Կայծեր (թերթ, Լիոն)

Անվան այլ կիրառումների համար տե՛ս՝ Կայծ (այլ կիրառումներ)

«Կայծեր» շաբաթաթերթ, հայալեզու քաղաքական, հասարակական և գրական շաբաթաթերթ։ Լույս է տեսել 1933-1935 թվականներին, Լիոնում։ Խմբագրական կոլեգիա։ Ներկայացրել է Խորհրդային Հայաստանի տնտեսական և մշակութային կյանքը, փորձել աջակցել սփյուռք-հայրենիք կապերի ամրապնդմանը։ Անդրադարձել է բանվորական շարժմանը և գործազրկության խնդրին, ազգայնական կուսակցությունների գործունեությանը, արտացոլել ֆրանսահայերի վիճակը, ՀՕԿ-ի մասնաճյուղերի և հայրենակցական միությունների աշխատանքները, բարձրացրել ներգաղթի հարցը։ «Կայծեր»-ը լուսաբանել է նաև ժամանակի միջազգային իրավիճակը։

Կայծեր ֆր.՝ Gaïdzer
Տեսակ	հանդես
Լեզու	հայերեն
Հիմնադրվել է	օգոստոսի 5, 1933
Երկիր	Ֆրանսիա
Հրատարակման վայր	Լիոն
Լուծարվել է	1935
ISSN	1967-9661

Գրական-գեղարվեստական բաժնում տպագրել է հայ, ռուս խորհրդային և արտասահմանյան հեղինակների գործեր։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 222)։