Հայաստանի նախագահական ընտրություններ (2022)
Հայաստանի նախագահական արտահերթ ընտրությունները տեղի են ունեցել 2022 թվականի մարտի 3-ին` այն բանից հետո, երբ Հայաստանի 4-րդ նախագահ Արմեն Սարգսյանը 2022 թվականի հունվարի 23-ին հրաժարական տվեց։
| Հայաստանի նախագահական ընտրություններ (2022) | ||||
|---|---|---|---|---|
 | ||||
| 2022 թվականի մարտի 3 | ||||
.jpg) |
||||
| Թեկնածու | Վահագն Խաչատուրյան | |||
| Կուսակցություն | Անկուսակցական | |||
| Ձայներ | 71 | |||
| | ||||
| Տեսակ | նախագահական | |||
| | ||||
| Պաշտոն | Հայաստանի նախագահ | |||
| | ||||
| Հաղթող | Վահագն Խաչատուրյան | |||
| | ||||
| Նախորդ | 2018 | |||
| | ||||
| Հաջորդ | 2029 | |||
Ընտրության կարգ
խմբագրելՀամաձայն սահմանադրության 124-րդ հոդվածի՝ նախագահը ընտրվում է յոթ տարի ժամկետով, պետք է լինի անկուսակցական։ Նախագահական ընտրությունները ի սկզբանե նախատեսված էին 2025 թվականի գարնանը[1]։
Հանրապետության Նախագահն ընտրվում է Ազգային ժողովի կողմից՝ յոթ տարի ժամկետով։ Հանրապետության նախագահի թեկնածու առաջադրելու իրավունք ունի պատգամավորների ընդհանուր թվի առնվազն մեկ քառորդը։ Սա նշանակում է, որ առնվազն 27 պատգամավոր պետք է աջակցեն թեկնածուին, որպեսզի նրան պաշտոնապես առաջադրեն: Հետևաբար, լայն համաձայնության դեպքում թեկնածուն կարող է մասնակցել առանց մրցակիցների, քանի որ Ազգային ժողովում 27-ից պակաս անդամ ունեցող փոքրամասնությունների կուսակցությունները չեն կարող առաջադրել թեկնածու:
Առաջին փուլում Հանրապետության նախագահ է ընտրվում այն թեկնածուն, որը ստացել է պատգամավորների ընդհանուր թվի ձայների առնվազն երեք քառորդը։ Եթե առաջին փուլում Հանրապետության նախագահ չի ընտրվում, ապա անցկացվում է ընտրության երկրորդ փուլ, որին կարող են մասնակցել առաջին փուլին մասնակցած բոլոր թեկնածուները[1]։ Երկրորդ փուլում Հանրապետության նախագահ է ընտրվում այն թեկնածուն, որը ստացել է պատգամավորների ընդհանուր թվի ձայների առնվազն երեք հինգերորդը։ Եթե երկրորդ փուլում ևս Հանրապետության նախագահ չի ընտրվում, ապա անցկացվում է ընտրության երրորդ փուլ, որին կարող են մասնակցել երկրորդ փուլում առավել ձայներ ստացած երկու թեկնածուները։ Երրորդ փուլում Հանրապետության նախագահ է ընտրվում այն թեկնածուն, որը ստանում է պատգամավորների ընդհանուր թվի ձայների մեծամասնությունը։ Եթե երրորդ փուլում էլ Հանրապետության նախագահ չի ընտրվում, ապա տասնօրյա ժամկետում անցկացվում է Հանրապետության նախագահի նոր ընտրություն
Հանրապետության Նախագահի թեկնածուներին առաջադրվող պահանջները
խմբագրելՍահմանադրության փոփոխությունների համաձայն, Հանրապետության նախագահ կարող է ընտրվել քառասուն տարին լրացած, վերջին վեց տարում միայն Հայաստանի Հանրապետության քաղաքացի հանդիսացող, վերջին վեց տարում Հայաստանի Հանրապետությունում մշտապես բնակվող, ընտրական իրավունք ունեցող և հայերենին տիրապետող յուրաքանչյուր ոք։
Նույն անձը Հանրապետության նախագահ կարող է ընտրվել միայն մեկ անգամ[2]։
Թեկնածուներ
խմբագրելԻշխող Քաղաքացիական պայմանագիր կուսակցությունը (71 մանդատ) և հիմնական ընդդիմադիր Հայաստան դաշինքը (29 մանդատ) բավարարել են 27 մանդատ ունեցող թեկնածու առաջադրելու պահանջը: Սակայն ընդդիմադիր Պատիվ ունեմ դաշինքը ունի միայն 6 մանդատ և չի կարողացել ինքնուրույն թեկնածու առաջադրել:
| Անուն | Կուսակցություն | Առաջադրողներ | Նշումներ | Ունեցած պաշտոններ |
|---|---|---|---|---|
| Վահագն Խաչատուրյան | Անկուսակցական | Քաղաքացիական պայմանագիր | [3] | Երևանի քաղաքապետ (1992–1996), Բարձր տեխնոլոգիական արդյունաբերության նախարար (2021–2022) |
Ընդդիմության բոյկոտ
խմբագրելԱզգային ժողովի Հայաստան ու Պատիվ ունեմ դաշինքները հայտարարել են, որ որոշել են «չմասնակցել նախագահական ընտրություններին որևէ կերպ»: Ընդդիմադիր դաշինքները համատեղ հայտարարությամբ նշել են. «Հայաստանի Սահմանադրությունը պահանջում է, որ Հանրապետության նախագահը լինի անաչառ, ղեկավարվի ազգային շահերով: Չնայած որ նախագահի ինստիտուտը պետք է հանդես գա որպես հասարակությունը միավորող իսկապես չեզոք ինստիտուտ, գործող իշխանությունը որոշել է առաջադրել և ընտրել նախագահի միայն իշխող ուժի ներկայացուցչին»[4]։
Արդյունքներ
խմբագրել| Candidate | Party | First round | Second round | |||
|---|---|---|---|---|---|---|
| Votes | % | Votes | % | |||
| Վահագն Խաչատուրյան | Անկուսակցական | 69 | 100.00 | 71 | 100.00 | |
| Դեմ | 0 | 0.00 | 0 | 0.00 | ||
| Total | 69 | 100.00 | 71 | 100.00 | ||
| Valid votes | 69 | 100.00 | 71 | 100.00 | ||
| Invalid/blank votes | 0 | 0.00 | 0 | 0.00 | ||
| Total votes | 69 | 100.00 | 71 | 100.00 | ||
| Registered voters/turnout | 107 | 64.49 | 107 | 66.36 | ||
| Source: News.am, RadioFreeEurope | ||||||
Տես նաև
խմբագրելԾանոթագրություններ
խմբագրել- ↑ 1,0 1,1 «Constitution of Armenia - Library - The President of Armenia». www.president.am (անգլերեն). Վերցված է 2018-01-09-ին.
- ↑ «Հայաստանի Հանրապետության Սահմանադրություն - Գրադարան - Հայաստանի Հանրապետության Նախագահ». նախագահ.հայ. Վերցված է 2017 թ․ մարտի 15-ին.
- ↑ «National Assembly of the Republic of Armenia | Official Web Site | parliament.am». www.parliament.am. Վերցված է 2022-02-02-ին.
- ↑ «Opposition will not nominate candidates for President of Armenia». Public Radio of Armenia (ամերիկյան անգլերեն). Վերցված է 2022-02-06-ին.