Խաչեն (համայնք)

Անվան այլ կիրառումների համար տե՛ս՝ Խաչեն (այլ կիրառումներ)

Խաչեն, գյուղական համայնք Արցախի Հանրապետության Ասկերանի շրջանում։ Տեղաբաշխված է հանրապետության հյուսիս֊արևելյան հատվածում։ Ասկերան շրջկենտրոնից գտնվում է 21 կմ հեռավորության վրա, իսկ մայրաքաղաք Ստեփանակերտից՝ 26 կմ հեռավորության վրա։

Գյուղ
Խաչեն
Երկիր	Արցախ
Շրջան	Ասկերան
Համայնք	Խոջալուի շրջան և Ասկերանի շրջան
Մակերես	1894.2 կմ²
ԲԾՄ	958 մետր
Պաշտոնական լեզու	Հայերեն
Բնակչություն	332 մարդ (2015)
Ազգային կազմ	Հայեր
Կրոնական կազմ	Հայ Առաքելական եկեղեցի
Ժամային գոտի	UTC+4
Խաչեն (համայնք) (Լեռնային Ղարաբաղի Հանրապետություն)
Խաչեն Վիքիպահեստում

Աշխարհագրություն

Համայնքը լեռնային է, ունի 1894.2 հա տարածք, որից 898.33 հա գյուղատնտեսական նշանակության, 924.96 հա անտառային հողեր։ Խաչեն համայնքի սահմանային գոտով հոսում է Քոլատակ գետի վտակը։

Բնակչություն

Խաչեն համայնքի բնակչության թվաքանակը կազմում է 332 մարդ, կա 102 տնտեսություն։

Բնակավայրի ազգաբնակչության փոփոխությունը.

Տարի	2008	2009	2010
Բնակիչ	360	349	334

Տնտեսություն

Բնակչությունը հիմնականում զբաղվում է գյուղատնտեսությամբ՝ անասնապահությամբ և հողագործությամբ։

Տեսարժան վայրեր

Կան պատմամշակույթային հուշարձաններ՝ Սբ.Հովհաննես եկեղեցի (19-րդ դ.), Պտկես բերք վանք (13-17 դդ.), Սբ. Ստեփանոս եկեղեցի (13-րդ դ.), խաչքար (12-13 դդ.), գյուղատեղի (18-րդ դ.), Կաչաղակաբերդ ամրոց (12-13 դդ.), հաշվառված է 34 հուշարձան։

Հասարարակական կառույցներ

Համայնքում գործում են գյուղապետարան, մշակույթի տուն, բուժկետ, միջնակարգ դպրոց, որտեղ սովորում են 45 աշակերտներ, ունի 1 պետական մանկապարտեզ, որտեղ հաճախում են 15 երեխաներ։

Արտաքին հղումներ

• Հակոբ Ղահրամանյան, ՏԵՂԵԿԱՏՈւ Լեռնային Ղարաբաղի Հանրապետության վարչատարածքային միավորների սոցիալ-տնտեսական բնութագրերի, Երևան, Ճարտարագետ, 2015 թ..