), ուր վերստեղծված է Վլադիմիր Լենինի կերպարը։ 1970 թվականին էկրանավորել է Ֆեոդոր Դոստոևսկու «Ոճիր և պատիժ» վեպը։
1964-1965 թթ. եղել է ԽՍՀՄ կինեմատոգրաֆիայի աշխատողների միության կազմկոմիտեի նախագահը, 1965 թվականից՝ ԽՍՀՄ կինեմատոգրաֆիստների վարչության առաջին քարտուղար։ ԽՄԿԿ XXIII և XXIV համագումարներում ընտրվել է ԽՄԿԿ կենտրոնական վերստուգիչ հանձնաժողովի անդամ։ Եղել է ԽՍՀՄ VII-VIII գումարումների Գերագույն խորհրդի պատգամավոր։ Արժանացել է ՌԽՖՍՀ պետական մրցանակի (1971)։
Պարգևներ
խմբագրելՊարգևատրվել է Լենինի շքանշանով։
Ծանոթագրություններ
խմբագրել- ↑ 1,0 1,1 1,2 1,3 Кулиджанов Лев Александрович // Большая советская энциклопедия (ռուս.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.
- ↑ 2,0 2,1 filmportal.de — 2005.
- ↑ 3,0 3,1 Bibliothèque nationale de France data.bnf.fr (ֆր.): տվյալների բաց շտեմարան — 2011.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 5, էջ 716)։ 
|