Խաչիկ Հակոբյան

Վիքիպեդիայում կան հոդվածներ Հակոբյան ազգանունով այլ մարդկանց մասին։

Խաչիկ Վանուշի Հակոբյան (հունվարի 24, 1982(1982-01-24), Երևան, Հայկական ԽՍՀ, ԽՍՀՄ), ՀՀ պետական գործիչ, ՀՀ բնապահպանության նախարարի տեղակալ։

Խաչիկ Հակոբյան
Ծնվել է	հունվարի 24, 1982(1982-01-24) (42 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	Հայաստան
Կրթություն	Հայաստանի ազգային ագրարային համալսարան
Մասնագիտություն	քաղաքական գործիչ
Աշխատավայր	Հայաստանի բնապահպանության նախարարություն
Կուսակցություն	Հայաստանի Հանրապետական կուսակցություն

Կրթություն

• 1988-1995 թթ. - սովորել է Երևանի թիվ 176 միջնակարգ դպրոցում։
• 1995-1997 թթ. - սովորել է Երևանի «Քվանտ» վարժարանում։
• 1997-1998 թթ. - սովորել և ավարտել է Հայկական գյուղատնտեսական ակադեմիայի հենակետային վարժարանում։
• 1998-2003 թթ. - սովորել և գերազանցությամբ ավարտել է Հայկական գյուղատնտեսական ակադեմիայի անասնաբուժական բժշկագիտության ֆակուլտետը։
• 2003-2006 թթ. - սովորել և ավարտել է Հայկական գյուղատնտեսական ակադեմիայի ասպիրանտուրան։
• 2007-2009 թթ. - սովորել և ավարտել է Երիտասարդ առաջնորդների դպրոցը։

Աշխատանքային գործունեություն

• 1999-2003 թթ. - Հայկական գյուղատնտեսական ակադեմիայի ագրոգիտասփյուռ դեպարտամենտի պատանեկան ծրագրերի խորհրդատու։
• 2003-2005 թթ. - Հայկական գյուղատնտեսական ակադեմիայի ագրոգիտասփյուռ դեպարտամենտի պատանեկան ուսուցողական ճամբարների բնապահպանության ուսուցիչ։
• 2004-2005 թթ. - «Անանիա Շիրակացի» ճեմարանի առաջին փոխտնօրեն։
• 2005-2012 թթ. - «Շիրակացի» ճեմարան հիմնադրամի տնօրեն։
• 2012 թ. օգոստոսի 28-ին ՀՀ վարչապետի որոշմամբ նշանակվել է ՀՀ բնապահպանության նախարարի տեղակալ։
• 2013 թվականից «Խոսրովի անտառ» պետական արգելոց» ՊՈԱԿ խորհրդի նախագահ։

Հասարակական գործունեություն

• 1999 թվականին հիմնադրել և ղեկավարում է «Բնապահպան տնտեսագետների երիտասարդական միություն» հասարակական կազմակերպությունը։
• 2003-2008 թթ. - եղել է «Կանաչ դար» պատանեկան բնապահպանական ակումբի ղեկավար։
• 2004 թվականից «Ճեմարանականների միություն» հասարակական կազմակերպության նախագահն է։
• 2008 թվականից - Երիտասարդ առաջնորդների դպրոցի խորհրդի անդամ։
• 2009-2012 թթ. - ՀՀ հանրային խորհրդի Սփյուռքի ենթահանձնաժողովի անդամ։
• 2011 թվականից «Կանաչ մոլորակ» միջազգային բնապահպանական շարժման հայաստանյան ներկայացուցչության խորհրդի անդամ է։

Պարգևներ և կոչումներ

• ՀՀ բնապահպանության նախարարության «Բնապահպանության բնագավառում նշանակալի ավանդի համար» գերատեսչական ոսկե մեդալ (2015)։
• ՀՀ Ազգային ժողովի Պատվո մեդալ (2010)։

Ամուսնացած է։ Հայաստանի Հանրապետական կուսակցության խորհրդի անդամ է։