Հայկ Բեյլերյան
- Վիքիպեդիայում կան հոդվածներ Բեյլերյան ազգանունով այլ մարդկանց մասին։
Հայկ Հովհաննեսի Բեյլերյան (դեկտեմբերի 31, 1897, Ստամբուլ, Օսմանյան կայսրություն - 1972, Լենինական, Հայկական ԽՍՀ, ԽՍՀՄ), հայ դերասան, ՀԽՍՀ ժողովրդական արտիստ, պետական մրցանակի դափնեկիր։
 | |
|---|---|
| Ծնվել է | դեկտեմբերի 31, 1897 |
| Ծննդավայր | Ստամբուլ, Օսմանյան կայսրություն |
| Մահացել է | 1972 |
| Մահվան վայր | Լենինական, Հայկական ԽՍՀ, ԽՍՀՄ |
| Մասնագիտություն | դերասան |
| Պարգևներ և մրցանակներ |  |
Կենսագրություն
խմբագրելԾնվել է Կոստանդնուպոլիսում, որտեղ ստացել է նախնական կրթությունը։ 1915 թվականին մեկնել է Բուլղարիա, 1919 թվականին վերադարձել է Պոլիս, մի քանի ամիս աշխատել Օվի Սևումյանի դրամատիկական խմբում։ Սևումյանի մահից հետո մեկնել է Ռուսաստան։ 1922-1923 թվականներին ներկայացումներ է կազմակերպել Գրոզնիում, Ղզլարում և այլ վայրերում։ Այնուհետև եկել է Հայաստան, վերջնականապես բնակություն հաստատել Լենինականում, աշխատել քաղսովետին կից Արմեն Արմենյանի ղեկավարությամբ գործող թատրոնում, ապա՝ Մռավյանի անվան պետական թատրոնում[1]։
Գրել է մի շարք պիեսներ, որոնցից «Հայրենիքի համար» մանկա-պատանեկան պիեսը հայրենական պատերազմի տարիներին բեմադրվել է Երևանի պատանի հանդիսատեսի թատրոնում, իսկ «Պիոներ Նաբը» և «Հազարան բլբուլը» բեմադրվել են թե՛ Երևանում և թե՛ Լենինականում։
Նրա պիեսներից «Հայրենիքի համարը» լույս է տեսել առանձին գրքով, իսկ «Շունն ու կատուն» թարգմանվել է ռուսերեն, հրատարակվել Մոսկվայում[2]։
Դերերը թատրոնում
խմբագրել| Հեղինակ | Ներկայացում | Դեր |
|---|---|---|
| Ուիլյամ Շեքսպիր | Օթելլո | Յագո |
| Յոհան Ֆրիդրիխ Շիլլեր | Ավազակներ | Ֆրանց |
| Յոհան Ֆրիդրիխ Շիլլեր | Սեր և խարդավանք | Միլլեր |
| Ալեքսանդր Օստրովսկի | Անմեղ մեղավորները | Մուրով |
| Անտոն Չեխով | Եկամտավոր պաշտոն | Վիշնևսկի |
| Հակոբ Պարոնյան | Պաղտասար աղբար | Օգսեն |
| Ալեքսանդր Շիրվանզադե | Պատվի համար | Էլիզբարով |
| Ա. Յուժին-Սումբատով | Դավաճանություն | Կարա Յուսուֆ |
| Մոլիեր | Երևակայական հիվանդ | Արգան |
Ծանոթագրություններ
խմբագրել- ↑ «Гайк Бейлерян». Кино-Театр.РУ. Վերցված է 2017 թ․ դեկտեմբերի 18-ին.
- ↑ Գառնիկ Ստեփանյան (1973). Կենսագրական բառարան, հատոր Ա. Երևան: «Հայաստան». էջ էջ 194-195.