Կարեն Սիմոնյան (քաղաքական գործիչ)

	Կարեն Սիմոնյան
Դրոշ	ՀՀ ԱԺ 7-րդ գումարման պատգամավոր
2019 հունվարի 14-ից
Կուսակցություն՝	Լուսավոր Հայաստան
Մասնագիտություն՝	քաղաքական գործիչ
Ծննդյան օր	հոկտեմբերի 3, 1988 (36 տարեկան)
Ծննդավայր	Կիրովական, Հայկական ԽՍՀ, ԽՍՀՄ

Վիքիպեդիայում կան հոդվածներ Սիմոնյան ազգանունով այլ մարդկանց մասին։

Կարեն Մանվելի Սիմոնյան (հոկտեմբերի 3, 1988(1988-10-03), Կիրովական, Հայկական ԽՍՀ, ԽՍՀՄ), հայ քաղաքական գործիչ, ՀՀ ԱԺ 7-րդ գումարման պատգամավոր^[1]։ «Լուսավոր Հայաստան» խմբակցության անդամ։

Կենսագրություն

Կարեն Սիմոնյանը ծնվել է 1988 թվականի հոկտեմբերի 3-ին, Վանաձորում^[2]։

Կրթություն

2009 թվականին ավարտել է Երևանի պետական համալսարանի միջազգային հարաբերություններ ֆակուլտետի քաղաքագիտության բաժինը։ 2011 թվականին ավարտել է նույն ֆակուլտետի մագիստրատուրան՝ որպես քաղաքագետ։ 2011 թվականին ավարտել է «Մխիթար Գոշ» հայ-ռուսական միջազգային համալսարանի տնտեսագիտության ֆակուլտետի կառավարման բաժնի մագիստրատուրան։ 2012 թվականին սովորել է Երիտասարդ առաջնորդների դպրոցում։ 2011 թվականից ԵՊՀ միջազգային հարաբերությունների ֆակուլտետի քաղաքական գործընթացների և ինստիտուտների ամբիոնի հայցորդ է։

Աշխատանք

2011 թվականից «Մխիթար Գոշ» հայ-ռուսական միջազգային համալսարանի դասախոս է, 2012-2013 թվականներին եղել է Երևանի պետական պոլիտեխնիկական քոլեջի դասախոս, 2013-2015 թվականներին եղել է Հայաստանի ագրարային համալսարանի դասախոս։ 2013-2019 թվականներին եղել է «Արմաուդիոբուքս» ընկերության հիմնադիր տնօրեն։

2017 թվականին առաջադրվել է ՀՀ ԱԺ պատգամավորի թեկնածու՝ «Ելք» դաշինքի համապետական ցուցակով։ 2017-2018 թվականներին եղել է ԱԺ պատգամավոր Գևորգ Գորգիսյանի օգնականը։ 2018 թվականին ընտրվել է ՀՀ ԱԺ պատգամավոր՝ Լուսավոր Հայաստան կուսակցության համապետական ցուցակով։

Ընտանեկան կարգավիճակ

Ամուսնացած է։

Ծանոթագրություններ

[mfa-1] «ԿԸՀ-ն հաստատեց ԱԺ պատգամավորների անվանացանկը․ ովքեր են լինելու «Լուսավոր Հայաստան» խմբակցության պատգամավորները».

[2] ԱԺ պատգամավոր Կարեն Սիմոնյան

[1]

[2]