Կովկասի ինստիտուտ
Կովկասի ինստիտուտ, գիտահետազոտական և ուղեղային կենտրոն, որը հիմնադրվել է 2002 թվականին Երևանում։ Սկզբում գործել է Կովկասի մեդիա ինստիտուտ անվամբ, իսկ 2008 թվականին
| Կովկասի ինստիտուտ
Caucasus Institute | |
|---|---|
 Գիտահետազոտական և ուղեղային կենտրոն | |
 | |
| Տեսակ | ինստիտուտ |
| Երկիր | Հայաստան |
| Հիմնադրված | 2002 թվական |
| Մայրաքաղաք | Երևան |
| Իրավ. կարգավիճակ | Գործող |
| Գլխադասային գրասենյակ | Չարենցի փ․ 31/4, Երևան, Հայաստան |
| Պաշտ. լեզու(ներ) | հայերեն, ռուսերեն, անգլերեն |
| Հիմնադիր և տնօրեն | Ալեքսանդր Իսկանդարյան |
| Կայք | c-i.am |
| Նախկին անվանում(ներ) | Կովկասի մեդիա ինստիտուտ |
վերանվանվել է Կովկասի ինստիտուտ[1]։ Հայաստանում և տարածաշրջանում վերլուծական, գիտահետազոտական և կրթական առաջատար ինստիտուտներից մեկն է, որը կատարում է կովկասյան
տարածաշրջանի վերաբերյալ հետազոտություններ[2]։
Ամեն տարի ինստիտուտը կազմակերպում է Կովկասյան համաժողով, որը միավորում է Հարավային Կովկասից (Հայաստան, Ադրբեջան, Վրաստան), Ռուսաստանից (ներառյալ Հյուսիսային Կովկասից), Թուրքիայից, ԱՄՆ-ից և ԵՄ-ից փորձագետներին՝ քննարկելու և գնահատելու կովկասյան տարածաշրջանում առկա վիճակը, անցումային գործընթացները և զարգացումները[3]։
Ինստիտուտի հիմնադիր տնօրենն Ալեքսանդր Իսկանդարյանն է[4]։
Պատմություն
խմբագրելԿովկասի ինստիտուտը ստեղծվել է 2002 թվականին մի խումբ մասնագետների կողմից, որոնք տարբեր երկրներում աշխատել էին լրագրության, հասարակական գիտությունների և մեդիայի զարգացման ոլորտներում։ Ինստիտուտը դիրքավորվում է որպես չեզոք և չքաղաքականացված հարթակ՝ տարածաշրջանի քաղաքական և սոցիալական զարգացման հրատապ խնդիրների շուրջ քննարկումների համար։
Ստեղծվել է Շվեյցարիայի զարգացման և համագործակցության գործակալության ֆինանսավորման շնորհիվ։ Ինստիտուտը հետազոտություններ և գիտական աշխատություններ է հրապարակում տարածաշրջանային հարցերի շուրջ։
2004 թվականից կազմակերպությունն իրականացնում է Կովկասյան համաժողովները, որոնց ընթացքում վերլուծվում են նախորդ տարվա տարածաշրջանային իրադարձությունները։ Այս գիտաժողովներին ներկայացված հոդվածները հավաքվում և հրատարակվում են «Կովկասյան տարեգիրք» անունը կրող ռուսալեզու հատուկ մատենաշարով։ Արդեն լույս է տեսել տարեգրքի տասնչորս հատոր։
2008 թվականին ինստիտուտը վերանվանվել է Կովկասի ինստիտուտ, ինչն արտացոլում է կազմակերպության գործունեության բազմազանությունը։
Իր գործունեության ընթացքում, ինչպես Հայաստանի, այնպես էլ Արցախի տարածքում, ինստիտուտն իրականացրել է նաև կրթական մի շարք նախագծեր[5]։
Ինստիտուտը նաև գիտական խորհրդատվություն է տրամադրում տեղական և օտարերկրյա գիտնականներին ու աջակցում գիտական հետազոտությունների իրականացմանը։
Ուսումնասիրության թեմաներ
խմբագրելԿովկասի ինստիտուտի գիտահետազոտական ուսումնասիրությունների թեմաների թվում են՝
- հակամարտությունները,
- փոխակերպումները,
- մեդիա ուսումնասիրությունները,
- Հայաստանում հասարակագիտական ուղղությունները,
- հայ-թուրքական հարաբերությունները,
- գենդերային ուսումնասիրությունները,
- Սփյուռքը, միգրացիան և փոքրամասնությունները[6]։
Գրադարան
խմբագրելԿովկասի ինստիտուտի գրադարանն ստեղծվել է 2002 թվականին՝ կառույցի հիմնադրման հետ միաժամանակ։ Հասանելի է մոտ 5100 անուն գիրք, որոնք ներառում են ոչ միայն ինստիտուտի հրապարակումները, այլև այլ հեղինակների աշխատություններ, այդ թվում՝ հայերեն, անգլերեն, ռուսերեն, ֆրանսերեն և վրացերեն մասնագիտական գրականություն[7]։
Ծանոթագրություններ
խմբագրել- ↑ «Policy Commons». Վերցված է 21 April, 2024-ին.
- ↑ «Մեր Մասին – CAUCASUS INSTITUTE». Վերցված է 2024 թ․ ապրիլի 4-ին.
- ↑ ԴեՊո, ՀԿ. «CSO DePo :: Caucasus Institute». CSO DePo (անգլերեն). Վերցված է 2024 թ․ ապրիլի 7-ին.
- ↑ «Անձնակազմ – CAUCASUS INSTITUTE». Վերցված է 2024 թ․ ապրիլի 21-ին.
- ↑ «Կրթական գործունեություն – CAUCASUS INSTITUTE». Վերցված է 2024 թ․ ապրիլի 4-ին.
- ↑ «Թեմաներ – CAUCASUS INSTITUTE» (ամերիկյան անգլերեն). Վերցված է 2024 թ․ ապրիլի 4-ին.
- ↑ «Գրադարան – CAUCASUS INSTITUTE». Վերցված է 2024 թ․ ապրիլի 4-ին.