Համլետ Հայրապետյան (պետական գործիչ)

Անվան այլ կիրառումների համար տե՛ս՝ Համլետ Հայրապետյան (այլ կիրառումներ)

Վիքիպեդիայում կան հոդվածներ Հայրապետյան ազգանունով այլ մարդկանց մասին։

Համլետ Հայրապետի Հայրապետյան (հունվարի 20, 1957(1957-01-20), Կամարիս, Աբովյանի շրջան, Հայկական ԽՍՀ, ԽՍՀՄ), ՀՀ պետական և քաղաքական գործիչ, ՀՀ Կոտայքի մարզպետի տեղակալ։

Համլետ Հայրապետյան
Ծնվել է	հունվարի 20, 1957(1957-01-20) (67 տարեկան)
Ծննդավայր	Կամարիս, Աբովյանի շրջան, Հայկական ԽՍՀ, ԽՍՀՄ
Կրթություն	ՀԱՊՀ
Մասնագիտություն	քաղաքական գործիչ
Կուսակցություն	Հայաստանի Հանրապետական կուսակցություն

Կրթություն

• 1963-1973 թթ. – սովորել և ավարտել է Կամարիսի միջնակարգ դպրոցը։
• 1973-1980 թթ. - սովորել և ավարտել է Հայաստանի պետական ճարտարագիտական համալսարանի մեխանիկա-մեքենաշինության ֆակուլտետը։
• 1975-1977 թթ. - սովորել և ավարտել է Հայաստանի պետական ճարտարագիտական համալսարանի հասարակագիտական մասնագիտությունների ֆակուլտետը՝ քաղաքական և հասարակական աշխատողի մասնագիտացմամբ։
• 1991-1993 թթ. - սովորել և ավարտել է Երևանի բիզնես դպրոցը բրոքեր և մենեջերի մասնագիտացմամբ։

Աշխատանքային գործունեությունը

• 1982-1985 թթ. - աշխատել է «Հայտրանսշին» տրեստի թիվ 99 ավտոբազայում՝ որպես գլխավոր ինժեներ։
• 1985 թ. - աշխատել է Լուսակերտի փականքային իրերի գործարանում՝ որպես գլխավոր մեխանիկ։
• 1985-1988 թթ. - եղել է Աբովյանի շինանյութերի և շինարարական առարկաների կոմբինատի ավտոպարկի պետ։
• 1991-1997 թթ. – Աբովյանի պտուղ-բանջարեղենի մթերման և մանրամեծածախ առևտրի միավորման գրասենյակի տնօրեն։
• 1992-1996 թթ. - եղել է Աբովյանի քաղաքային խորհրդի և շրջանային խորհրդի պատգամավոր։
• 1996 թ. լրացուցիչ ընտրություններով ընտրվել է ՀՀ Ազգային ժողովի 1-ին գումարման պատգամավոր։ Պաշտպանության, ազգային անվտանգության և ներքին գործերի մշտական հանձնաժողովի նախագահի տեղակալ։
• 1998-1999 թթ. – ՀՀ Հարկային պետական տեսչության 4-րդ վարչության Կոտայքի տարածքային բաժնի պետ։
• 1999-2000 թթ. - ՀՀ Պետական եկամուտների նախարարության Գուգարքի տարածաշրջանային մաքսատան պետ։
• 2000 թ. – Պետական եկամուտների նախարարության օպերատիվ հետախուզության վարչության 6-րդ բաժնի պետ։
• 2000-2001 թթ. - «Երևան քաղաքի տրանսպորտի վարչության կենտրոնական դիսպետչերական» ՊՓԲԸ գործադիր տնօրեն։
• 2006-2008 թթ. - «Հայաստանի էլեկտրական ցանցեր» ՓԲԸ «Գեղամա» մասնաճյուղի ընդհանուր հարցերով առաջին փոխտնօրենի տեղակալ։
• 2015 թ. հուլիսի 29-ին ՀՀ վարչապետի որոշմամբ նշանակվել է Հայաստանի Հանրապետության Կոտայքի մարզպետի տեղակալ։

Պարգևներ

• Մարտական ծառայության մեդալ (2009)։
• ՀՀ ՊՆ «Վազգեն Սարգսյան» մեդալ (2008)։
• ՀՀ ՊՆ «Անդրանիկ Օզանյան» մեդալ (2006)։
• ՀՀ ՊՆ «ՀՀ Զինված ուժեր 20 տարի» հոբելյանական մեդալ (2012)։
• Մարտական ծառայության մեդալ (ԼՂՀ) (2006)։
• ՀՀ Ազգային ժողովի նախագահի հուշամեդալ (2015)։
• ՀՀ ԶՈՒ գլխավոր շտաբի պետի պատվոգիր (2015)։

Ամուսնացած է, ունի մեկ որդի և երկու դուստր։ Հայաստանի հանրապետական կուսակցության անդամ է։