Ծանրության կենտրոն

Ծանրության կենտրոն, երկրաչափական կետ, որով անցնում է մարմնի բոլոր մասնիկների ծանրության ուժերի համազորը՝ տարածության մեջ մարմնի ցանկացած դիրքում։

Նկարագրություն

Սիմետրիայի կենտրոն ունեցող համասեռ մարմնի ծանրության կենտրոնը համընկնում է այդ կենտրոնի հետ։ Ընդհանուր դեպքում, երբ մարմինը հնարավոր է բաժանել առանձին մասերի, ծանրության կենտրոնի կոորդինատները որոշվում են հետևյալ բանաձևերով՝

$x_{c}={\frac {\sum \limits _{i}p_{i}x_{i}}{\sum \limits _{i}p_{i}}},$ $y_{c}={\frac {\sum \limits _{i}p_{i}y_{i}}{\sum \limits _{i}p_{i}}},$ $z_{c}={\frac {\sum \limits _{i}p_{i}z_{i}}{\sum \limits _{i}p_{i}}},$

որտեղ $p_{i}$-երը մարմնի մասերի ծանրության ուժերն են, իսկ ($x_{i},y_{i},z_{i}$), երը՝ այդ մասերի ծանրության կենտրոնների կոորդինատները։

Ծանրության կենտրոն և իներցիայի կենտրոն հասկացություններն իրարից տարբերվում են նրանով, որ ծանրության կենտրոնն իմաստ ունի միայն համասեռ ձգողության դաշտում գտնվող մարմինների համար։ Իներցիայի կենտրոն հասկացությունը կապված չէ ուժային դաշտ հասկացության հետ և այս իմաստով ավելի ընդհանուր է։ Ծանրության համասեռ ուժային դաշտում գտնվող մարմնի ծանրության կենտրոնն ու իներցիայի կենտրոնը համընկնում են։

Տես նաև

Զանգվածների կենտրոն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 116)։